21/05/2026
मधेशमा पछिल्लो समय लागुऔषधको समस्या निकै गम्भीर बन्दै गएको छ। सीमावर्ती क्षेत्रमा भारत पुगेर लागुऔषध सेवन गर्ने प्रवृत्ति बढ्दो छ भने ११/१२ वर्षकै किशोरहरू समेत यसको असरमा पर्न थालेका छन्।
हामीले विभिन्न स्कुल तथा समुदायमा जनचेतनामूलक कार्यक्रम सञ्चालन गरे पनि लागुऔषधको कारोबार र प्रयोग झन् बढिरहेको महसुस भइरहेको छ। युवामा रिस, आवेग र बदलाको भावना बढ्दै जानु समाजका लागि चिन्ताको विषय बनेको छ।
यसतर्फ सम्बन्धित निकायले सूक्ष्म अनुसन्धान गरी दोषीमाथि कडा कारबाही गर्न जरुरी छ। यदि अहिले नै नियन्त्रणतर्फ ध्यान नदिने हो भने समाज अझ असुरक्षित बन्न सक्छ।
आउनुहोस्, सबै मिलेर मधेशलाई सुरक्षित बनाऔं, युवालाई सही बाटोमा अघि बढाऔं। 🙏
