View Pakistan News HD

23/05/2026

ڈیرہ اسماعیل خان: ٹی ایم اے کے سابق مرحوم چونگی محرر بشیر حسین ڈھکو کی اہلیہ عاشو بی بی پانچ ماہ سے پنشن نہ ملنے، بیماری اور شدید مالی مشکلات کے باعث انتقال کر گئیں۔ اہل خانہ کے مطابق مرحومہ کافی عرصے سے زیر علاج تھیں مگر پنشن بند ہونے کی وجہ سے نہ صرف علاج متاثر ہوا بلکہ گھر کے حالات بھی انتہائی خراب ہو چکے تھے۔

21/05/2026

*ڈیرہ اسماعیل خان: سول جج II کی عدالت میں اہم مالیاتی مقدمے کا فیصلہ، ٹی ایم اے کے کینسیلشن آرڈرز بحال سائن بورڈ ٹھیکے دار ڈیفالٹر قرار*

ڈیرہ اسماعیل خان کی سول جج II کی عدالت نے ایک اہم اور کروڑوں روپے مالیت کے مالیاتی مقدمے’’ملک محب حسین بنام گورنمنٹ آف خیبر پختونخوا‘‘ کا فیصلہ سناتے ہوئے مدعی ملک محب حسین کو دیا گیا سابقہ اسٹے آرڈر ریکال اور ویکیٹ کر دیا، جبکہ ٹی ایم اے ڈیرہ اسماعیل خان کی جانب سے جاری کردہ کینسیلشن آرڈرز کو بحال رکھنے کا حکم جاری کر دیا۔عدالت میں مقدمے کی سماعت کے دوران مدعی ملک محب حسین کی جانب سےایڈووکیٹ رضوان عدالت میں پیش ہوئے، جبکہ ٹی ایم اے ڈیرہ اسماعیل خان کی نمائندگی معروف قانون دان ملک اختر عباس ایڈووکیٹ نے کی۔ دونوں جانب سے تفصیلی قانونی دلائل دیے گئے اور مقدمے کے مختلف پہلوؤں پر عدالت کو آگاہ کیا گیا۔عدالتی کارروائی کے دوران ملک اختر عباس ایڈووکیٹ کی جانب سے پیش کیے گئے قانونی نکات اور دستاویزی شواہد کو خاص اہمیت حاصل رہی۔ ذرائع کے مطابق انہوں نے ٹی ایم اے کے مؤقف کے حق میں مضبوط اور مؤثر دلائل دیے، جبکہ مدعی کی جانب سے ان نکات کا تسلی بخش جواب نہیں دیا جا سکا۔عدالت نے مقدمے کے میرٹس، دستیاب ریکارڈ اور فریقین کے دلائل کا تفصیلی جائزہ لینے کے بعد سابقہ اسٹے آرڈر ختم کرنے کا حکم جاری کرتے ہوئے ٹی ایم اے کے کینسیلشن آرڈرز برقرار رکھنے کا فیصلہ سنایا۔ذرائع کے مطابق مذکورہ مقدمہ سائیکل پارکنگ اسٹینڈ اور سائن بورڈز کے ٹھیکوں سے متعلق تھا، جس میں کروڑوں روپے کے مالی معاملات شامل تھے۔ اسی وجہ سے اس کیس کو شہر بھر میں غیر معمولی اہمیت حاصل رہی اور مختلف تجارتی و قانونی حلقوں کی نظریں اس مقدمے پر مرکوز تھیں۔قانونی ماہرین کے مطابق عدالتی فیصلے کے بعد ٹی ایم اے ڈیرہ اسماعیل خان کے مؤقف کو تقویت ملی ہے، جبکہ اس فیصلے کو مقامی حکومتی معاملات اور مالیاتی ٹھیکوں کے حوالے سے ایک اہم پیش رفت قرار دیا جا رہا ہے۔

14/05/2026

ڈیرہ اسماعیل خان ڈویژن اور ٹانک میں “سرائیکی اتحاد” کا باقاعدہ قیام، مختلف سیاسی، سماجی اور طلبہ تنظیموں کے نمائندگان کی شرکت

