Voice Of Vigilance

05/08/2026

خان اسلم صاحب کھاریاں شہر کے صدر نہیں، صدر تو منڈی والا جاوید ہے، جس کا گلا ضرورت سے زیادہ فضول بولتا ہے، کارکردگی کے لحاظ سے زیرو بٹا زیرو، اور بات کرنے کی تمیز تک نہیں۔ عابد رضا نے ایسے شخص کو کھاریاں شہر کا صدر بنا رکھا ہے۔ یہ غلطی صرف ایک فرد کی نہیں بلکہ قیادت کے فیصلوں کی ناکامی ہے۔ بے شک خان اسلم کا بھی اس فیصلے میں مشورہ ہوگا، لیکن جاوید جیسے بندے کو اگر مسلم لیگ (ن) کھاریاں شہر کا صدر بنایا جائے گا تو نتائج بھی اسی معیار کے آئیں گے۔
سیاست میں شخصیت، اخلاق، رویہ اور عوامی قبولیت بہت اہمیت رکھتے ہیں۔ اگر قیوم بھٹی ،چوہدری اکرام ،عامر قیوم بھٹی،یا چوہدری راشد ٹائروں والے کو صدر بنایا جاتا تو کھاریاں شہر کی تمام پولنگوں پر پارٹی کی گرفت کہیں زیادہ مضبوط ہوتی اور مخالفین کو بھرپور ٹف ٹائم ملتا۔
وقت آ گیا ہے کہ ذاتی پسند و ناپسند سے بالاتر ہو کر ایسے افراد کو آگے لایا جائے جو کارکنوں کو ساتھ لے کر چل سکیں اور پارٹی کی عزت اور وقار میں اضافہ کریں، ورنہ موجودہ طرزِ قیادت پارٹی کو مزید نقصان پہنچاتا رہے گا۔

19/07/2026

15/07/2026

منشیات فروشوں کے خلاف حکومتِ پنجاب کا سخت کریک ڈاؤن جاری ہے۔ کوئی بھی قانون کی گرفت سے نہیں بچے گا۔ نقاب پوش عناصر کو بھی حکومت اپنے آئینی اور قانونی ہاتھوں میں لے گی، اور عوام کے جان و مال کے تحفظ کے لیے ہر ممکن اقدام کیا جائے گا۔ منشیات فروش شراب کی ولاتی بوتلیں فروخت کرنے پر مصروف عمل
اور خود کو کاریگر سمجھتے ہیں.

12/07/2026

عادل خان پٹھان
سابقہ صدر، گلیانہ روڈ کھاریاں

12/07/2026

عادل خان پٹھان کے لیے غیر مناسب الفاظ کا استعمال کیا گیا، جس پر عادل خان پٹھان نے خاموشی اور بردباری کا مظاہرہ کیا۔ بعض اوقات خاموشی ہی بہترین جواب ہوتی ہے، کیونکہ یہ انسان کے اعلیٰ ظرف، برداشت اور کردار کی عکاسی کرتی ہے۔

23/04/2026

کھاریاں شہر کی تاجر کمیونٹی کے حالیہ الیکشن نے یہ واضح کر دیا کہ یہ صرف تاجروں کا انتخاب نہیں تھا بلکہ پس منظر میں مقامی سیاست دانوں کی طاقت، اثر و رسوخ اور سیاسی حکمت عملی بھی مکمل طور پر متحرک تھی۔ اس الیکشن میں اصل کامیابی اُن سیاسی شخصیات کی سمجھی جا رہی ہے جنہوں نے میدان میں رہ کر اپنے امیدواروں کو منظم انداز میں سپورٹ کیا۔
خاص طور پر تحصیل کھاریاں میں پی ٹی آئی سے وابستہ سیاسی حلقوں نے جس انداز میں اتحاد، رابطہ مہم، ووٹر مینجمنٹ اور گروپ بندی کو سنبھالا، اس سے واضح ہوا کہ وہ مقامی سطح پر ابھی بھی مضبوط اور متحرک ہیں۔ اس جیت کو صرف ایک گروپ کی کامیابی نہیں بلکہ تحصیل کھاریاں میں پی ٹی آئی کی سیاسی موجودگی اور اثر پذیری کی جیت بھی قرار دیا جا رہا ہے۔
یہ الیکشن ثابت کرتا ہے کہ جب سیاست دان کسی مقامی فورم یا برادری الیکشن میں سنجیدگی سے حصہ لیں، حکمت عملی بنائیں اور ووٹرز کو متحرک کریں تو نتائج ان کے حق میں آ سکتے ہیں۔
مختصر طور پر یہ کہنا درست ہوگا کہ:
کھاریاں کے اس الیکشن میں تاجروں سے زیادہ سیاست دان جیتے، اور تحصیل کھاریاں میں پی ٹی آئی نے اپنی سیاسی قوت ایک بار پھر منوا دی۔

