Бор-Өндөр сум дахь Онцгой байдлын хэлтэс

25/05/2026

23/05/2026

Хэнтий аймгийн Онцгой байдлын газраас салбар нэгжүүдэд “БЭЛЭН БАЙДЛЫН ҮЗЛЭГ”-ийг зохион байгуулж байна

✅ Онцгой байдлын ерөнхий газрын даргын 2025 оны 12 дугаар сарын 22-ны өдрийн А/515 дугаар тушаалын хэрэгжилтийг хангах, болзошгүй гамшиг, аюулт үзэгдэлтэй тэмцэх бэлтгэл бэлэн байдлыг хангуулах зорилгоор салбар нэгжүүдэд “Гамшгаас хамгаалах бэлэн байдлын үзлэг”-ийг зохион байгуулах удирдамжийн хүрээнд Бор-Өндөр сум дахь Онцгой байдлын хэлтэст тус үзлэгийг зохион байгууллаа.

📌Бэлэн байдлын үзлэг зохион байгуулах зааврын дагуу удирдлага, зохион байгуулалт, бие бүрэлдэхүүн болон нэг бүрийн хамгаалах хэрэгслийн хангалт, техник, тоног төхөөрөмж, багаж хэрэгслийн бэлэн байдал, холбоо зохион байгуулалт, нөөц хангалт, томилгоот бүрэлдэхүүний бэлтгэл, бэлэн байдлыг шалган, мэргэжил, арга зүйн зөвлөгөө өгч ажиллалаа.

19/05/2026

⚡️🚒ТАРХАЛТЫН ДАДЛАГА СУРГАЛТ ЗОХИОН БАЙГУУЛЛАА

📌Онцгой байдлын байгууллагаас “Цахилгаан Дамжуулах Үндэсний Сүлжээ” ТӨХК-ийн Зүүн Өмнөд Бүсийн Салбарын 110/35/6 кВ-ын Бор-Өндөр дэд станцтай хамтран гамшгаас хамгаалах бэлэн байдал, хариу арга хэмжээний чадавхыг нэмэгдүүлэх зорилгоор тархалтын дадлага сургалтыг зохион байгууллаа.

📌Тус дадлага сургалтаар дэд станцын хэмжээнд гарч болзошгүй гал түймэр, техникийн холбогдолтой осол, аваарын үеийн үед авч хэрэгжүүлэх арга хэмжээ, байгууллага хоорондын уялдаа холбоо, алба хаагчдын шуурхай ажиллагааг дадлагажуулан ажиллав.

Мөн:
▪️Анхан шатны гал унтраах багаж хэрэгслийг зөв ашиглах
▪️Ажилтан, алба хаагчдыг аюулгүй нүүлгэн шилжүүлэх
▪️Цахилгааны аюулгүй ажиллагааг хангах
▪️Гал түймрийн үед мэдээлэл дамжуулах, дуудлага өгөх дараалал
▪️Анхны тусламж үзүүлэх аргачлал зэрэг сэдвээр практик сургалт зохион байгууллаа.

📌Дадлага сургалтын үеэр оролцогчид гамшиг ослын үед хамтын ажиллагаа, бэлэн байдлыг хангах, эрсдэлийг бууруулах чиглэлээр мэдлэг, ур чадвараа нэмэгдүүлж, мэргэжлийн байгууллагуудын хамтын ажиллагааг бэхжүүлэн ажиллалаа.

19/05/2026

🚒🚨“НЭЭЛТТЭЙ ХААЛГАНЫ ӨДӨРЛӨГ” НЭГДСЭН АРГА ХЭМЖЭЭГ ЗОХИОН БАЙГУУЛЛАА

📌Онцгой байдлын хэлтсээс иргэд, олон нийтэд гамшгаас хамгаалах мэдлэг, ойлголтыг нэмэгдүүлэх, Онцгой байдлын байгууллагын үйл ажиллагаа, аврах, гал унтраах техник, багаж хэрэгслийг сурталчлан таниулах зорилгоор “Нээлттэй хаалганы өдөрлөг” нэгдсэн арга хэмжээг зохион байгууллаа.

📌Тус арга хэмжээний үеэр алба хаагчид гал түймэр унтраах, аврах ажиллагаанд ашиглагддаг автомашин техник, тусгай зориулалтын тоног төхөөрөмж, багаж хэрэгслийг дэлгэн танилцуулж, зориулалт, ашиглалтын талаар дэлгэрэнгүй мэдээлэл өгч ажиллалаа.

Мөн иргэдэд:
▪️Гал түймрээс урьдчилан сэргийлэх зөвлөмж
▪️Газар хөдлөлт болон гамшгийн үеийн анхан шатны мэдлэг
▪️Аюулгүй нүүлгэн шилжүүлэх дадал
▪️Анхны тусламж үзүүлэх аргачлал
▪️Хүүхэд багачуудад зориулсан танин мэдэхүйн мэдээлэл, зөвлөгөө зэргийг хүргэж ажилласан юм.

