Dastak News Kohat دستک نیوز کوہاٹ

26/08/2026

پاکستان میں موجودہ نظام نہیں چل سکتا سب آواز اٹھاو اسلامی نظام حکومتی نظام قائم ہو

26/08/2026

جب تک اس ملک میں نظام نہیں بدلتا واللہ باللہ یہ ملک مزید نہیں چل سکتا

26/08/2026

کیا اس ملک خداداد پاکستان میں اسلامی نظام حکومتی نظام نافذ کرنے کا وقت نہیں آن پونچھا ؟

21/08/2026

*اخلاقی شکر پارے*

۱۔ جو شخص اپنے خلوص کی قسمیں کھائے، اس پر کبھی اعتماد نہ کرو۔

۲۔ شیطان کا ڈر، خدا پر شک کرنے کی ایک صورت ہے۔

۳۔ عشق وہ آگ ہے کہ درویش کے دل کے علاوہ اس آگ کا کہیں ٹھکانہ نہیں۔

۴۔ چاند کے بغیر رات بے کار ہے اور علم کے بغیر ذہن۔

۵۔ بدصورت چہرہ بدصورت دماغ سے بہتر ہے۔

۶۔ محنت ایک پھول ہے جو کبھی نہیں مرجھاتا۔

۷۔ دنیا میں نیک کام کر کے مر جانا آبِ حیات پینے سے بہتر ہے۔

۸۔ اچھا سوال آدھا علم ہے۔

۹۔ دوستی کے بندھن کو مضبوط بنانا چاہتے ہو تو ملتے رہیے، اگر بہت ہی مضبوط بنانا ہو تو کبھی کبھی ملیے۔

۱۰۔ ہر رات کے بعد دن ضرور طلوع ہوتا ہے، اور جو رات صبر سے گزاری جائے اس کی سحر بہت حسین ہوتی ہے۔

۱۱۔ انسان کو بادِ صبا کی طرح ہونا چاہیے کہ ہر کوئی اس کے آنے کا انتظار کرے۔

۱۲۔ یہ دنیا دریا ہے اور آخرت کنارہ، کشتی تقویٰ ہے اور لوگ مسافر۔

۱۳۔ بیماریوں میں بڑی بیماری دل کی ہے، اور دل کی بیماریوں میں سب سے بڑی دل آزاری ہے۔

۱۴۔ نہ گرنا کمال نہیں، کمال یہ ہے کہ تم گرو اور پھر از سرِ نو اٹھ کر کھڑے ہو جاؤ۔

۱۵۔ جب آدمی کا ماضی اور حال لٹ چکا ہو، اس وقت بھی اس کا مستقبل محفوظ رہتا ہے۔

۱۶۔ قرآن ایک ایسا دریچہ ہے جس سے ہم اگلی دنیا کو دیکھ سکتے ہیں۔

۱۷۔ اتنا مت سوچو کہ وقت گزر جائے اور ہم سوچتے رہ جائیں۔

۱۸۔ انسان کو اس کے اوصاف عظیم بناتے ہیں، کیونکہ کوا بلند مینار پر بیٹھنے سے عقاب نہیں بن جاتا۔

۱۹۔ تنہائی میں ذہنی صلاحیتیں بیدار ہوتی ہیں۔

۲۰۔ خود کو عام کرنے والے لوگ جلد بھلا دیے جاتے ہیں۔

۲۱۔ مزا تو تب ہے جب باہر شام ڈھل رہی ہو اور آپ کے اندر سورج طلوع ہو رہا ہو۔

۲۲۔ ذہن میں اچھے خیالات کو جگہ دیجیے، آپ ہر وقت خیر خواہ دوستوں میں رہیں گے۔

۲۳۔ فرمانِ خداوندی ہے کہ نعمت کا ملنا ایک آزمائش ہے کہ تم شکر کرتے ہو یا ناشکری۔

۲۴۔ زنگ آلود ہونے سے بہتر ہے تھک جانا۔

۲۵۔ تعمیری کام کرنے سے تین برائیوں کا خاتمہ ہو جاتا ہے: بوریت، غربت اور گناہ۔

۲۶۔ بدبخت ہے وہ شخص جو خود مر جائے لیکن اس کا گناہ نہ مرے۔

۲۷۔ بدلہ لینے کی ذمہ داری اور حق اللہ نے اپنے پاس رکھا ہے۔

۲۸۔ آپ کسی انسان سے سب کچھ چھین سکتے ہیں لیکن اس کے جذبے کبھی نہیں۔

۲۹۔ اس زندگی کی حقیقت صرف اور صرف جدوجہد ہے۔

۳۰۔ جوانی میں دن مختصر ہوتے ہیں اور سال طویل، لیکن بڑھاپے میں سال مختصر ہوتے ہیں اور دن طویل۔

