25/05/2026
سائیں باغ پٹرول پمپ کے قریب المناک حادثہ، دو افراد جاں بحق، ایک شدید زخمی
ہٹیاں بالا میں سائیں باغ پٹرول پمپ کے قریب ایک افسوسناک ٹریفک حادثے میں دو افراد جاں بحق جبکہ ایک شخص شدید زخمی ہو گیا۔
تفصیلات کے مطابق ایک XLI گاڑی، جسے تیمور نذیر ولد محمد نذیر سکنہ چکوٹھی چلا رہا تھا، نامعلوم وجوہات کی بنا پر حادثے کا شکار ہو کر گہری کھائی میں جا گری۔ حادثہ اس قدر شدید تھا کہ گاڑی میں سوار تین افراد میں سے دو افراد موقع پر ہی جاں بحق ہو گئے جبکہ ایک شخص شدید زخمی ہو گیا۔
جاں بحق ہونے والوں میں
1۔ تیمور نذیر ولد محمد نذیر
2۔ ایک نامعلوم شخص
شامل ہیں جبکہ
اویس رحیم ولد عبدالرحیم شدید زخمی ہو گئے جنہیں ابتدائی طبی امداد کے لیے ڈسٹرکٹ ہیڈکوارٹر ہسپتال ہٹیاں بالا منتقل کر دیا گیا ہے جہاں ان کی حالت تشویشناک بتائی جا رہی ہے۔
اطلاع ملتے ہی مقامی پولیس تھانہ سٹی ہٹیاں بالا موقع پر پہنچ گئی اور ضروری کارروائی کا آغاز کر دیا۔ حادثے کی وجوہات جاننے کے لیے تحقیقات جاری ہیں۔
