Core Media Himayatullah khan

19/06/2026

پیٹرولیم مصنوعات سستی، پیٹرول 299 اور ڈیزل 311 روپے فی لیٹر مقرر

وزیراعظم شہباز شریف نے پیٹرول اور ڈیزل کی قیمتوں میں بڑی کمی کا اعلان کردیا۔
وزیر اعظم کے بیان میں کہا گیا ہے کہ پیٹرول کی قیمت میں 74 روپے کمی کر دی گئی جس کے بعد پیٹرول کی نئی قیمت 299 روپے فی لیٹر ہوگئی جبکہ ڈیزل کی قیمت میں 67 روپے کمی کے بعد نئی قیمت 311 فی لیٹر مقرر کردی گئی

12/06/2026

سابق ممبر گلگت بلتستان اسمبلی جناب حمایت اللہ خان صاحب نے اپنے خاندانِ کوہستان اور گلگت بلتستان کے عوام کے نام ایک اہم پیغام جاری کرتے ہوئے کہا کہ اگر مجھے کسی قسم کا جانی نقصان پہنچایا جاتا ہے یا خدانخواستہ مجھے کوئی قتل کرتا ہے تو اس کی مکمل ذمہ داری آئی جی گلگت اکبر ناصر خان پر عائد ہوگی۔

حمایت اللہ خان نے کہا کہ 7 جون کو دیگر امیدواروں کی طرح میں بھی مختلف پولنگ اسٹیشنوں کا دورہ کر رہا تھے۔ بگروٹ ہاسٹل سے نکلنے کے بعد اچانک آئی جی گلگت اکبر ناصر خان اپنی پولیس نفری کے ہمراہ وہاں پہنچے اور بغیر کسی پوچھ گچھ یا وضاحت کے کارروائی کرتے ہوئے میرے محافظوں پر تشدد کیا، جس کے نتیجے میں وہ زخمی ہوئے۔ حمایت اللہ خان نے کہا کہ اس واقعے نے اہلِ علاقہ، کارکنوں اور انکے حامیوں میں شدید تشویش پیدا کر دی ہے۔ انہوں نے انصاف پسند اداروں اور اعلیٰ حکام سے مطالبہ کیا کہ واقعے کی شفاف تحقیقات کر کے آئ جی گلگت کے خلاف کارروائی کی جائے

12/06/2026

صوبائی جنرل سیکرٹری سنی علماء کونسل گلگت بلتستان و چیئرمین پاکستان راہ حق پارٹی گلگت بلتستان محترم جناب حمایت اللہ خان صاحب اور ان کے محافظوں کے ساتھ الیکشن کے روز بگروٹ ہاسٹل پولنگ سٹیشن کے قریب پیش آنے والا واقعہ نہایت افسوسناک، جانبدارانہ اور قابلِ شدید مذمت ہے، جس نے انتظامیہ اور قانون نافذ کرنے والے اداروں کے کردار پر سنگین سوالات کھڑے کر دیے ہیں۔
اطلاعات کے مطابق پولیس کی بھاری نفری نے بلاجواز طاقت کا مظاہرہ کرتے ہوئے قانونی لائسنس یافتہ اسلحہ کو بنیاد بنا کر نہ صرف غیر ضروری ہراسانی کی بلکہ حمایت اللہ خان صاحب اور ان کے ساتھیوں کو نومل جانے سے بھی روکا گیا۔ مزید حیران کن اور تشویشناک امر یہ ہے کہ قانون کے مطابق اسلحہ پولیس کے حوالے کرنے کے باوجود محض سیاسی اور مذہبی تعصب کی بنیاد پر ایک بے بنیاد، من گھڑت اور متنازعہ ایف آئی آر درج کر دی گئی، جسے اب سیاسی انتقام اور مخالف آوازوں کو دبانے کے لیے بطور ہتھیار استعمال کرنے کی کوشش کی جا رہی ہے۔
ہم واضح اور دو ٹوک الفاظ میں انتظامیہ، آئی جی پولیس گلگت بلتستان، چیف سیکرٹری اور متعلقہ حکام کو خبردار کرتے ہیں کہ اگر اس جھوٹی اور متنازعہ ایف آئی آر کو فوری طور پر ختم نہ کیا گیا اور اس واقعے کی شفاف، غیر جانبدار اور اعلیٰ سطحی تحقیقات نہ کروائی گئیں تو اس سے یہ تاثر مزید مضبوط ہوگا کہ ریاستی اداروں کو سیاسی مقاصد اور ذاتی پسند و ناپسند کے لیے استعمال کیا جا رہا ہے، جو کسی بھی صورت قابل قبول نہیں۔
ہم یہ بھی واضح کرتے ہیں کہ اگر حمایت اللہ خان صاحب یا ان کے محافظوں کے خلاف کسی قسم کی غیر قانونی کارروائی، گرفتاری یا سیاسی انتقامی اقدامات کیے گئے تو اس کے نتیجے میں پیدا ہونے والی صورتحال اور عوامی ردعمل کی مکمل ذمہ داری متعلقہ انتظامیہ اور ذمہ دار حکام پر عائد ہوگی۔
عوام اپنے آئینی، قانونی اور جمہوری حقوق کے تحفظ کے لیے ہر جائز اور پرامن راستہ اختیار کرنے کا حق محفوظ رکھتے ہیں۔ ریاستی اداروں کی ذمہ داری ہے کہ وہ سیاسی وابستگیوں اور ذاتی تعصبات سے بالاتر ہو کر انصاف کے تقاضے پورے کریں، کیونکہ اختیارات کا ناجائز استعمال اور یکطرفہ کارروائیاں نہ صرف عوامی اعتماد کو مجروح کرتی ہیں بلکہ پورے انتخابی عمل کی شفافیت اور ریاستی اداروں کی ساکھ کو بھی ناقابلِ تلافی نقصان پہنچاتی ہیں۔
جاری کردہ ترجمان سنی علماء کونسل ضلع گلگت

11/06/2026

Core Media Himayatullah khan

11/06/2026