20/02/2026
حکومت کا زور صرف غریب پر ہی کیوں چلتا ہے؟
پنجاب میں سب سے بڑا مجرم صرف غریب ہی کیوں ؟
اس ویڈیو میں ایک غریب فروٹ فروش دہائیاں دیتا نظر آ رہا ہے کہ سات کلو امرود اسے اٹھارہ سو سے دو ہزار روپے کے درمیان پڑ رہا ہے، ایسے میں وہ سرکاری ریٹ لسٹ کے مطابق فروخت کر کے اپنے اخراجات اور بچوں کا پیٹ کیسے پالے؟ یہ سوال صرف ایک فروٹ فروش کا نہیں بلکہ ہزاروں چھوٹے تاجروں کا ہے جو روزانہ منڈی سے مہنگا سامان خرید کر سرکاری نرخوں کے دباؤ کا سامنا کرتے ہیں۔
اگر حکومت واقعی عوام کو ریلیف دینا چاہتی ہے تو متعلقہ سرکاری نمائندوں کو چاہیے کہ وہ صبح کے وقت منڈیوں میں موجود ہوں اور ریٹ لسٹ کے مطابق فروٹ اور دیگر اشیاء کی فراہمی کو یقینی بنائیں، تاکہ چھوٹے تاجر بھی قانون پر عمل کر سکیں۔ جب تک خریداری مہنگی اور فروخت سستی رکھنے کا تضاد ختم نہیں ہوگا، تب تک کارروائیاں صرف غریب دکانداروں پر ظلم کے مترادف سمجھی جائیں گی۔
حکومت پہلے منڈیوں میں سرکاری نرخوں پر اشیاء کی دستیابی یقینی بنائے، اس کے بعد اگر کوئی قانون شکنی کرے تو اس کے خلاف سخت کارروائی اور جرمانہ یقیناً ہونا چاہیے، تاکہ انصاف کا تقاضا پورا ہو اور قانون سب کے لیے برابر ہو۔
Assistant Commissioner Gujar Khan Maryam Nawaz Sharif Mian Shehbaz Sharif Mansoor Ali Khan Iqrar Ul Hassan
