Pasni News Pasni

07/01/2026

ہنگلاج مندر 1/1/2026

07/01/2026

*میونسپل کمیٹی پسنی کا شاپرز کے چیلنج سے نمٹنے کا عزم،شہری حوصلہ شکنی کے بجاے خاکروبوں کے ساتھ تعاون کریں،صفائی ہر روز ہورہی ہے ،چیف افسر عادل بشیر*

پسنی : چیف افسر *عادل بشیر* نے کہا ہے کہ شاپرز میونسپل کمیٹی پسنی کے عملے کے لیے چیلنج بنی ہوئی ہیں انھوں نے کہا کہ میونسپل کمیٹی پسنی کا عملہ ہر روز صفائی کے کام میں مصروف ہے اور باری باری تمام محلوں میں صفائی کا کام جاری ہے۔
انھوں نے شہریوں سے اپیل کی کہ وہ میونسپل کمیٹی کے خاکروبوں کی حوصلہ شکنی کرنے کے بجائے ان علاقوں کی نشاندہی کریں جہاں فوری صفائی کی ضرورت ہے۔ انھوں نے کہا کہ شہری اپنے گھروں میں جمع شدہ شاپرز کے تھیلے کھلے عام پھینکنے کے بجائے انہیں اچھی طرح باندھ کر ڈمپنگ پوائنٹ پر رکھیں تاکہ میونسپل کمیٹی کا عملہ انہیں آسانی سے اٹھا سکے۔
انھوں نے کہا کہ نے شاپرز ہوا کے ساتھ بکھر جاتے ہیں جس سے صفائی کا عمل مزید مشکل ہوجاتا ہے۔
چیف افسر نے کہا کہ ماحولیاتی آلودگی کو مدنظر رکھ کر شاپرز کو جلانا بھی مناسب نہیں ہوگا۔
چیف افسر عادل بشیر نے یہ بھی بتایا کہ پاکستان کوسٹ گارڈ کی جانب سے میونسپل کمیٹی کے خراب ٹریکٹروں کی مرمت کا کام جاری ہے جس سے میونسپل کمیٹی کی مشینری کی قوت میں مزید اضافہ ہوگا اور صفائی کے عمل کو تیز تر بنانے میں مدد ملے گی۔

07/01/2026

*ڈی جی پاکستان کوسٹ گارڈ کی خصوصی ہدایات پر پسنی میں جدید سیوریج نظام کی تعمیر*

پسنی نیوز : ڈی جی پاکستان کوسٹ گارڈ کی خصوصی ہدایات پر پسنی شہر میں جدید سیوریج نظام کی تعمیر کا منصوبہ شروع کیا جا رہا ہے۔ اس سلسلے میں پاکستان کوسٹ گارڈ بٹالین 4 پسنی کے زیرِ اہتمام ایک اہم اجلاس منعقد ہوا، جس کی صدارت سی او بٹالین 4 پسنی بلال جالپ نے کی۔
اجلاس میں سٹی چیئرمین میر نور احمد کلمتی، چیف افسر میونسپل کمیٹی عادل بشیر، ڈی ایس پی پسنی پولیس ملک احمد، ایس ڈی او کیسکو حبیب الرحمٰن بلوچ، تحصیلدار پسنی محمد امین بلوچ، انجمن تاجران پسنی کے صدر لیاقت بلوچ، موسیٰ امیت، انجینئر لوکل گورنمنٹ اسلم شکیل، پی ٹی سی ایل کے نمائندے ولی بلوچ سمیت کونسلران اور مختلف سرکاری اداروں کے افسران نے شرکت کی۔
اجلاس میں پسنی کے ماسٹر پلان پر تفصیلی تبادلہ خیال کیا گیا جبکہ پاکستان کوسٹ گارڈ کی جانب سے شہر میں سیوریج لائن بچھانے کے منصوبے پر مشاورت کی گئی۔ اس موقع پر منصوبے کے سائٹ انجینئر نے بریفنگ دیتے ہوئے بتایا کہ شہر میں لیولنگ کے بعض مسائل موجود ہیں، تاہم میونسپل کمیٹی کے تعاون سے کام کا باقاعدہ آغاز کیا جائے گا۔ انہوں نے کہا کہ سیوریج لائن اور ڈرین لائن کو ایک مربوط نظام کے تحت مکمل کیا جائے گا۔
چیف افسر عادل بشیر نے کہا کہ یہ منصوبہ پسنی شہر کی تاریخ کا ایک اہم اور یادگار اقدام ہوگا، جس سے سیوریج کا دیرینہ مسئلہ حل ہو جائے گا۔ انہوں نے کہا کہ یہ منصوبہ پاکستان کوسٹ گارڈ کی جانب سے پسنی کے عوام کے لیے ایک اہم سہولت ہے۔
سٹی چیئرمین میر نور احمد کلمتی نے کہا کہ سیوریج لائن کی تعمیر کے دوران عوام کو بعض مشکلات کا سامنا ہو سکتا ہے، تاہم تمام کونسلران کی ذمہ داری ہے کہ وہ اپنے علاقوں کے مکینوں کو بروقت آگاہ کریں اور انہیں اپنی گھریلو گٹر لائنوں کو نئی سیوریج لائن سے منسلک کرنے کے لیے تیار رہنے کی ہدایت دیں۔ انہوں نے کہا کہ اس حوالے سے جلد ہی کونسلران کا اجلاس بھی طلب کیا جائے گا۔
اجلاس سے خطاب کرتے ہوئے سی او پاکستان کوسٹ گارڈ بٹالین 4 پسنی بلال جالپ نے کہا کہ ڈی جی پاکستان کوسٹ گارڈ کی خصوصی ہدایات پر پسنی شہر میں جدید سیوریج نظام کی تعمیر کی جا رہی ہے۔ انہوں نے کہا کہ پاکستان کوسٹ گارڈ عوام کی فلاح و بہبود کے لیے مقامی انتظامیہ کے ساتھ مل کر عملی اقدامات جاری رکھے ہوئے ہے۔
آخر میں شرکاء نے اس منصوبے کا خیرمقدم کرتے ہوئے ڈی جی پاکستان کوسٹ گارڈ کا شکریہ ادا کیا۔

