04/11/2023
शुक्रबार राती आएको भुकम्पको कारण रुकुम पश्चिममा मृत्यु ३६ जनाको मृत्यु
रुकुम पश्चिम ,२०८०।०७।१८
शुक्रबार राती आएको भुकम्पको कारण रुकुम पश्चिममा मृत्यु ३६ जनाको मृत्यु भएको छ ।
यो समाचार तयार पर्दा सम्म मृत्यु भएका २८ जनाको परिचान भएको छ भने ८ जनाको पहिचान हुन बाकिँ छ । जिल्ला प्रहरी कार्यालयका प्रहरी नायब उपरिक्षक नमराज भट्टराईका अनुसार मृत्यु हुनेहरुमा जिल्लाको आठविसकोट नगरपालिकाका १८ र सानीभेरी गाउँपालिकाका १० जना रहेका छन ।
मृत्यु हुनेहरुमा आठविसकोट नगरपालिका वडा नम्वर ११ बस्ने वर्ष ३५ की शिला कामी, वर्ष १३ की सिर्जना कामी, वर्ष ९ की रिया कामी, वर्ष ६ की दिया कामी, वर्ष ४ की आशा कामी, १८ महिनाकी एलिसा कामी रहेका छन ।
त्यसैगरी सोहि नगरपालिका वडा नम्वर १२ सानीबार्खु बस्ने वर्ष १४ को रमेश पुन र वर्ष १३ को डिल बहादुर के।सी।, वडा नम्वर १४ को वर्ष बासु बुढा, वर्ष ३० की अमृता जैसी, वर्ष ५ की भावना जैसी, वर्ष २ को दिपेन जैसी, वर्ष १२ की सरिता वि।क।, वर्ष १३ को मदन गौतम र वर्ष ८३ को करे नेपालीको मृत्यु भएको छ ।
भूकम्पमा परेर पूर्वी रुकुम घर भइ आठविसकोट नगरपालिका वडा नं १४ मा कोठा भाडामा बस्ने गाडि चालक वर्ष ३० को किस्मत पुन मगर, जिल्ला बर्दिया घर भइ कामको सिलसिलामा आएका वर्ष ४७ को खड्क वि।क। र वर्ष ३६ को अनिल वि।क।को पनि मृत्यु भएको छ ।
त्यसैगरी सानीभेरी गाउँपालिका वडा नम्वर १ चाइनाबगर बस्ने वर्ष ३१ को धनविर पुन, वर्ष २८ को चुम्निमा पुन, वर्ष ८ को यमराज पुन, वर्ष २ की सितम पुन, वडा नं २ परियार टोल बस्ने वर्ष १२ की मनिषा परियार, वडा नं ४ बस्ने वर्ष २५ की सन्तदा दमाइ, वर्ष ६ को कृष्ण परियार, वर्ष ८ को निर्जल चन्द, १० महिनाको शिशु रेजन ओली रेगन र वडा नम्वर १ की ६० वर्षिया सरस्वती बिकको मृत्यु भएको प्रहरीले जानकारी दिएको छ ।
१४३ जना घाईते
यसैबिच यो समाचार तयार पार्दासम्म १४३ जना घाईते भएका छन । घाईते मध्य गम्भिर अवस्थामा रहेका पाँच जनालाई हेलिकप्टर र १२ जनालाई हवाई जहाज मार्फत उद्धार गरिएको छ ।
जिल्ला प्रहरी कार्यालयका प्रहरी नायब उपरिक्षक नमराज भट्टराईका अनुसार आठविसकोट नगरपालिका वडा नम्वर ११ का ३० वर्षिय तेजेन्द्र नेपाली, वडा नम्वर १० का ४१ वर्षिय रत्न कुमारी दमाई र वडा नम्वर १३ का ३० वर्षिय धनमाया पुन, वडा नम्वर १४ का ४ बर्षिय प्रताप बिक र ३८ बर्षिय गणेश मल्ललाई थप हेलिकप्टर मार्फत थप उपचारको लागि सुर्खेत पठाईएको छ । नेपाली सेनाको हेलिकप्टर मार्फत उहाँहरुलाई सुर्खेत पठाईएको हो ।
त्यसैगरी जिल्ला अस्पताल सल्लेमा १२ जनालाई थप उपचारको लागि नेपाल वायु सेवाको हवाई जहाज मार्फत नेपालगञ्ज पठाईएको छ ।
भूकम्पको कारण घाईते भएका १४३ जना मध्य अन्य बाँकिको जिल्लाका विभिन्न अस्पतालहरुमा उपचार भईरहेको छ । प्रहरीका अनुसार जिल्ला अस्पताल सल्लेमा २७ जना, चौरजहारी अस्पतालमा २१ जना, आठविसकोट नगर अस्पतालमा ३९ जना र सहिद स्मृति अस्पताल सानीभेरीमा ३६ जनाको उपचार भईरहेको छ ।
भूकम्पको कारण भत्किएका विभिन्न संरचनाको कारण १४२ जना घाईते भएको बताईएको छ । घाईतेहरुको जिल्लाका विभिन्न अस्पतालहरुमा उपचार भईरहेको छ ।
जिल्लाका अन्य स्थानमा पनि मानविय क्षति भएको सूचना आएको र विवरण संकलनहुँदै गरेको प्रहरीको भनाई छ ।
शुक्रबार राती ११ बजेर ४७ मिनेटमा जाजरकोटको रामिडाँडा केन्द्रबिन्दु भएर ६।४ रेक्टरस्केलको भूकम्प गएको थियो ।
