Zomi Diktak

20/05/2026

TONZANG khuapi lutna signboard kisia
=============================
29 May,2026

Tonzang khuapi Tedim lampan lutna signboard SAC in bomkhiat na hang imln kisia hi.

Hih Signboard kisia puahkik ding in We Love Zomi - Tonzang te'n puahphat ding in gelna nei uh cih za ing,ka lungnop tuam ci'n PuPuThang in pulak na neihi.

19/05/2026

TONZANG khuapi SAC/ZRA in la zota
============================
19 May,May2026

Tonzang khuapi tuni 19 May,ni'n CDF/CNA khut sungpan SAC/ZRA in lazo ta hi ci'n ZRA lampan pulak uhhi.

18/05/2026

Tonzang khuapi bom kikhiat

18/05/2026

Falam galtai aciah kik nuam sumhak sa te ading motor (3) kivai hawm sak
==========================
18 May,2026

Falam myo ciahkik nuam a sumlehpaai haksa te ading FALAM PAWLPI in motor (3) vaihawm sak uha zingciang 19 May,ni'n kawlpi pan dingkhia ding uhhi

Mikhat ciang in van ip nihta leh antang ip khat ta puathei ding uha vanpua nuam peuhmah in 18May, zingsang nai (9) pan nitak nai (4) kikal FALAM PAWLPI te tung zasak ding uh cihi.

Apai sa tuma kum(2) lai aki pan SAC te akikap nahang in mipi tul (6) val bang kawlpi leh muntuamtuam ah kitheh taang mang uh hihi.

Falam khuapi pen CB khutsung pan in 25 April,ni'n SAC in lakik zota uha,kumpi nasem ulian tuamtuam te 6 May, ni'n in akhat vei na kawlpi pan mi (100) val apai khin uh ahihi,zum tuamtuam te zongpen tukha bei ma honzawh nading gelna anei uhhi.

17/05/2026

PuMung Tonzang pan kihem kia khin ta

PU ZOMUNG TONZANG khuapi nusia ta,Tonzang khuapi kido na omnai lo
============================
17 MAY , 2026

Tuni 17 May,zingsang lam nai (11) kiim pan nitak lam nai (3) d**g Tonzang kiim ah nasia tak kidona om in akuan lam ten drone limzat mahmah uha,PuMung zong in Tonzang khuapi nusia ta cih kiza hi.

Tonzang kiim nai a kido na pen Lomzang khua kiim leh Tonzang khuapi tawh tai khat aki gamlat na aom Tungtuang khua kiim ah hih mun nih gel khauh pai mahmah cihi.

Hih kikap nasung pan in nungkum sung mualkawi khua aom ZRA EC te phual CDF/CNA in abuluh lai vua drone gol te khat angah uh pen tu'n SAC/ZRA ten ki ngah kik ta hi ci'n pulak uhhi.

PuMung pen Tonzang pan akihep khit ni nih nithum bang sawt khinta a,Phaitu khualam ah apai khia hihtuak hi.

Galvai tawh kisai in ZRA te pen mualkawi lampan tuni tan ciang lut nailo phot uhhi,banghun ciang lut kigen thei nailo phot hi,CDF lampan bel ZRA te mualkawi ah omkhin ta uha Tonzang lut ngam nailo hi ci'n pulak uhhi.

Tonzang khuapi sungpen kido kikap na tuni tan ciang omnai lo phot hi.

16/05/2026

Tonzang huam kikap naah ZRA asi aliam omlo
====================
16 May,2026

Tuni huamsung in Tonzang gamhuam kido kikap na sung ah SAC/ZRA kipawl khawm in CDF/CNA tawh kikap na omhi.

Abei sa ni (2,3) sung sanggam zote ten zawkdeuh na thualmu,lomzang,mawngken khua kiim teng kikap nasia mahmah hi,hih kikap naah zanglam pan ongkah to thautawi kipawl napan asi zong om cihi.

CDF Tonzang lampan agen naah Vialcian khua kiim drone kikap naom in ZRA mi (7) peuhmah si ding ci uhi,hihtawh kisai in ZRA lampan tuni ciang Pasian ompih natawh aliam zong kiom naisam lo cihi uhhi.

Tulaitak galvai din mun pan Tonzang khuapi nai tungnai sam lo in ZRA te mualkawi lampan zong lut kici himah leh kipai peuh mah lo hi ci'n ZRA lampan nial uhhi.

15/05/2026

Lomzang khua bom kikhiat
=======================
15 May,May2026

Tonzang myone sung aom Lomzang khua SAC in tuni bomkhiat cih thu kiza hi.

Tuni 15 May, ni'n SAC te gal vanleng tawh nitak lam Nai 5:20 kiim pawl bomkhiat na neihi,hih bomkhiat na hang in asi aliam ki thei nailo hi.

Lomzang khua pen lasiam EnNo Zaideih omna khua ahihi

14/05/2026

13/05/2026

Tonzang kikap na kipan ta,mipi te khua zan pi in galtai
================================
13 May,2026

Tonzang khuapi tulai tak ZRA EC in nasia tak kap kipan ta uh cihthu kiza hi

Tuni 13 May nitak lam akipan ZRA EC leh Tonzang aluah CDF/CNA te nasia tak kikap na khauhpai mahmah hi ci'n ZRA te tungpan kiza hi.

Abeisa hun in ZoMuMung in Tonzang khuapi pen kiging khin sa in kiom khin bekloh kikhah suah lo ding a mipi te zong galtai kul hetlo hi ci'n pulak na neikhin hi.

Hih kikap naah SAC leh ZRA EC pangkhawm in mun nih pan kap uh hikha diing in up mawh na om hi,ZRA EC in Mualkawi khua lampan leh SAC in Tungtuang khua lampan kap kha ding in kium mawhhi.

Zomi Diktak

10/05/2026

SAC te thaupi tang tuamtuam puak na motor TEDIM khuapi sung ah puakkham
=================================
10 May,2026

Taingen leh Tedim kikal galmainawt a ongkuan SAC te thaupi tang tuamtuam apuak nauh motor khat pen 9 May,nitak lam nai (1) khit pawl in amotor leh thautang teng puakkham g*i cih thu kiza hi.

Hitawh kisai mipi khat in agen naah''nitak lam nai (1)leh lang kiimpawl in motor khat saimual lam ongpai suk in Tedim,leilum veng ongtun suk tak teh motor nung akuang sa in ongnawk suk in lawibual veng atun madeuh lian in motor tawh apuak thautang te ongpuak kham a motor hawlpa taikhia mansam hi'' ci'n mipi khat in gen hi.

Hih motor puak thautang te pen atung ah laikhawg tawh sel uha solar zongpua ahih man in asolar khau kigawm khak napan athautang selna lai teng kangpah in thautang teng apuak kham hi ding ki um mawh hi.

Hih thautang teng pen khat khitkhat puakkham pah ziah''in nai khat leh lang sungbang puakkham ngek'' hi ci'n in agei naihuai aom ten genhi.

Hih thautang puakteng pen Ciau lam ahih kei leh Tonzang lam lak naah zatding hi kha thei dinghi.