21/03/2024
ہفتہ بھر مصروفیت رہی تو لان کی ٹھیک طریقے سے دیکھ بھال نہ ہو پائ۔۔۔ظہر پڑھی تو پھولوں کے ساتھ اگی جھاڑ جھنکار پر نظر پڑی۔۔ساتھ ہی ٹہنیاں مرجھائ ہوئ دکھائیں دیں۔۔چھوٹی کھرپی اٹھا کر پہلے تو مناسب صاف صفائ کی۔۔۔پھر پودوں کی تراش خراش کے بعد پانی کی پھوار برسائ تو مانو ایک دم لان نکھر سا گیا۔۔پودے جھوم اٹھے پھول خوشی سے کھل اٹھے۔۔گرد ہٹ گئ۔۔۔منظر صاف شفاف ہوگیا۔۔۔ذہن ایک دم پرسکون ہوتا چلا گیا۔۔۔
وہ دل جو اللہ کے ذکر سے خالی ہوتے ہیں۔۔ایسے ہی ویران، مرجھاۓ ہوۓ مردہ سے معلوم ہوتے ہیں۔۔۔مگر جیسے ہی ان پر ذکر اللہ کی ٹھنڈی، میٹھی خوشگوار سی پھوار پڑتی ہے۔۔ایک دم تازگی کی لہر سی کہیں اندر تک اتر جاتی ہے۔۔دل خوشی سے جھوم اٹھتے ہیں۔۔کہ بے شک دلوں کا اطمینان اللہ کے ذکر میں ہے🧡
آئیے اپنے دلوں کو پھر سے تازگی کی لہر دیجیے ۔۔آج کے دن کم ازکم بیس منٹ۔۔اللہ کے ذکر کو دیجیے ۔۔۔سکون، اطمینان ، راحت سب کچھ ملے گا ان شاء اللہ