۳۱۔ جب پیسہ بولتا ہے تو سچائی خاموش ہو جاتی ہے۔

۳۲۔ ہم انصاف کو تو بہت زیادہ پسند کرتے ہیں لیکن انصاف کرنے والوں کو بہت کم۔

۳۳۔ دروازے ہمیشہ کھلے رکھو کیونکہ بعض لوگ دستکوں کے قائل نہیں ہوتے۔

۳۴۔ مطالعہ غم اور اداسی کا بہترین علاج ہے۔

۳۵۔ دنیا میں صرف ان لوگوں کی عزت ہوتی ہے جنہوں نے استادوں کا احترام کیا۔

۳۶۔ آسمان پر ضرور نگاہ رکھو، لیکن یہ نہ بھولو کہ پاؤں زمین پر ہی رکھے جا سکتے ہیں۔

۳۷۔ جس کے پاس زیادہ ہوتا ہے، اس کو اور بھی زیادہ کی خواہش ہوتی ہے۔

۳۸۔ اس دنیا میں بدمعاشوں کی نسبت بے وقوف زیادہ کر گزرتے ہیں۔

۳۹۔ کسی کو اتنا مت آزماؤ کہ آزمانے کے چکر میں تم خود تو دوسرے پر اعتماد قائم کر لو، مگر تم پر سے دوسرے کا اعتماد ختم ہو جائے۔

۴۰۔ بڑی بڑی آرزوؤں کے لئے قبر کے سوا کسی جگہ منبر نہیں۔

۴۱۔ جو بات کان میں بتلائی جائے، وہ اکثر سو سو میل کے فاصلے سے سنی جاتی ہے۔

۴۲۔ شب و روز میں ایک مرتبہ کھانا صوفیوں کا طریقہ ہے۔

۴۳۔ خواہ ایک جھوٹ تیز ہی ہو، مگر سچ اس کو جا پکڑتا ہے۔

۴۴۔ دوست کی ناکامی پر مغموم ہونا اتنا دشوار نہیں جتنا اس کی کامیابی پر مسرور ہونا مشکل ہے۔

۴۵۔ ایک لمبی زبان زندگی کو چھوٹا بنا دیتی ہے۔

۴۶۔ ایک جھوٹ سے بہت سے جھوٹ لازم آتے ہیں۔

۴۷۔ زندگی کا اصل مقصد خدائی حکومت کا قیام ہے، یہ صرف دیانت اور سچائی کے ساتھ حاصل ہوتا ہے..

21/08/2026

Dastak News Kohat دستک نیوز کوہاٹ 7 News Karak DIR Updates Kohat

21/08/2026

دعاووں میں یاد رکھیں اور درود شریف کا اہتمام کریں

21/08/2026

21/08/2026

آج لاہور میں ایک مشہور بیکری کے باہر ایک 65 سالہ بزرگ سیکیورٹی گارڈ کو بیٹھے دیکھا۔ وہ روٹی کے اوپر صرف پیاز رکھ کر کھا رہے تھے۔ پہلے مجھے لگا شاید دانتوں کی وجہ سے نرم سالن وغیرہ نہیں کھا سکتے، لیکن دل نے گوارا نہیں کیا اور میں ان کے پاس چلا گیا۔

میں نے پوچھا، “انکل کیا کرتے ہیں؟”

کہنے لگے، “بیٹا، سیکیورٹی گارڈ ہوں۔”

پوچھا، “تنخواہ کتنی ہے؟”

کہنے لگے، “25 ہزار روپے۔”

پھر میں نے پوچھا، “انکل، اتنی تنخواہ میں گھر کیسے چلتا ہے؟ بچے کتنے ہیں؟”

انکل نے بتایا کہ میری تین بیٹیاں اور ایک چھوٹا بیٹا ہے۔ گھر میں کمانے والا صرف میں ہوں۔

میں نے روٹی اور پیاز کی طرف دیکھتے ہوئے پوچھا، “انکل سالن وغیرہ نہیں کھاتے؟”

انکل کی اگلی بات نے دل توڑ دیا۔ کہنے لگے:

