05/04/2026
राष्ट्रिय स्वतन्त्र पार्टी (रास्वपा) सरकारमा आएदेखि शेयर बजारमा लगातार गिरावट देखिएको छ। बजारमा भएको घाटापछि केही लगानीकर्ताहरूले रास्वपा पार्टी कार्यालयमा आगो लगाउने धम्की दिने अवस्था उत्पन्न भएको छ।
सामाजिक सञ्जालमा मुक्ति न्यौपाने नाम गरेका व्यक्तिले लगानीकर्तालाई एकजुट हुन र रास्वपा कार्यालयमा धर्ना बस्न आग्रह गरेका छन्। उनले भनेका छन्, “शेयर मूल्य घटेपछि हाम्रो सम्पत्ति गुम्दै गएको छ, अब सबैले आवाज उठाउनुपर्छ।”
त्यस्तै, राजु खत्री नाम गरेका व्यक्तिले पनि रास्वपा पार्टीलाई जिम्मेवार ठहर गर्दै कार्यालयमा आगो लगाउनुपर्ने माग राखेका छन्। सामाजिक सञ्जालमा शेयर लगानीकर्ताले सरकारको भूमिका पर्याप्त नभएको र बजार नियन्त्रणमा नआएको भन्दै आक्रोश व्यक्त गरेका छन्।
विशेषज्ञहरूले चेतावनी दिएका छन् कि यस्तो प्रत्यक्ष हिंसा र धम्कीले बजारमा अझै अस्थिरता ल्याउन सक्छ। “शेयर बजारमा घाटा हुनु कुनै आश्चर्यको कुरा होइन, तर राजनीतिक दल र सरकारको निर्णयमा दोषारोपण गरेर हिंसात्मक कदम चाल्नु स्वीकार्य छैन,” एक बजार विश्लेषकले भने।
