آستانہ عالیہ نقشبندیہ امیر آباد شریف

01/05/2026

انشاء اللہ کل بروز ہفتہ تترال کہون میں عظیم الشان محفل شان صحابہ و اہلبیت انعقاد پزیر ہے تمام احباب سے بھر پور شرکت کی اپیل کی جاتی ہے۔

29/04/2026

(29اپریل 2026ءعلی پُور شریف ضلع جہلم)
صاحبزادہ پیر سید انوار حسین شاہ چشتی سیالوی صاحب سجادہ نشین آستانہ عالیہ علی پور شریف کی والدہ ماجدہ محترمہ کے سالانہ ختم شریف کاپروگرام آستانہ عالیہ علی پور شریف میں منعقد ہوا جس میں حضور ضیاءِ چشت نائب حضور امیر شریعت خواجہ خواجگان الحافظ حضرت خواجہ محمد ضیاء الحق صاحب سیالوی سجادہ نشین آستانہ عالیہ سیال شریف کی اور قبلہ مرشدِ کریم صاحبزادہ پیر سید انوار الحق شاہ صاحب بانئ و سرپرستِ اعلیٰ بزمِ محمدی پاکستان سجادہ نشین دربار عالیہ نقشبندیہ امیر آباد شریف کی خصوصی شرکت اس کے علاؤہ سید افتخار حیدر شاہ صاحب آستانہ عالیہ گوڑھا ہاشم شاہ ضلع منڈی بہاؤالدین کے صاحب زادے علامہ عصمت اللّٰہ سیالوی صاحب پرنسپل جامعہ رحمانیہ رضویہ سوہاوہ علامہ عبد الحمید سیالوی میرا شمس کی بھی شرکت خوبصورت محفلِ پاک ھوئی حضرت خواجہ محمد ضیاء الحق صاحب نے خصوصی دعا فرمائی قبلہ مرشدِ کریم صاحبزادہ پیر سید انوار الحق شاہ صاحب کی حضرت پیر سید نُور حسین شاہ صاحب کے مزارِ اقدس پر بھی حاضری دور و نزدیک سے علماء و مشائخ اور کثیر تعداد میں عوام الناس کی شرکت قبلہ پیر صاحب نے دربار شریف پر جاری کام کا جائزہ بھی لیا
پیج ایڈمن۔حافظ خطیب الرحمن نقشبندی
خادم دربارِ عالیہ نقشبندیہ امیر آباد شریف