ڈیرہ اسماعیل خان:
سرائیکی وسیب کے حقوق کے تحفظ، نوجوانوں میں سیاسی شعور و بیداری پیدا کرنے، علاقائی مسائل کے حل اور مختلف سیاسی و سماجی حلقوں کو ایک پلیٹ فارم پر متحد کرنے کے مقصد کے تحت “سرائیکی اتحاد ڈیرہ اسماعیل خان ڈویژن و ٹانک” کا باقاعدہ قیام عمل میں لا دیا گیا۔ اس سلسلے میں ایک اہم مشاورتی اجلاس منعقد ہوا جس میں ڈیرہ اسماعیل خان ڈویژن، ٹانک اور گردونواح سے تعلق رکھنے والے مختلف سیاسی، سماجی، طلبہ، قومی اور عوامی تنظیموں کے نمائندگان نے بھرپور شرکت کی۔

اجلاس میں مقررین نے اس بات پر زور دیا کہ سرائیکی وسیب ایک طویل عرصے سے بنیادی سہولیات کی کمی، پسماندگی، بے روزگاری، تعلیم و صحت کے مسائل، انفراسٹرکچر کی خراب صورتحال، گیس و بجلی کی لوڈشیڈنگ، صاف پانی کی قلت، زرعی مسائل اور نوجوانوں کی محرومیوں جیسے سنگین مسائل کا سامنا کر رہا ہے، مگر ان مسائل کے حل کے لیے مؤثر اور متحد آواز کا فقدان رہا ہے۔

شرکاء نے کہا کہ ڈیرہ اسماعیل خان ڈویژن اور ٹانک کے عوام آج بھی صحت کی معیاری سہولیات سے محروم ہیں، سرکاری ہسپتالوں میں ادویات، ڈاکٹروں اور جدید طبی سہولیات کی کمی ہے جبکہ دیہی علاقوں میں بنیادی مراکز صحت بھی فعال نہیں۔ اسی طرح نوجوانوں کے لیے روزگار کے مواقع نہ ہونے کے برابر ہیں جس کی وجہ سے بے چینی اور مایوسی میں اضافہ ہو رہا ہے۔

مقررین نے تعلیمی صورتحال پر تشویش کا اظہار کرتے ہوئے کہا کہ سرائیکی وسیب میں اعلیٰ تعلیمی اداروں، ٹیکنیکل کالجز اور جدید تعلیمی سہولیات کی شدید کمی ہے، جبکہ غریب طلبہ کو تعلیمی میدان میں شدید مشکلات کا سامنا ہے۔ انہوں نے کہا کہ نوجوان نسل کو مثبت سرگرمیوں اور شعور سے جوڑنا وقت کی اہم ضرورت ہے تاکہ وہ اپنے حقوق اور علاقے کی ترقی کے لیے فعال کردار ادا کر سکیں۔

اجلاس میں اس امر پر بھی زور دیا گیا کہ ڈیرہ اسماعیل خان ڈویژن اور ٹانک میں ٹوٹی پھوٹی سڑکیں، نکاسی آب کے مسائل، پینے کے صاف پانی کی قلت، بجلی کی غیر اعلانیہ لوڈشیڈنگ، زراعت کے شعبے کو درپیش مشکلات اور عوامی فلاحی منصوبوں کی عدم توجہی جیسے مسائل فوری توجہ کے متقاضی ہیں۔ مقررین نے کہا کہ وسیب کے عوام کو بنیادی حقوق اور ترقیاتی منصوبوں میں مسلسل نظر انداز کرنا افسوسناک ہے۔

اجلاس میں یہ بھی متفقہ طور پر اعلان کیا گیا کہ اگر سرائیکی وسیب کے کسی فرد، برادری یا قوم کے ساتھ کسی بھی مقام پر زیادتی، ناانصافی، محرومی یا امتیازی سلوک کیا جائے گا تو “سرائیکی اتحاد” اور وسیب کی تمام سرائیکی اقوام متحد ہو کر اس کے ساتھ کھڑی ہوں گی اور ہر جمہوری، قانونی، آئینی اور اخلاقی سطح پر مکمل حمایت فراہم کریں گی۔ شرکاء نے اس عزم کا اظہار کیا کہ وسیب کے کسی فرد یا طبقے کو تنہا نہیں چھوڑا جائے گا اور اجتماعی اتحاد کے ذریعے ہر ظلم، محرومی اور ناانصافی کے خلاف آواز بلند کی جائے گی۔

