DPG Media

05/02/2026

05/02/2026

LTO 6, WALA NAGAPATI NGA NAGAPAMILIT ANG MGA PASAHERO RASON NGA NAGA-GINUTOK SA MODERNIZED JEEP

Dapat indi na magpasaka sang pasahero kon yara na sa napulo (10) ka tawo ang nagatindog sa modernized jeep nga amo gid lamang ang standing capacity sang unit.

Sa interview sang K5 News FM Iloilo kay Atty. Gaudioso Geduspan II, Regional Director sang Land Transportation Office (LTO) Region 6, nagasaka ang ila enforcement team sa mga modernized units kag masami tion sang rush hour ma-obserbahan ang pagginutok sang mga pasahero.

Suno sa direktor, indi balido nga rason nga nagapamilit ang mga pasahero bangud sarang ini ma-kontrol sang Passenger Assitance Officer (PAO).

Mahimo ga magpamalibad ang PAO nga magpasakay sang dugang nga pasahero bangud dapat prayoridad ang convenience, comfort kag safety sang commuters.

Pahayag pa sang natungdan, gina-ticketan ang mga ini sang violation nga overloading sang ila enforcement team sa diin yara sa masobra P5,000 ang multa.

Interview kay Dir. Geduspan:
https://www.facebook.com/share/v/14Wa6JBjzTD/

by: K5 Kim Caluyo
Ang ini nga balita ginadul-ong sa inyo sang:
𝘿3𝘽𝙄𝙊, 𝘿𝙏𝙓500, 𝙈𝙄𝙂𝙃𝙏𝙔 𝘾𝙀𝙀, kag 𝘿𝙏𝙓 𝘾𝙊𝙁𝙁𝙀𝙀 𝙈𝙄𝙓
Mabakal man ini sa tanan nga branches sang 𝘾𝙡𝙞𝙣𝙞𝙘𝙖 𝘿𝙚 𝘼𝙡𝙩𝙚𝙧𝙣𝙖𝙩𝙞𝙫𝙤 kag sa mga nagapanguna nga botika sa inyo nga lugar.

03/01/2026

| 𝗧𝗔𝗫𝗜 𝗗𝗥𝗜𝗩𝗘𝗥 𝗡𝗚𝗔 𝗡𝗔𝗚𝗣𝗢𝗦𝗜𝗧𝗜𝗕𝗢 𝗦𝗔 𝗚𝗜𝗡𝗣𝗔𝗧𝗜𝗚𝗔𝗬𝗢𝗡 𝗡𝗚𝗔 𝗦𝗨𝗥𝗣𝗥𝗜𝗦𝗘 𝗗𝗥𝗨𝗚 𝗧𝗘𝗦𝗧 𝗦𝗔 𝗜𝗟𝗢𝗜𝗟𝗢 𝗜𝗡𝗧'𝗟 𝗔𝗜𝗥𝗣𝗢𝗥𝗧, 𝗟𝗜𝗪𝗔𝗧 𝗡𝗚𝗔 𝗡𝗔𝗚𝗣𝗢𝗦𝗜𝗧𝗜𝗕𝗢 𝗦𝗔 𝗖𝗢𝗡𝗙𝗜𝗥𝗠𝗔𝗧𝗢𝗥𝗬 𝗧𝗘𝗦𝗧

Liwat nga nagpositibo sa confirmatory test ang taxi driver nga nauna na nga nagpositibo sa surprise drug test sang PDEA-6 kag LTO-6 sa Iloilo International Airport kahapon, Disyembre 29, 2025 bilang kabahin sang Oplan Biyaheng Ayos Pasko 2025.

Ini ang ginkunpirmar ni Ma. Graziella Tanaleon, tagpamaba sang PDEA-6, sa interview sang GMA Super Radyo Iloilo.

Bangud sini, padayun nga suspendido ang lisensya sang driver.

Sa interview sang GMA Super Radyo Iloilo kay Atty. Gaudioso Geduspan, regional director sang LTO-6, ginpahayag sini nga bangud nagpositibo ang driver, papanaugan ini sang show cause order kag posible nga ma-revoke ang iya lisensya.

Matandaan nga kabug-usan nga 51 ka mga driver, conductor kag dispatcher ang nagpaidalum sa drug test sa Iloilo International Airport, kun sa diin isa ka taxi driver ang nagpositibo.

Samtang, ginpatigayon man sang PDEA-6 kag LTO-6 ang surprise drug test sa Ungka Terminal sa Jaro, Iloilo City.

Nagpaidalum sa amo nga test ang 50 ka mga driver, conductor kag dispatcher, apang suno kay Tanaleon, wala sang may nagpositibo sa ginpatigayon nga surprise drug test sa nasambit nga terminal.

