28/04/2026
LAUAN | ING OFICIAL A TEMA AMPON SAGISAG NING FIESTANG ORTELANU 2026!
Anting panagcat king pamagmasusi king Cafiestan ning malapupuri tamung patulunan, dirinan ta yang sagisag ampon tema ing cafiestan ngening banua.
Ing tema tamu ngening banua: cacablas ya pabalic king malagung litania nang San Isidro dikil king pamaglingap caring mangailangan ampon king Banua nang San Francisco ning Assisi, ing capayapan ampon malasakit—at ibat keti milalarauan ya ing sagisag tamu caniting banua. Ita mu naman a parangal keya caniting cafiestan, pagnasan tamung sopan naca tang tuki caniting masampat nang alimbaua.
"Pante-pante ing laue mu
caring miyayaliuang tau,
bulag, maclac,
mangmang liguran mu,
antimurin ding salunan,
pati na ring tampalasan;
Inia naman ding kecaldan,
bina ra cang pigmulalan."
Ing Visitas nang San Isidro Labrador, keti Barrio Laug, Pueblo de Novo Mexico, cayantabe ye king masayang pamagsaddia para king daratang a Cafiestan ning Mal a Ortelanung y San Isidro Labrador. Para caring aliua pang detalles, antabayanan ya ing pagína ning Visitas.
Ing Sagisag at Tema ning Cafiestan ginulis ne ning:
Pixel-Edge Studios