شرکاء نے اس بات پر بھی اتفاق کیا کہ سرائیکی قوم مختلف سیاسی جماعتوں اور نظریات سے وابستہ ہونے کے باوجود وسیب کے اجتماعی حقوق، عوامی مسائل اور خطے کی ترقی کے لیے ایک پلیٹ فارم پر متحد ہو سکتی ہے، اور “سرائیکی اتحاد” اسی مشترکہ سوچ اور جدوجہد کی علامت ہے۔

اجلاس کے دوران نوجوانوں پر مشتمل ایک خصوصی رابطہ کمیٹی بھی تشکیل دی گئی جو ڈیرہ اسماعیل خان ڈویژن اور ٹانک میں موجود مختلف سیاسی جماعتوں، سماجی تنظیموں، طلبہ تنظیموں اور سیاسی کارکنان سے رابطے کرے گی تاکہ سرائیکی قوم کے مسائل اور حقوق کے لیے مشترکہ جدوجہد کو مزید مؤثر، مضبوط اور منظم بنایا جا سکے۔

اجلاس میں سرائیکستان قومی موومنٹ (SQM) کے مرکزی صدر سیف اللہ بے قرار، تحریک انصاف ٹانک کے ضلعی صدر فرحان حکیم، جماعت اسلامی کے ضلعی رہنما زاہد محب اللہ ایڈووکیٹ، وجیہ الزمان فقیر سابقہ ڈویژنل صدر سرائیکستان سٹوڈنٹس موؤمنٹ ڈیرہ اسماعیل خان، کاشف کمال اعوان سابقہ ضلعی صدر سرائیکستان سٹوڈنٹس موؤمنٹ ڈیرہ اسماعیل خان، ساجد ساہی سابقہ صدر تحصیل کلاچی سرائیکستان سٹوڈنٹس موؤمنٹ، ملازم حسین رہنماء سرائیکستان سٹوڈنٹس موؤمنٹ، وسیم آیاز کھوکھر سینئر رہنماء سرائیکستان سٹوڈنٹس موؤمنٹ، سردار رومان خان بلوچ رہنماء ڈیرہ بلوچ اتحاد و سابقہ ضلعی صدر سرائیکستان سٹوڈنٹس موؤمنٹ، اکبر سلیم خان ایڈووکیٹ بلوچ رہنماء ڈیرہ بلوچ اتحاد، شیراز احمد مغل صدر پاکستان زندہ باد موومنٹ، عوامی سماجی شخصیت و مغل قومی موومنٹ، ملک لال زوہیب ارائیں صدر ارائیں یوتھ فورم ڈیرہ اسماعیل خان، معوز آرائیں بانی و چیئرمین سرائیکی قومی تحریک ٹانک، تیمور علی سابق رہنماء سرائیکی سٹوڈنٹس کونسل اسلامک انٹرنیشنل یونیورسٹی اسلام آباد سمیت مختلف سیاسی، سماجی، طلبہ اور عوامی تنظیموں کے نمائندگان نے شرکت کی۔

اس موقع پر مختلف جماعتوں اور تنظیموں کے نمائندگان نے “سرائیکی اتحاد ڈیرہ اسماعیل خان ڈویژن و ٹانک” کے قیام کو خوش آئند قرار دیتے ہوئے اس عزم کا اظہار کیا کہ وسیب کے حقوق، نوجوانوں کے بہتر مستقبل، علاقائی ترقی، تعلیم، صحت، روزگار اور بنیادی سہولیات کے حصول کے لیے تمام طبقات کو متحد ہو کر مشترکہ جدوجہد کرنا ہوگی۔

اجلاس کے اختتام پر اس بات پر بھی اتفاق کیا گیا کہ مستقبل میں وسیب کے مسائل پر مشترکہ لائحہ عمل ترتیب دیا جائے گا، مختلف اضلاع اور تحصیلوں میں عوامی رابطہ مہم چلائی جائے گی، جبکہ نوجوانوں، طلبہ، وکلاء، صحافیوں اور سماجی کارکنان کو اس پلیٹ فارم میں شامل کر کے ایک مضبوط عوامی آواز تشکیل دی جائے گی تاکہ سرائیکی وسیب کے عوام کے حقوق کے لیے مؤثر انداز میں آواز بلند کی جا سکے۔