“بیٹا، دو دن سے گھر کے حالات بہت خراب ہیں۔ کچھ عرصہ پہلے بیٹی بیمار ہوگئی تھی، علاج کے لیے ایک شخص سے قرض لیا تھا۔ تنخواہ آئی تو سارا قرض واپس کردیا، اس کے بعد گھر کا راشن خریدنے کے لیے پیسے نہیں بچے۔”

ذرا سوچیں… ایک 65 سالہ بزرگ، جو دن رات ہماری دکانوں اور کاروبار کی حفاظت کرتا ہے، خود اپنے گھر کے لیے دو وقت کا کھانا بھی پورا نہیں کر پا رہا۔

ہم اکثر دکانوں، ہوٹلوں اور بیکریوں کے باہر بیٹھے سیکیورٹی گارڈز کو دیکھ کر گزر جاتے ہیں۔ شاید ہمیں اندازہ ہی نہیں ہوتا کہ ان کے پیچھے ایک پورا گھر ہوتا ہے، بچے ہوتے ہیں، بیماریاں ہوتی ہیں، بجلی کے بل ہوتے ہیں اور راشن کی ضرورت ہوتی ہے۔

میں نے انکل سے پوچھا کہ “یہ بیکری والے آپ کو کچھ کھانے کے لیے نہیں دیتے؟”

انکل نے بتایا کہ اگر کچھ چیزیں بچ بھی جائیں تو انہیں کھانے کے لیے نہیں دیا جاتا، بلکہ ضائع کردی جاتی ہیں۔

یہ سن کر واقعی دل دکھا۔ اگر کسی جگہ کا سیکیورٹی گارڈ پوری ایمانداری سے آپ کی دکان، آپ کی پراپرٹی اور آپ کے کاروبار کی حفاظت کر رہا ہے تو کم از کم انسانیت کے ناطے اس کا خیال تو رکھا جا سکتا ہے۔

کھانا ضائع کرنے کے بجائے کسی بھوکے انسان کو دے دینا کون سا مشکل کام ہے؟

میں نے انکل کو کچھ رقم دی اور الگ سے راشن کے پیسے بھی دیے اور کہا:
“انکل، کل گھر جاتے ہوئے اپنے بچوں کے لیے اچھا سا کھانا لے کر جانا، گھر کا راشن لے کر جانا اور بچوں کو اپنے ہاتھ سے کھانا کھلانا۔”

اللہ گواہ ہے، انکل کے چہرے پر آنے والی خوشی دیکھ کر دل بھر آیا۔ ❤️

میری پاکستان کے ہر صاحبِ حیثیت انسان سے ایک چھوٹی سی اپیل ہے: جب بھی کسی دکان، بیکری، ہوٹل یا مارکیٹ کے باہر کوئی بزرگ سیکیورٹی گارڈ نظر آئے تو اسے نظرانداز نہ کریں۔ اگر استطاعت ہو تو جاتے ہوئے ایک چھوٹی سی ٹپ دے دیں، پانی پلا دیں یا کچھ کھانے کو دے دیں۔ شاید آپ کے لیے چند سو روپے معمولی ہوں، لیکن اس بزرگ کے لیے وہ پورے گھر کی خوشی بن سکتے ہیں۔

اور کاروبار کرنے والے تمام بھائیوں سے بھی گزارش ہے کہ جو لوگ آپ کی پراپرٹی کی حفاظت کرتے ہیں، ان کا خیال رکھا کریں۔ ان کے لیے کھانے کا انتظام کریں، ان کی ضروریات پوچھیں اور انہیں عزت دیں۔

کیونکہ ہر غریب انسان صرف مدد کا محتاج نہیں ہوتا، وہ عزت کا بھی حق دار ہوتا ہے۔

اللہ تعالیٰ اس بزرگ کے گھر میں آسانیاں پیدا فرمائے، ان کے بچوں کے نصیب اچھے کرے اور ہمارے دلوں میں دوسروں کا درد محسوس کرنے والی انسانیت ہمیشہ زندہ رکھے۔ آمین۔ 🤲❤️
Dastak News Kohat دستک نیوز کوہاٹ

21/08/2026

ہائے رے غربت کبھی کبھی تو دل خون کے آنسو روتا ہے یہ کسی کی شہزادی رات کے اس پہر بھی پیٹ کی بھوک مٹانے کی خاطر روڈ پہ خوار ہو رہی ہے ۔۔ اللہ ہر کس کا بھرم رکھے اور اس بچی کو ظالموں کے ظلم سے محفوظ رکھے یہ قوم کی بچی ہے لیکن ملک کو لوٹ کے کھا گئے اشرافیہ