23/04/2026

کھاریاں شہر کا سب سے چھوٹا مگر سب سے بڑا چمچہ وہ ہے، جس کی چمچہ گری ایسی اعلیٰ درجے کی ہے کہ سامنے والا دیر تک سمجھ ہی نہیں پاتا کہ تعریف ہو رہی ہے یا مفاد کی تجارت۔ یہ صاحب چمچہ گری میں پی ایچ ڈی، چاپلوسی میں ماسٹرز، اور مطلب نکلوانے میں گولڈ میڈلسٹ ہیں۔
جہاں بڑے بڑے لوگ لائن میں لگتے ہیں، وہاں یہ صفِ اول میں سینہ تان کر کھڑا نظر آتا ہے۔ اگر کھاریاں شہر میں چمچہ گری کا کوئی عالمی مقابلہ ہو جائے تو یقیناً پہلا انعام، ٹرافی، اور تعریفی سرٹیفکیٹ انہی کے نام ہوگا۔
میں نے چند لوگ ہی چمچہ گری کے گریس اور کلاس میں دیکھے ہیں، مگر اس ہستی کا انداز نرالا، مہارت کمال، اور وفاداری حالات کے مطابق بدلنے والی ہے۔ یہ وہ فنکار ہے جو ہر دور میں اپنے مطلب کے سورج کو سلام کرتا ہے۔

23/04/2026

تاجر کمیونٹی میں تفریق کی بڑی وجہ سیاستدانوں کی مداخلت بھی ہے، اور تاجروں کی باہمی تقسیم بھی۔ اگر انجمن تاجران کے انتخابات آئندہ سیاسی جماعتوں کے ٹکٹ پر لڑے جائیں تو کم از کم حقیقت سامنے آ جائے گی کہ کون کس کے ساتھ کھڑا ہے۔ ہر سیاسی جماعت کو چاہیے کہ وہ کھل کر اپنا انجمن تاجران گروپ بنائے اور اپنے کونسلرز منتخب کروانے کے لیے فرنٹ پر آ کر جدوجہد کرے۔
بند کمروں میں بیٹھ کر منافقت کے ساتھ خفیہ حمایت کرنے سے بہتر ہے کہ سیاستدان واضح اور اعلانیہ انداز میں میدان میں آئیں۔ اس طرح تاجروں کو بھی پتا ہوگا کہ کون نمائندہ واقعی تاجروں کا ہے اور کون صرف سیاسی مفادات کے لیے استعمال ہو رہا ہے۔
ضرورت اس امر کی ہے کہ انجمن تاجران میں ایسے سیاسی کونسلرز بنائے جائیں جو سامنے آ کر الیکشن لڑیں، جوابدہ ہوں، اور تاجروں کے مسائل کے حل کے لیے کھل کر کام کریں۔ چھپی ہوئی سیاست نے ہمیشہ تقسیم پیدا کی ہے، جبکہ کھلی سیاست کم از کم سچ کو سامنے لے آتی ہے۔

