22/04/2026
صرف ایک کارڈ سے آپ کی شہریت ختم نہیں ہو سکتی! — پشاور ہائی کورٹ کا تاریخی فیصلہ 2026
بہت سے لوگ وقتی فائدے، راشن یا دیگر سہولتوں کے حصول کے لیے افغان سٹیزن کارڈ یا پی او آر کارڈ بنوا لیتے ہیں اگرچہ وہ پاکستانی ہوتے ہیں۔ وقت گزرنے کے ساتھ یہی ریکارڈ ان کے لیے مشکلات پیدا کر دیتا ہے، اور بعض اوقات انہیں غیر ملکی قرار دینے کی کوشش کی جاتی ہے۔
لیکن اب
ایک اہم عدالتی فیصلہ (2026 MLD 18) ایسے تمام افراد کے لیے امید کی کرن بن کر سامنے آیا ہے۔
عدالت کا واضح مؤقف ہے کہ نادرا کسی ایک اے سی سی
یا پی او آر کارڈ کے اندراج کی بنیاد پر کسی شہری کی پاکستانی شہریت ختم نہیں کی جا سکتی۔
اگر کسی شخص کے پاس اپنی پاکستانی شناخت کے مستند شواہد موجود ہوں، تو اسے صرف ایک کارڈ یا غلط ریکارڈ کی بنیاد پر غیر ملکی قرار دینا قانونی طور پر درست نہیں۔
اہم قانونی نکتہ: شہریت دینا یا منسوخ کرنا ایک سنجیدہ قانونی عمل ہے، جو صرف
Pakistan Citizenship Act, 1951
کے تحت مکمل شواہد اور باقاعدہ طریقہ کار کے ذریعے ہی ممکن ہے۔
ایک کارڈ آپ کی اصل شناخت کا فیصلہ نہیں کر سکتا۔
اگر آپ یا آپ کے کسی عزیز کو اس نوعیت کی مشکل کا سامنا ہے، تو فوری قانونی رہنمائی حاصل کریں—کیونکہ بروقت اقدام آپ کے حقوق کا تحفظ کر سکتا ہے۔
#شہریت