28/04/2026

ان شاءاللہ تعالیٰ کاہلی کھینگر نزد گُلیانہ تحصیل گوجرخان

28/04/2026

ان شاءاللہ تعالیٰ تترال کہون تحصیل چوآسیدن شاہ

28/04/2026

وارثانِ انبیاء کی انجمن اور علمِ دین کا فروزاں چراغ: جامعہ انوار القرآن، کوٹلہ
حمدِ بے حد اس ربِّ ذوالجلال کے لیے جس نے انسان کو "عَلَّمَ الْقُرْآنَ" کی فضیلت بخشی اور درود و سلام آخری نبی، معلمِ کائنات رحمت عالم ﷺ پر جن کا فرمان ہے کہ "تم میں سے بہترین وہ ہے جو قرآن سیکھے اور سکھائے"۔
زیرِ نظر تصویر محض نفوس کا مجموعہ نہیں، بلکہ علم و عرفان کے ایک روشن جزیرے، جامعہ انوار القرآن (کوٹلہ) کا ایک حسین مرقع ہے۔ یہ انوارِ الٰہی کی وہ تجلی گاہ ہے جس کی بنیادیں خلوص اور للّٰہیت پر استوار ہیں۔ اس عظیم علمی گلستاں کے شجرِ سایہ دار کی آبیاری جن مبارک ہاتھوں نے کی، ان میں سرفہرست بانیِ ادارہ، استاذ الحفاظ حافظ محمد امین صاحب (رحمۃ اللہ علیہ) کا اسمِ گرامی ہے۔ ان کی دینی تڑپ اور محنتِ شاقہ نے اس ادارے کو علم کی شمع بنایا، جو آج بھی ان کے لیے صدقہ جاریہ ہے۔
آج یہ ادارہ، سرپرستِ اعلیٰ، پیر سید انور الحق شاہ صاحب، سجادہ نشین آستانہ عالیہ امیرا آباد شریف کی با برکت دعاؤں، روحانی سرپرستی اور شفقت کا سایہ دار چمن ہے۔ ان کی دعائیہ فضا میں اس علمی کارواں کو مزید جلا مل رہی ہے۔
اس خوبصورت گلدستے میں دو قسم کے پھول نمایاں ہیں۔ ایک طرف وہ معصوم نفوس ہیں جو "حفظِ قرآن کریم" کی عظیم سعادت سے بہرہ ور ہو رہے ہیں۔ ان کے سینے کلامِ پاک کے نور سے منور ہیں، ان کے لبوں پر قرآن کی آیات جاری ہیں، اور ان کی پیشانیوں پر سجدوں کا نور دمک رہا ہے۔ یہ وہ خوش نصیب ہیں جو اپنے والدین کے لیے تاجِ وقار اور معاشرے کے لیے برکت و رحمت کا باعث بنیں گے۔
دوسری طرف وہ پختہ کار نوجوان ہیں جو "درسِ نظامی" کے دقیق علوم کی غواصی کر رہے ہیں۔ یہ فقہ، حدیث، تفسیر اور علومِ عربیہ کے سمندر سے موتی چن رہے ہیں تاکہ مستقبل میں امتِ مسلمہ کی صحیح رہنمائی کر سکیں۔ یہ وہ وارثانِ انبیاء ہیں جو باطل کے اندھیروں میں حق کا چراغ روشن رکھیں گے اور شریعتِ مطہرہ کے پاسبان بنیں گے۔
ان نونہالانِ چمن کی علمی و عملی تربیت کرنے والی علمی شخصیات بھی انتہائ محترم ہیں۔ حفظِ قرآن کے ان ہیرا تراشوں کے ساتھ ساتھ، نائب مطلق، حافظ محمد عاصم مجید صاحب، اپنی انتظامی صلاحیتوں اور علمی وابستگی کے ذریعے ادارہ کی ترقی میں اپنا اہم حصہ ڈال رہے ہیں۔
علومِ کتب اور درسِ نظامی کے شعبے میں، استاذ العلماء علامہ قاری محمد عصمت اللّٰہ سیالوی صاحب (پرنسپل جامعہ رحمانیہ رضویہ سوہاوہ و سرپرستِ اعلیٰ جامعہ انوار القرآن، کوٹلہ، شعبہ کتب)، اپنی وسعتِ علمی اور تجربے کی بنیاد پر طلبہ کو علومِ وفنون کے جوہر سے آراستہ کر رہے ہیں۔ ان کی علمی رہنمائی اس شعبے کے لیے ایک عظیم اثاثہ ہے۔ اسی طرح، علامہ قاضی محمد سہیل معظمی صاحب (مدرس، شعبہ کتب)، بھی علم کے ان طالبوں کو انتہائی باریک بینی اور اخلاص سے شریعت کے احکام و اسرار سکھا رہے ہیں۔ ان اساتذہِ کرام کی خاموش محنت، دن رات کی لگن اور مخلصانہ دعاؤں ہی کا ثمر ہے کہ آج جامعہ انوار القرآن علم کا ایک تناور درخت بن چکا ہے۔ ان کے خلوص اور صبر کا بدلہ صرف اللہ رب العزت ہی دے سکتا ہے۔ ہم ان کی عظمت کو سلام پیش کرتے ہیں۔
اس علمی کارواں کو رواں دواں رکھنے میں ان معاونین اور مخلصین کا کردار بھی آبِ زر سے لکھے جانے کے قابل ہے، جو پسِ پردہ رہ کر اپنے مال اور جان سے اس ادارے کی سرپرستی کر رہے ہیں۔ ان کا ہر تعاون، ہر روپیہ اور ہر ہمدردی، اللہ کے ہاں ایک عظیم صدقہ جاریہ ہے جس کا اجر انہیں دنیا و آخرت دونوں میں ملے گا۔
دعا ہے کہ اللہ تعالیٰ جامعہ انوار القرآن، کوٹلہ کو دن دگنی رات چگنی ترقی عطا فرمائے، یہاں کے اساتذہ اور طلبہ کے علم و عمل میں برکت دے، بانیِ ادارہ کے درجات بلند فرمائے، موجودہ اکابرین کی عمروں میں برکت عطا فرمائے اور اس ادارے کو تا قیامت دینِ مبین کا قلعہ بنائے رکھے۔ آمین، یا رب العالمین۔