22/04/2026

آج کل کھاریاں شہر میں خان اسلم کے مبینہ سیاسی کردار پر شدید سوالات اٹھ رہے ہیں، اور عوامی حلقوں میں ان کے طرزِ سیاست کو مسلم لیگ نون کے زوال کی سب سے بڑی وجہ قرار دیا جا رہا ہے۔
کھاریاں کی ہر شہری جانتا ہے کہ جب سے خان اسلم نے مسلم لیگ نون کی مقامی قیادت سنبھالی، تب سے پارٹی کا جھنڈا بلندی کے بجائے مسلسل زمین بوس ہوتا چلا گیا۔ نہ وہ خود کبھی عوامی لیڈر بن سکے، نہ انہوں نے کسی قابل، متحرک اور وفادار کارکن کو آگے آنے دیا۔ انہوں نے قیادت کو خدمت نہیں بلکہ ذاتی جاگیر سمجھ کر استعمال کیا۔
شہر کے سیاسی مبصرین کا کہنا ہے کہ خان اسلم کی ضد، انا پرستی اور کمزور حکمت عملی نے مسلم لیگ نون کو ایسی دلدل میں دھکیلا جہاں سے نکلنا آج بھی ناممکن دکھائی دیتا ہے۔ کئی برسوں سے مسلسل شکستوں کا ریکارڈ ان کے نام ہے۔ کارکن منتشر، تنظیم تباہ، اور ووٹر بددل ہو چکا ہے۔
ذرائع کے مطابق اب انہوں نے پارٹی کی رہی سہی ساکھ بھی داؤ پر لگا دی ہے۔ راشد چوہدری ٹائروں والے جیسے نظریاتی اور وابستہ کارکن کے خلاف ذاتی دشمنی میں انہوں نے اپنے ہی ساتھیوں پر وار کیا، مخالفین کو فائدہ پہنچایا، اور تاجر کمیونٹی الیکشن میں مسلم لیگ نون کو ناقابلِ تلافی نقصان دیا۔
کھاریاں کے ن لیگی ووٹر آج سراپا احتجاج ہیں اور سوال کر رہے ہیں کہ ہم ووٹ پارٹی کو دیں یا ان سازشی کرداروں کو جو دن میں ن لیگی اور رات میں مخالفین کے سہولت کار بنے ہوئے ہیں؟
شہر بھر میں یہ بات زبان زدِ عام ہے کہ خان اسلم نے سیاسی وفاداری نہیں بلکہ مفاد پرستی کی سیاست کی، اور اپنے ذاتی انا کے لیے پوری جماعت کو قربان کر دیا۔ اگر یہی حالات رہے تو وہ دن دور نہیں جب کھاریاں میں مسلم لیگ نون صرف ماضی کی ایک داستان بن کر رہ جائے گی۔
عوامی حلقوں کا کہنا ہے کہ اب وقت آ چکا ہے کہ کھاریاں میں سیاسی صفائی کی جائے، ناکام چہروں کو گھر بھیجا جائے، اور مخلص، متحرک اور عوامی نمائندوں کو قیادت سونپی جائے، ورنہ خان اسلم جیسے کردار پارٹی کو مکمل تباہی کے آخری کنارے تک لے جائیں گے۔

02/04/2026

کباڑی بازار، کھاریاں میں تجاوزات کے خلاف فوری کارروائی کی اپیل
کباڑی بازار کھاریاں میں بعض دکانداروں کی جانب سے دکانوں کے باہر چار چار فٹ تک ترپالیں اور سامان لگا کر بازار کا راستہ تنگ کرنا معمول بن چکا ہے۔ اس کے باعث شہریوں کو شدید مشکلات اور آمد و رفت میں رکاوٹ کا سامنا ہے۔ مزید یہ کہ کچھ دکاندار دکان کے اندر سامان رکھنے کے بجائے باہر بیٹھ کر کاروبار کر رہے ہیں، جو کہ نہ صرف قانون کی خلاف ورزی ہے بلکہ شہری نظم و ضبط کے بھی خلاف ہے۔
افسوسناک امر یہ ہے کہ یہ سب کچھ مبینہ طور پر بااثر شخصیات کی سرپرستی میں ہو رہا ہے، جس کی وجہ سے اسسٹنٹ کمشنر کھاریاں، میونسپل کمیٹی کھاریاں اور متعلقہ پیرا فورس کی جانب سے اس پر مؤثر کارروائی دیکھنے میں نہیں آ رہی۔
عوامی مطالبہ ہے
تمام تجاوزات کا بلا امتیاز خاتمہ کیا جائے
دکانداروں کو پابند کیا جائے کہ وہ اپنا سامان دکان کے اندر رکھیں
باہر لٹکائے گئے ترپالوں اور بورڈز کو فوری ہٹایا جائے
قانون کا اطلاق سب پر یکساں کیا جائے، بغیر کسی سفارش یا دباؤ کے
شہریوں کی سہولت اور شہر کے نظم و نسق کو بہتر بنانے کے لیے فوری اور سخت کارروائی ناگزیر ہو چکی ہے۔
عوامی حلقے اس مسئلے کے فوری حل کے منتظر ہیں۔