13/08/2026
رزق کی تقسیم اللہ تعالیٰ کی وہ خاص عنایت ہے جو انسان کے گمان، تدبیر یا خواہش کے نہیں بلکہ اس کی حکمتِ کاملہ کے تابع ہوتی ہے۔
بسا اوقات ہم صبحِ سویرے اس امید پر وقت سے پہلے دکان کے کواڑ کھول دیتے ہیں کہ آج رزق کی برسات ہوگی، مگر دن بھر منتظر ہی رہتے ہیں۔ اور کبھی ہم کسی دن کو سست، چھٹی کا یا کم آمدنی کا موقع سمجھ رہے ہوتے ہیں لیکن رزقِ الٰہی کا ایسا تانتا بندھتا ہے کہ خود حیران رہ جاتے ہیں۔
یہ فرق ہمیں سکھاتا ہے کہ انسان کی کوشش صرف ایک ظاہری ذریعہ ہے، جبکہ اصل رازق وہ ذاتِ بابرکات ہے جو وہاں سے نوالہ پہنچاتی ہے جہاں بندے کا گمان بھی نہیں جاتا۔