📌Өдөрлөгийн хүрээнд хүүхэд багачууд аврагч, гал сөнөөгчдийн хувцас хэрэглэлтэй танилцаж, техник хэрэгслийг сонирхон үзэж, алба хаагчдаас сонирхсон асуултдаа хариулт авч идэвхтэй оролцлоо.

16/05/2026

Дохио!!! Цаг агаарын аюултай үзэгдлээс сэрэмжлүүлэх мэдээ:

МАЛЧИД, ИРГЭД, ТЭЭВЭРЧДИЙН АНХААРАЛД
17-нд ихэнх сумдын нутгаар аадар бороо, бороо орж, сэрүүсэх тул болзошгүй нөөлөг салхи, шороон шуурга, мөндөр, аянга цахилгааны аюулаас сэрэмжтэй байхыг анхааруулж байна.

🌧️17нд говийн аймгуудын нутгийн зүүн хэсэг, зүүн аймгуудын нутгийн өмнөд хэсгээр усархаг аадар бороо, үргэлжлэн орж, сэрүүсэх тул болзошгүй нөөлөг салхи, шороон шуурга, мөндөр, аянга цахилгаан, үер ус, нойтон цасны аюулаас, сэрэмжтэй байхыг анхааруулж байна.

15/05/2026

АЛБА ХААГЧИД 1817 ИРГЭНИЙ АМЬ НАС, 338.4 ТЭРБУМ ТӨГРӨГИЙН ЭД ХӨРӨНГИЙГ АВРАН ХАМГААЛЛАА

Улсын хэмжээнд он гарсаар дөрвөдүгээр сарын байдлаар 1817 удаагийн гамшиг, аюулт үзэгдэл, ослын дуудлага, мэдээлэл бүртгэгдлээ.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 2255 хүний амь нас, 338.4 тэрбум төгрөгийн өмч хөрөнгийг авран хамгааллаа.

Тохиолдсон гамшиг, аюулт үзэгдэл, ослын 1501 нь гал түймэр, 239 нь хүний үйл ажиллагаатай холбоотой осол / зам тээврийн осол, төөрсөн, сураггүй болсон, өндрөөс унах, мөс цөмрөх/, 17 нь геологийн гаралтай аюулт үзэгдэл, 32 нь биологийн гаралтай аюулт үзэгдэл, 28 нь ус цаг уурын гаралтай аюулт үзэгдэл байна.
https://nema.gov.mn/post/175008
#гамшигосол
#сарынтойм

15/05/2026

ЗҮҮН, ГОВИЙН АЙМГУУДЫН НУТГААР УСАРХАГ ААДАР БОРОО, БОРОО ҮРГЭЛЖЛЭН ОРНО

14/05/2026

ЦУОШГ: ЗҮҮН, ГОВИЙН АЙМГУУДЫН НУТГААР УСАРХАГ ААДАР БОРОО, БОРОО ҮРГЭЛЖЛЭН ОРНО

📌Өнөө шөнө (2026.05.14-15) говийн аймгуудын нутгийн зүүн, зүүн аймгуудын нутгийн өмнөд хэсгээр,
📌15-нд зүүн аймгуудын нутгийн өмнөд хэсгээр,
📌16-нд говийн аймгуудын нутгийн зүүн хэсгээр усархаг аадар бороо, бороо үргэлжлэн орох тул болзошгүй нөөлөг салхи, шороон шуурга, мөндөр, аянга цахилгаан, үер усны аюулаас сэрэмжтэй байхыг анхааруулж байна.

14/05/2026

АМЬСГАЛЫН БИЕ ДААСАН ТӨХӨӨРӨМЖИЙН ДАДЛАГА СУРГАЛТ ЗОХИОН БАЙГУУЛЛАА

📌Амьсгалын бие даасан төхөөрөмжтэй ажиллах сургалт, дадлага болон хүндрүүлсэн нөхцөл, утаат орчинд галын хайгуулын ажиллагааг зохион байгуулах дадлага сургалтыг амжилттай зохион байгууллаа.

📌Сургалтаар алба хаагчид амьсгалын бие даасан төхөөрөмжийг зөв ашиглах, утаат орчинд ажиллах үеийн аюулгүй ажиллагааг хангах, галын голомтод эрэн хайх, аврах ажиллагааг шуурхай зохион байгуулах дадлыг эзэмшиж, харилцан мэдлэг, туршлагаа солилцон ур чадвараа нэмэгдүүлэв.

📌Тус дадлага сургалт нь алба хаагчдын мэргэжлийн бэлтгэл, бэлэн байдлыг дээшлүүлэх, гамшиг ослын үед үүрэг гүйцэтгэх чадавхыг нэмэгдүүлэх ач холбогдолтой арга хэмжээ боллоо.