04/05/2026

ڈیرہ اسماعیل خان میں امن و امان کی صورتحال پر ایک بار پھر سوالات اٹھنے لگے ہیں جہاں مبینہ طور پر 300 مسلح افراد نے تھانہ یونیورسٹی کے سامنے سینئر صحافی صبغت مغل کی زمین پر قبضے کی کوشش کی۔
واقعے کے بعد علاقے میں شدید خوف و ہراس پھیل گیا جبکہ شہریوں اور صحافی برادری میں تشویش کی لہر دوڑ گئی۔
صحافیوں کی جانب سے پولیس سے فوری طور پر ملزمان کی گرفتاری کا مطالبہ کیا گیا ہے اور اس حوالے سے ہنگامی اجلاس بھی طلب کر لیا گیا ہے جس میں آئندہ کے لائحہ عمل کا اعلان متوقع ہے۔
دوسری جانب واقعے کے حوالے سے تاحال پولیس یا ضلعی انتظامیہ کا باضابطہ مؤقف سامنے نہیں آ سکا۔

ٹکرز:
ڈی آئی خان: صحافی کی زمین پر قبضے کی کوشش، پولیس سے فوری کارروائی کا مطالبہ
ڈی آئی خان: 300 مسلح افراد کا دھاوا، صحافیوں کا ہنگامی اجلاس طلب
ڈی آئی خان: قانون کی عملداری پر سوال، شہریوں میں تشویش
ڈی آئی خان: صحافی برادری سراپا احتجاج، ملزمان کی گرفتاری کا مطالبہ

20/04/2026

*ڈیرہ اسماعیل خان: سینیئر صحافی و بیورو چیف جیو نیوز سعید اللہ مروت کا مقدر پرنٹرز اینڈ پینا فلیکس کا دورہ، جدید سہولیات پر اظہارِ اطمینان"**
*آفس ایڈریس۔*
"الرشید سولر مارکیٹ نیز بنو اڈا، آفس نمبر 26، 27، 28 رابطہ:03339982205

