21/06/2026
३०% भ्याट कट्टी गर्ने व्यवस्था खारेज
आदरणीय निर्माण व्यवसायी साथीहरू,
ठेक्कापट्टाको बिल भुक्तानी लिँदा बेहोर्नुपर्ने एउटा ठूलो आर्थिक र प्रशासनिक झन्झट अब कानुनी रूपमै अन्त्य भएको छ।
हालै राजपत्रमा प्रकाशित मूल्य अभिवृद्धि कर (अठ्ठाइसौं संशोधन) नियमावली, २०८३ को बुँदा ८ ले साविकको नियम ६ग र अनुसूची-९ लाई पूर्ण रूपमा खारेज गरेको छ।
के थियो साविकको व्यवस्था (नियम ६ग र अनुसूची-९) ?
सरकारी निकाय वा आयोजनाहरूले निर्माण व्यवसायीलाई भुक्तानी दिँदा लाग्ने कुल १३% भ्याटमध्ये ३०% रकम स्रोतमा कट्टी (Withholding) गरेर राजस्व खातामा जम्मा गरिदिन्थे र त्यसको प्रमाणस्वरूप अनुसूची-९ बमोजिमको कर कट्टी प्रमाणपत्र दिने गर्थे।
अब आयोजनाले भुक्तानी दिँदा भ्याटबापतको रकम कट्टी गर्न पाउने छैनन्। व्यवसायीले आफ्नो बिलको पूरा १३% भ्याट रकम भुक्तानीकै समयमा प्राप्त गर्नेछन्।
