06/09/2026
🙏 श्री राम जानकी मन्दिरका चोरी भएका मूर्ति फेला परेको खुसीको खबर 🙏
केही दिनअघि हाम्रो जहदा गाउँपालिका–३ स्थित श्री राम जानकी मन्दिरबाट चोरी भएका २ वटा पित्तलका मूर्ति खोजी गर्ने क्रममा आज हाम्रो जहदाका युवाहरूको निरन्तर प्रयास र मेहनतले भारतको डोरिया भन्ने स्थानबाट सफलतापूर्वक फेला पार्न हामी सफल भएका छौँ। 🙏❤️
यो सफलता कुनै एक व्यक्ति वा समूहको मात्र नभई सम्पूर्ण जहदा–३ का युवाहरूको एकता, मेहनत, साहस र आपसी भाइचाराको परिणाम हो। विगत ५ दिनदेखि हिन्दू–मुस्लिम सबै समुदायका युवा साथीहरू मिलेर दिनरात नभनी मूर्ति खोजी गर्ने अभियानमा जुट्यौँ र अन्ततः आज खुसीको खबर पाउन सफल भयौँ। 🤝❤️
यस खोजी अभियानमा विशेष रूपमा महत्त्वपूर्ण योगदान दिनुहुने मुकेश झा, प्रमोद मण्डल लगायत Jadaha-3 Helping Hands का सम्पूर्ण युवा साथीहरूप्रति हृदयदेखि नै धन्यवाद तथा सम्मान व्यक्त गर्दछौँ। 🙏❤️
हाम्रो उद्देश्य सधैँ धर्मभन्दा माथि मानवता, समुदायभन्दा माथि एकता र समस्याभन्दा माथि समाधान हुनुपर्छ भन्ने सन्देश दिनु हो। हिन्दू–मुस्लिम सबै मिलेर आफ्नो गाउँको धार्मिक सम्पदा र सामाजिक सद्भावको संरक्षण गर्न सकिन्छ भन्ने उदाहरण आज हामीले प्रस्तुत गरेका छौँ। 🤝🕉️☪️
भोलि बिहान विधिवत् रूपमा उही मन्दिरमा मूर्तिहरू पुनःस्थापना गर्ने तयारी गरेका छौँ। यो क्षण सम्पूर्ण जहदा–३ का लागि खुसी, गर्व र एकताको क्षण हुनेछ। 🙏
मूर्ति भेटिनु मात्र सफलता होइन, हाम्रो गाउँका युवाहरू एकजुट भएर असम्भव जस्तो देखिएको काम सम्भव बनाउनु नै सबैभन्दा ठूलो सफलता हो। ❤️
सम्पूर्ण सहयोगी हातहरूलाई हार्दिक धन्यवाद।
जहदा–३ एकता जिन्दाबाद ❤️🤝
हिन्दू–मुस्लिम भाइचारा जिन्दाबाद ❤️
जहदा–३ Helping Hands 🤝❤️