19/04/2026

ڈیرہ اسماعیل خان: شہر کے مایہ ناز اور سینئر صحافیوں نے جدید پرنٹنگ سہولیات کے حامل ادارے مقدر پرنٹرز اینڈ پینا فلیکس کا خصوصی دورہ کیا، جہاں انہوں نے جدید ترین پینا فلیکس مشینری کا عملی مظاہرہ دیکھا اور پرنٹنگ کے اعلیٰ معیار کو سراہا۔دورے کے دوران صحافیوں کو جدید ٹیکنالوجی پر مبنی ہائی ریزولوشن پرنٹنگ سسٹم کے مختلف مراحل سے آگاہ کیا گیا۔ اس موقع پر موجود صحافیوں نے مشینری کی کارکردگی اور تیار ہونے والے پرنٹس کے معیار کو دیکھ کر اطمینان اور خوشی کا اظہار کیا۔ ان کا کہنا تھا کہ ڈیرہ اسماعیل خان جیسے شہر میں اس معیار کی جدید سہولت کا قیام ایک خوش آئند پیش رفت ہے۔دورہ کرنے والے معزز صحافیوں میں جیو ٹی وی کے بیورو چیف سعید اللہ مروت، اے آر وائی نیوز کے بیورو چیف، ڈان نیوز کے بیورو چیف، روزنامہ اعتدال کے چیف ایڈیٹر محمد عرفان مغل، روزنامہ توقیر کے چیف ایڈیٹر شیخ توقیر اکرم، سینئر کالم نویس ابو المعظم ترابی، روزنامہ پاکستان کے بیورو چیف محمد اقبال بھٹی، بول ٹی وی کے بیورو چیف صبغت اللہ مغل اور دیگر شامل تھے۔سعید اللہ مروت نے اپنے خیالات کا اظہار کرتے ہوئے کہا کہ ڈیرہ اسماعیل خان میں اس معیار کی جدید پرنٹنگ ٹیکنالوجی کا آنا ایک بڑی پیش رفت ہے۔ اس سے نہ صرف میڈیا بلکہ کاروباری طبقے کو بھی بہترین سہولیات میسر آئیں گی۔ مقامی سطح پر ایسے ادارے ترقی کی علامت ہوتے ہیں اور یہ شہر کے مثبت امیج کو اجاگر کرتے ہیں۔شیخ توقیر اکرم نے کہا کہ مقدر پرنٹرز اینڈ پینا فلیکس نے جس معیار کی مشینری متعارف کروائی ہے وہ بڑے شہروں کا مقابلہ کر سکتی ہے۔ اس سے مقامی اخبارات اور اشتہاری اداروں کو بہت فائدہ ہوگا اور انہیں باہر جانے کی ضرورت نہیں رہے گی۔ یہ اقدام قابل تحسین ہے۔محمد عرفان مغل (چیف ایڈیٹر روزنامہ اعتدال) نے اپنے بیان میں کہا کہ یہ ادارہ جدید تقاضوں کے مطابق قائم کیا گیا ہے جو کہ ایک خوش آئند بات ہے۔ اس طرح کے پروجیکٹس نہ صرف روزگار کے مواقع پیدا کرتے ہیں بلکہ شہر کی مجموعی ترقی میں بھی اہم کردار ادا کرتے ہیں۔محمد اقبال بھٹی نے کہا کہ مقامی سطح پر اس نوعیت کی جدید سہولت کی فراہمی ایک مثبت قدم ہے۔ اس سے میڈیا انڈسٹری اور کاروباری حلقوں کو بروقت اور معیاری پرنٹنگ کی سہولت میسر آئے گی، جو پہلے بڑے شہروں تک محدود تھی۔ ایسے ادارے شہر کی معاشی سرگرمیوں کو بھی فروغ دیتے ہیں۔صبغت اللہ مغل نے کہا کہ ہم نے یہاں پرنٹنگ کا جو معیار دیکھا ہے وہ واقعی متاثر کن ہے۔ اگر اسی تسلسل کے ساتھ کام جاری رہا تو یہ ادارہ جلد ہی پورے خطے میں ایک نمایاں مقام حاصل کر لے گا۔اس موقع پر تمام صحافیوں نے مشترکہ طور پر احمد نواز مغل کو مبارکباد پیش کرتے ہوئے کہا کہ مقدر پرنٹرز اینڈ پینا فلیکس کا قیام ڈیرہ اسماعیل خان میں جدید کاروباری رجحانات کی عکاسی کرتا ہے اور یہ ادارہ مستقبل میں مزید ترقی کرے گا۔آخر میں، ادارے کے مالک احمد نواز مغل نے معزز مہمانوں کا شکریہ ادا کرتے ہوئے کہا کہ ہم نے پاکستان کی جدید ترین جی زیڈ پینا فلیکس مشین ڈیرہ اسماعیل خان میں نصب کر دی ہے، جس کا آٹھ (8k) کے ریزولوشن کا اعلیٰ معیار کا رزلٹ حاصل ہوتا ہے۔ یہ خیبر پختونخوا کی پہلی جدید ترین پینا فلیکس مشین ہے، جو اس خطے کے لیے ایک اعزاز ہے۔ ہمیں فخر ہے کہ ڈیرہ اسماعیل خان میں پاکستان کی جدید ترین پینا فلیکس ٹیکنالوجی متعارف کروائی گئی ہے، جس سے نہ صرف مقامی سطح پر معیاری پرنٹنگ ممکن ہوگی بلکہ یہ ادارہ پورے علاقے کے لیے ایک مثالی مرکز بنے گا۔

