06/09/2026
🚨واحد ماشي بعربيته في أمان الله، وفجأة اتفاجئ بعربية سايقها واحدة ست جاية بسرعة في وشّه عكس الاتجاه.. الراجل ملحقش حتى يستوعب اللي بيحصل، وفجأة: بووووم 💥.. العربيتين دخلوا في بعض!
صوت الخبطة لمّ الناس حواليهم، والراجل نزل من عربيته متعصب ولسه هيتخانق، لكنه أول ما لقى اللي نازلة من العربية ست، قال يهدى ويتكلم باحترام، يعني في الآخر دي ست.
لكن اللي حصل بعد كده كان كفيل يخلّي أي حد يعيد حساباته في الحياة 😂
الست بدل ما تنزل تقول:
"أنا آسفة، مكنتش أقصد"..
لا يا جماعة! 😐
هي اللي نازلة تتخانق وبتزعق ومش عاجبها كمان!
الراجل وقتها مخه عمل Restart وقال لها:
"إنتِ جاية عكس الاتجاه وكمان بتقاوحي وبتزعقي معايا؟!"
فترد عليه بكل ثقة، ثقة محدش عارف جابتها منين:
"مليش دعوة! إنت اللي جاي في وشي وخبطني!" 🤦♂️😂
قال لها:
"يا عم إنتِ بتقولي إيه؟ ده شارع اتجاه واحد، وأنا ماشي في اتجاهي! إنتِ اللي جاية عكس وخبطتيني!"
فترد عليه بثقة أكبر من الأولى:
"أيوة، إنت عاوز إيه يعني؟ ما أنا كمان عربيتي اتخبطت ومتكلمتش!" 😂😂
الراجل هنا دخل في مرحلة الذهول الكامل..
لسانه اتعقد، وضغطه علي، وجاله رعشة في كل أركانه، وكان فاضله شوية ويطلب إسعاف لنفسه من الصدمة قبل ما يطلب إصلاح عربيته! 😂
والناس كلها اتلمت حواليها وفضلوا يقولولها:
"حسبي الله ونعم الوكيل! إنتِ بتفتري على الراجل ليه؟ إنتِ غلطانة، والمفروض تعتذري وتتحملي تصليح التلفيات!"
وهنا بقى حصل التحول السحري...
أول ما سمعت كلمة "تصليح وتلفيات"، الست قررت تعمل انسحاب تكتيكي محترم من موقع الحادث. 😂🏃♀️
الراجل قال لها:
"رايحة فين؟!"
بصتله بصّة كده فيها كل معاني الاستنكار والقرف...
وكان ناقص تقول له:
"أنا محدش يقولي رايحة فين غير جوزي!"🤦♂️😂