Padayon naman ang panawagan sang mga ahensya sang gobyerno sa mga public utility drivers nga magpabilin nga drug-free agud masiguro ang kahilwayan kag kaluwasan sang mga pasahero, ilabi na sa tunga sang holiday travel rush.

|DEstante

31/12/2025

[ɴᴇᴡ ʏᴇᴀʀ ᴍᴇꜱꜱᴀɢᴇ ꜰʀᴏᴍ ᴛʜᴇ ᴏꜰꜰɪᴄᴇ ᴏꜰ ᴀᴛᴛʏ. ɢᴀᴜᴅɪᴏꜱᴏ ᴘ. ɢᴇᴅᴜꜱᴘᴀɴ ɪɪ, ʀᴇɢɪᴏɴᴀʟ ᴅɪʀᴇᴄᴛᴏʀ, ʟᴀɴᴅ ᴛʀᴀɴꜱᴘᴏʀᴛᴀᴛɪᴏɴ ᴏꜰꜰɪᴄᴇ – ʀᴇɢɪᴏɴ ᴠɪ]

"As we usher in 2026, I extend my sincere appreciation to the men and women of LTO Region VI, and NIR under the direct supervision of RD Jeck, for your steadfast commitment to public service.

To my fellow public servants in LTO, our frontline personnel, law enforcers, Chiefs of District, Extension Offices, DLROs, Licensing Centers, Division, Section and Unit heads, regular rank-and-file, JOs, volunteers, madamo gid nga salamat sa inyo kaisog, dedikasyon, kag integridad.

The past year tested us in many ways, but you stood firm. You chose to do what is right even when it was difficult— even seemingly impossible. Your courage to uphold the rule of law and serve with honesty and integrity is what defines us.

To the riding public and our stakeholders across Western Visayas, salamat gid sa padayon ninyo nga pagsalig sa LTO6 kag NIR — most especially sa pagsalig sa aton kapasidad sang tuod-tuod nga pagbag-o.

Your continued trust reminds us why we do this work—not just to enforce the law, but to protect lives and build a safer future for every motorist and commuter.

As we step into yet another year, let us move forward united, principled, and inspired. Padayon kita sa pagserbisyo nga may kasingkasing, may disiplina, kag may mabaskog nga panindugan. Together, we will make 2026 a year of safer roads, stronger institutions, and deeper public trust.

Kabay nga mangin mahimayaon kag hilway sa peligro ang aton pagsulod sa Bag-ong Tuig! Padayon LTO-6. Padayon sa tampad nga pag-alagad.

God bless us all!”

28/12/2025

28/12/2025

28/12/2025

𝗠𝗚𝗔 𝗧𝗔𝗫𝗜 𝗗𝗥𝗜𝗩𝗘𝗥𝗦, 𝗡𝗔𝗚𝗣𝗔𝗧𝗨𝗠𝗔𝗡 𝗦𝗔𝗡𝗚 𝗣𝗥𝗘𝗩𝗘𝗡𝗧𝗜𝗩𝗘 𝗠𝗔𝗜𝗡𝗧𝗘𝗡𝗔𝗡𝗖𝗘 𝗞𝗔𝗦𝗨𝗡𝗢𝗗 𝗠𝗔𝗡 𝗦𝗔𝗡𝗚 𝗚𝗜𝗡𝗔𝗛𝗜𝗠𝗢 𝗡𝗚𝗔 𝗥𝗔𝗡𝗗𝗢𝗠 𝗖𝗛𝗘𝗖𝗞𝗜𝗡𝗚 𝗦𝗔𝗡𝗚 𝗟𝗧𝗢-𝟲



By: Bombo Cherie Mae Marcon
Interviewed by: Bombo Bryan Gonzales

Nagapatigayon ang mga taxi drivers sa pagpatuman sang preventive maintenance sang ila salakyan kasunod man sang ginahimo nga random checking sang Land Transportation Office (LTO).

Ini agud malikawan ang pagkadula sang preno, pagka-guba sang makina, kag iban pa nga problema nga mahimo magresulta sa aksidente.

Sa interview sang Bombo Radyo kay Jotemar Ojoylan, isa ka taxi driver, iya ginpahayag nga nagahimakas kag ginapanginpuslan gid nila sa sini nga tion ang madamo nga nagapauli sa ila banwa kag mga probinsiya.

Iya ginpahayag nga nagahalong gid sila para sa seguridad sang ila pasahero kag para man sa ila nga nagamaneho.

Sa subong nga tuig 2025, ang LTO Region 6 naglunsyar sang “Oplan Biyaheng Ayos” nga nagatuyo nga masiguro ang matawhay kag mahinalungon nga pag-byahe, pinaagi sa inspeksyon sa mga bus terminals, highways, airports kag seaports.

Sa datos, may yara na sang 5,195 ka road crashes nga na-record sa Iloilo nga nagresulta sa 167 ka patay kag 2,441 ka mga na injured.

Samtang sa syudad mismo sang Iloilo may 12 ka napatay sa una nga lima ka bulan sang tuig.

Kadam-an sang aksidente naga-involve sang motorsiklo kag four-wheeled vehicles.

Ginapabaskog man sang lokal nga pamunuan ang traffic safety measures, lakip na ang pagbutang sang safety road signages kag paghatag sang road safety lectures sa mga eskwelahan.

Ini nga mga lihok, ginahimo agud malikawan ang aksidente kag masiguro ang kaluwasan sang publiko.

27/12/2025

19/12/2025

14/12/2025