20/02/2026

ڈیرہ اسماعیل خان ()
ڈیرہ اسماعیل خان، لکی مروت اور بنوں سے ویلج ناظمین اور مقامی سیاسی رہنماؤں کی بڑی تعداد نے پاکستان مسلم لیگ (ق) میں شمولیت اختیار کر لی۔ شمولیتی وفد نے وفاقی وزیر اوورسیز پاکستانیز و پارٹی رہنما چوہدری سالک حسین سے ان کی رہائش گاہ پر ملاقات کر کے باقاعدہ اعلان کیا۔
وفد کی قیادت صوبائی صدر مسلم لیگ (ق) انتخاب خان چمکنی اور ضلعی صدر مسلم لیگ (ق) پہاڑپور خان محمد وزیر کر رہے تھے۔ اس موقع پر مختلف یونین کونسلوں کے ناظمین، بلدیاتی نمائندے اور کارکنان بھی موجود تھے۔ خان محمد وزیر کی قیادت میں ویلج ناظمین کی بڑی تعداد نے پارٹی میں شمولیت اختیار کی جبکہ دوسرے مرحلے میں مختلف جماعتوں سے تعلق رکھنے والے ایم پی اے کے امیدواروں کی قافلے کی صورت میں مسلم لیگ (ق) میں شمولیت کا بھی اعلان کیا گیا۔
ملاقات کے دوران وفد نے مسلم لیگ (ق) کی قیادت پر اعتماد کا اظہار کرتے ہوئے جنوبی اضلاع میں پارٹی کو مضبوط بنانے کے عزم کا اعادہ کیا۔ شرکاء کا کہنا تھا کہ مسلم لیگ (ق) عوامی مسائل کے حل اور بلدیاتی نمائندوں کے حقوق کے تحفظ کے لیے مؤثر کردار ادا کر سکتی ہے، اسی لیے انہوں نے پارٹی میں شمولیت کا فیصلہ کیا۔
اس موقع پر چوہدری سالک حسین نے وفد کا خیرمقدم کرتے ہوئے کہا کہ پارٹی میں شامل ہونے والے تمام ناظمین اور کارکنان کو عزت اور مناسب مقام دیا جائے گا۔ انہوں نے کہا کہ جنوبی خیبر پختونخوا میں پارٹی تنظیم کو مزید فعال اور مضبوط بنایا جائے گا اور بلدیاتی نمائندوں کے مسائل کے حل کے لیے ہر ممکن تعاون فراہم کیا جائے گا۔
ملاقات میں جنوبی اضلاع میں تنظیم سازی، آئندہ سیاسی حکمت عملی، بلدیاتی مسائل کے حل اور آئندہ مرحلے میں مزید سیاسی شخصیات کی شمولیت کے حوالے سے تفصیلی تبادلہ خیال بھی کیا گیا۔ وفد نے پارٹی قیادت کے ساتھ مل کر سیاسی سرگرمیوں کو تیز کرنے اور عوامی رابطہ مہم چلانے پر اتفاق کیا۔

21/11/2025

*ڈیرہ اسماعیل خان—الخیر ایڈورٹائزر کے سائن بورڈز پر تحصیل میونسپل کی کارروائی، بقایاجات کی عدم ادائیگی پر پینا فلیکس اتار دیے گئے*

ڈیرہ اسماعیل خان میں الخیر ایڈورٹائزر نامی نجی ایڈورٹائزنگ ایجنسی کی جانب سے شہر بھر میں نصب کیے گئے متعدد سائن بورڈز کی تحصیل میونسپل کی ماہانہ قسطیں طویل عرصے سے ادا نہ کیے جانے پر محکمہ حرکت میں آگیا۔ خالی لال کارڈ کے ذریعے کام چلانے اور واجبات کلیئر نہ کرنے کی شکایات کے بعد ٹھیکے دار سائن بورڈ ملک محیب کی جانب سے تحصیل میونسپل افسر اور تحصیل ریگولیشن افسر کے نام باضابطہ درخواست جمع کرائی گئی۔
درخواست موصول ہونے پر تحصیل میونسپل افیسر محمد حنیف نے فوری ایکشن لیتے ہوئے تحصیل ریگولیشن افسر محمد عقیل کو کارروائی کے لیے واضح احکامات جاری کیے۔ احکامات کے بعد تحصیل ریگولیشن ٹیم نے موقع پر پہنچ کر پہلے مرحلے میں الخیر ایڈورٹائزر کے متعدد سائن بورڈز سے پینا فلیکس اتار دیے، جبکہ اگلے مراحل میں مزید قانونی کارروائی بھی متوقع ہے۔
کارروائی کے بعد شہر کے تاجروں، شہریوں اور سول سوسائٹی نے تحصیل میونسپل کے اقدام کو سراہتے ہوئے اسے قابلِ تعریف قرار دیا۔ ان کا کہنا تھا کہ اگر تحصیل میونسپل ایڈمنسٹریشن اپنے قوانین پر اسی طرح سختی اور تسلسل کے ساتھ عمل درآمد شروع کر دے تو شہر کے بہت سے مسائل ازخود کم ہونا شروع ہو جائیں گے۔
علاقائی حلقوں کا کہنا ہے کہ سائن بورڈز اور دیگر شعبوں میں واجبات کی باقاعدہ ریکوری نہ صرف میونسپل قوانین کے نفاذ کو مضبوط کرے گی بلکہ محکمہ کے مالی مسائل—خصوصاً اہلکاروں کی تنخواہوں کے بحران—میں بھی خاطر خواہ کمی لائی جا سکتی ہے۔