19/04/2026

(19اپریل 2026ءگاؤں جاتلی تحصیل گوجرخان)
محترم جناب ماسٹر احسن صاحب کے بیٹے ڈاکٹر ساجد صاحب کے پوتے اورنمبردار اسد شہزاد صاحب کے بھانجے محمد ثوبان احسن کے سیکنڈ لیفٹیننٹ بننے کی خوشی میں خوبصورت اور عالیشان ظہرانےکا اہتمام کیا گیا قبلہ مُرشدِ کریم صاحبزادہ پیر سید انوار الحق شاہ صاحب بانئ و سرپرستِ اعلیٰ بزمِ محمدی پاکستان سجادہ نشین دربار عالیہ نقشبندیہ امیر آباد شریف کی خصوصی شرکت تلاوتِ قرآنِ کریم اور نعت خوانی کی گئی قبلہ پیر صاحب نے خصوصی دعا فرمائی کثیر تعداد میں سیاسی و سماجی شخصیات کی شرکت قبلہ پیر صاحب نے سیکنڈ لیفٹیننٹ محمد سبحان کے گلے میں مالا بھی ڈالی
پیج ایڈمن۔حافظ خطیب الرحمن نقشبندی
خادم دربارِ عالیہ نقشبندیہ امیر آباد شریف

18/04/2026

(18اپریل 2026ء پرٹالی کلاں تحصیل گوجرخان)
محترم جناب حاجی راجہ خورشید احمد منہاس صاحب مرحوم کے ایصالِ ثواب کے سلسلہ میں محفلِ ختمِ چہلم شریف کا انعقاد کیا گیا جس کی صدارت قبلہ مرشدِ کریم صاحبزادہ پیر سید انوار الحق شاہ صاحب بانئ و سرپرستِ اعلیٰ بزمِ محمدی پاکستان سجادہ نشین دربار عالیہ نقشبندیہ امیر آباد شریف نے فرمائی تلاوتِ قرآنِ مجید اور نعت خوانی کی گئی خصوصی خطاب علامہ قاری منیر احمد قادری صاحب تحریکِ منہاج القرآن نے فرمایا آخر میں ختم شریف پڑھا گیا اور قبلہ پیر صاحب نے خصوصی دعا فرمائی بعد ازاں قبلہ پیر صاحب حاجی راجہ خورشید احمد منہاس صاحب مرحوم اور آپ کے بھائی حاجی راجہ شیر احمد منہاس مرحوم کی قبر پر تشریف لے کر گئے اور دعا فرمائی
پیج ایڈمن۔حافظ خطیب الرحمن نقشبندی
خادم دربارِ عالیہ نقشبندیہ امیر آباد شریف

17/04/2026

(16 اپریل 2026ء) دولتالہ،اظہار تعزیت اور فاتحہ خوانی
قبلہ مرشدِ کریم صاحبزادہ پیر سید انوار الحق شاہ صاحب بانیٔ و سرپرستِ اعلیٰ بزمِ محمدی پاکستان سجادہ نشین آستانہ عالیہ نقشبندیہ امیر آباد شریف کی احباب کے ہمراہ حاجی راجہ خورشید احمد مرحوم آف پرٹالی حال مقیم دولتالہ کے وصال پر لواحقین و اہل خانہ سے اظہار تعزیت کیا اور فاتحہ خوانی فرمائی اور بلندی درجات کے لیے دعا فرمائی۔
پیج ایڈمن۔حافظ خطیب الرحمن نقشبندی
خادم دربارِ عالیہ نقشبندیہ امیر آباد شریف

17/04/2026

(16 اپریل 2026ء)موہڑہ حیات تحصیل گوجرخان،اظہار تعزیت اور فاتحہ خوانی
قبلہ مرشدِ کریم صاحبزادہ پیر سید انوار الحق شاہ صاحب بانیٔ و سرپرستِ اعلیٰ بزمِ محمدی پاکستان سجادہ نشین آستانہ عالیہ نقشبندیہ امیر آباد شریف کی احباب کے ہمراہ موہڑہ حیات جناب خوشنود صاحب کی اہلیہ محترمہ مرحومہ کے وصال پر لواحقین و اہل خانہ سے اظہار تعزیت کیا اور فاتحہ خوانی فرمائی اور بلندی درجات کے لیے دعا فرمائی۔
پیج ایڈمن۔حافظ خطیب الرحمن نقشبندی
خادم دربارِ عالیہ نقشبندیہ امیر آباد شریف

10/04/2026