Haqaiq ap ke samne

29/05/2026

14/05/2026

قابلیت کا قتل عام نا منظور! کے نعرے
سفارش کلچر کے خلاف سندھ کا شعور بیدار:
روٹی، کپڑا اور مکان نہیں، اب نوجوان کو صرف "میرٹ" چاہیے۔
لائبریریوں سے سڑکوں تک: جب قلم اٹھانے والے ہاتھ اپنا حق مانگنے پر مجبور ہو جائیں!
سندھ کے کونے کونے سے آئے امیدواروں کا SPSC ہیڈ آفس کے باہر احتجاجی پڑاؤ۔

حقائق آپکے سامنے

سندھ پبلک سروس کمیشن (SPSC) کے متنازع نتائج اور مبینہ کرپشن کے خلاف سندھ کے نوجوانوں کا صبر لبریز ہو گیا۔ حیدرآباد کی سڑکیں آج ہزاروں مشتعل اور حق پرست طلباء کے نعروں سے گونج اٹھیں، جنہوں نے میرٹ کی پامالی اور اقربا پروری کے خلاف تاریخی احتجاجی دھرنا دے رکھا ہے۔

منظر انتہائی دلدوز ہے؛ وہ نوجوان جو صبح سویرے داؤد پوتہ لائبریری کے باہر محض ایک کرسی کے لیے قطاروں میں کھڑے ہوتے تھے تاکہ پڑھ لکھ کر افسر بن سکیں، آج وہی نوجوان تپتی دھوپ میں اپنے مستقبل کے تحفظ کے لیے ٹھنڈی سڑک پر سراپا احتجاج ہیں۔ طلباء کا کہنا ہے کہ "ہم نے راتوں کی نیندیں کتابوں کے نام کیں، لیکن صلہ کرپشن اور ناانصافی کی صورت میں ملا۔"

​
​
​
​
​
​ ​ #سندھ #حیدرآباد #احتجاج

11/05/2026

کراچی کے علاقے کورنگی میں پولیس نے ایک بڑی کارروائی کرتے ہوئے محکمہ پولیس میں چھپی "کالی بھیڑ" کو بے نقاب کر دیا ہے۔ زمان ٹاؤن تھانے کا سب انسپکٹر محمد خان نیازی، جو قانون کا رکھوالا تھا، خود ایک منظم لینڈ مافیا اور منشیات کے نیٹ ورک کا سرغنہ نکلا۔

کورنگی انڈسٹریل ایریا پولیس نے خفیہ اطلاع پر کے ڈی اے ایمپلائز سوسائٹی میں قائم ایک خفیہ اڈے پر چھاپہ مارا۔ اس کارروائی کے دوران سب انسپکٹر محمد خان نیازی کو گرفتار کر لیا گیا، جبکہ اس کے قبضے سے مختلف سرکاری و بلدیاتی اداروں کی 17 عدد جعلی ربر مہریں برآمد ہوئیں۔

تفتیشی حکام کے مطابق، ملزم ان جعلی مہروں کو زمینوں پر غیر قانونی قبضوں، جعلی فائلیں تیار کرنے اور سرکاری دستاویزات میں ہیرا پھیری کے لیے استعمال کرتا تھا۔ برآمد ہونے والی مہروں میں اینٹی انکروچمنٹ لانڈھی، ڈائریکٹر لوکل ٹیکس، ڈی ایم سی کورنگی اور سندھ بینک جیسے اہم اداروں کی مہریں شامل ہیں۔

جعلی سازی کے ساتھ ساتھ یہ اڈہ زہریلے گٹکے اور ماوے کی تیاری کے لیے بھی استعمال ہو رہا تھا۔ پولیس نے موقع سے 550 کلو گرام چھالیہ اور تیار شدہ گٹکے کی بھاری مقدار قبضے میں لے لی ہے۔

پولیس حکام کا کہنا ہے کہ ملزم کے پانچ ساتھی، جن میں پولیس اہلکار دانش، گل احمد، علی گل، فیضان فومی اور فیاض شامل ہیں، موقع سے فرار ہونے میں کامیاب ہو گئے۔ ان مفرور ملزمان کی گرفتاری کے لیے ٹیمیں تشکیل دے دی گئی ہیں اور شہر بھر میں چھاپے مارے جا رہے ہیں۔

اس واقعے نے ایک بار پھر یہ سوال کھڑا کر دیا ہے کہ اگر محافظ ہی جرائم پیشہ عناصر کے سرپرست بن جائیں گے تو شہریوں کے جان و مال کا تحفظ کون کرے گا؟ پولیس نے تمام ملزمان کے خلاف سنگین دفعات کے تحت مقدمہ درج کر کے مزید تفتیش شروع کر دی ہے۔
​
​
​
​
​
​