19/11/2025

الخیر ایڈورٹائزر کے ذمہ بقایا ٹیکس کی فوری وصولی کا حکم — عدالت میں فریقین کے دلائل اور شہری و تجارتی حلقوں کی خوشی
ڈیرہ اسماعیل خان: تحصیل میونسپل ایڈمنسٹریشن (TMA) ڈیرہ اسماعیل خان نے سائن بورڈز اور ایڈورٹائزنگ ٹیکس کی مد میں الخیر ایڈورٹائزر کے ذمہ واجب الادا بقایہ جات کی ریکوری کے سلسلے میں عدالتی ہدایات کے بعد کارروائی مزید تیز کر دی ہے۔
گزشتہ سماعت میں، ٹھیکیدار کی جانب سے شوکت اللہ بٹھنی قادری ایڈووکیٹ ہائی کورٹ نے پیشہ ورانہ انداز میں اپنے قانونی دلائل پیش کیے۔ عدالتی کارروائی کے دوران ان دلائل کو قانونی نکتہ نظر سے مؤثر قرار دیا گیا اور موجودہ قانون اور ریکارڈ کی روشنی میں عدالت نے ان مؤقف کو سنا۔ قانونی ماہرین کے مطابق شوکت اللہ بٹھنی قادری ایک ابھرتے ہوئے نوجوان وکیل ہیں، جو منظم، مدلل اور قانون کے مطابق مؤقف پیش کرنے میں مہارت رکھتے ہیں۔ سماعت کے بعد متعدد قانونی حلقوں نے رائے دی کہ نوجوان وکیل نے حق اور سچ کی جان جیت لی اور مؤثر دلائل کے ذریعے عدالت کو ریکارڈ کی طرف متوجہ کیا۔
دوسری جانب، الخیر ایڈورٹائزر کی جانب سے ہدایت اللہ ملانہ ایڈووکیٹ نے بھی عدالت کے سامنے اپنا مؤقف قانون کے مطابق پیش کیا۔
اس کے علاوہ، تحصیل میونسپل ایڈمنسٹریشن کی جانب سے لیگل ایڈوائزر ملک اختر عباس نے سماعت میں اہم قانونی جرح اور معاونت فراہم کی، جس نے TMA کے موقف کو مضبوط اور قانونی اعتبار سے مکمل انداز میں عدالت کے سامنے پیش کرنے میں مدد دی۔ قانونی ماہرین کے مطابق ملک اختر عباس کی ماہرانہ جرح اور قانونی بصیرت نے فریقین کے دلائل کی قانونی حیثیت واضح کی اور عدالتی کارروائی میں شفافیت کو فروغ دیا۔
معزز عدالت، جو کہ جوڈیشل مجسٹریٹ انعام اللہ خان مروت کی عدالت میں کیس چل رہا تھا، نے آج فیصلہ جاری کیا کہ الخیر ایڈورٹائزر واجب الادا ٹیکس ادا کرنے کا پابند ہے اور تحصیل میونسپل ایڈمنسٹریشن اپنے نافذ العمل قوانین کے مطابق کسی بھی وقت بقایا ٹیکس کی وصولی کر سکتی ہے۔ مزید یہ کہ ضرورت پڑنے پر TMA کو قانونی کارروائی کا مکمل اختیار حاصل ہے۔
اس فیصلے پر سول سوسائٹی، تاجروں اور عام شہریوں نے خوشی کا اظہار کیا اور فیصلے کا خیر مقدم کیا، جسے شفاف اور قانون کے مطابق عمل درآمد کی جانب ایک مثبت قدم قرار دیا جا رہا ہے۔
ٹھیکیدار سائن بورڈز، ملک محب حسین نے TMO کو متفرق درخواست جمع کراتے ہوئے مؤقف اختیار کیا تھا کہ ریکوری میں تاخیر کے باعث سرکاری آمدن اور ٹھیکے کو نقصان پہنچ رہا ہے، جس کے بعد عدالت نے مذکورہ فیصلہ جاری کیا۔
TMA حکام کے مطابق ریکوری کے عمل کو عدالتی احکامات اور محکمے کے قواعد کے مطابق جلد عملی شکل دی جائے گی، اور تمام قانونی کارروائی شفاف اور قانون کے دائرے میں کی جائے گی۔

06/11/2025