24/03/2025

بلوچ وکٹری
عزیز سنگھور
بلوچ یکجہتی کمیٹی کی رہنما، سمی دین بلوچ، کی گرفتاری کے دوران ان کا وکٹری کا نشان بلند کرنا اس بات کی علامت ہے کہ بلوچ جدوجہد کو طاقت کے ذریعے دبایا نہیں جا سکتا۔ یہ نہ صرف مزاحمت کی علامت ہے بلکہ ایک مضبوط پیغام بھی ہے کہ بلوچ یکجہتی کمیٹی کی قیادت کسی بھی ریاستی جبر سے خوفزدہ نہیں ہے۔
یہ منظر تاریخ میں ان تمام مزاحمتی تحریکوں کی یاد دلاتا ہے، جہاں رہنما گرفتاری کے وقت بھی اپنی نظریاتی وابستگی کا اظہار کرتے رہے ہیں۔ سمی دین بلوچ کا یہ عمل ظاہر کرتا ہے کہ بلوچ عوام اور ان کی قیادت جدوجہد کے ہر مرحلے میں پرعزم ہے، چاہے وہ سڑکوں پر ہو یا جیل کی سلاخوں کے پیچھے۔
یہ گرفتاری اس حقیقت کو بھی اجاگر کرتی ہے کہ ریاستی جبر میں مزید شدت آ رہی ہے، لیکن اس کے باوجود بلوچ تحریک میں ہمت اور حوصلہ مسلسل بڑھ رہا ہے۔

16/03/2025

مکران ڈویژن میں تھیلیسیمیا کے مرض کا روایتی علاج،تھیلیسیمیا کے بچوں کی روداد،خون عطیات کرنے کے سینٹر،روزنامہ ایکسپریس کے سنڈے میگزین میں چھپی میری اسپیشل رپورٹ16/3/2025
https://www.express.com.pk/epaper/index.aspx?Issue=NP_KHI&Page=EXP-SM13&Date=20250316&Pageno=65&View=1

13/03/2025

پسنی: ڈائریکٹر جنرل فشریز بلوچستان ممتاز کھیتران کا دورہ پسنی، فشریز آفس پسنی میں ماہی گیروں سے ملاقات اور انکے مسائل سنے ۔ پسنی میں محمکہ فشریز کے مختلف سیکشن کا دورہ کیا اور جاری پروجیکٹس کا جائزہ لیا گیا۔ ماڈل فش مارکیٹ ، مائیکرو لیب، اور ریسرچ سینٹر کا دورہ کیا۔ جبکہ پودا لگا کر شجرکاری مہم کا آغاز کردیا گیا۔ اس موقع پر اسسٹنٹ ڈائریکٹر فشریز شاہ فہد اور اسسٹنٹ ڈائریکٹر فشریز میرین یونس قمبرانی بھی انکے ہمراہ تھے۔
تفصیلات کے مطابق ڈائریکٹر جنرل فشریز بلوچستان ممتاز کھیتران نے پسنی کا ایک روزہ دورہ کیا اور دورہ پسنی کے موقع پر ڈائریکٹر جنرل فشریز بلوچستان نے ماڈل فش مارکیٹ ، مائیکرو لیب اور فشریز ریسرچ سینٹر کا دورہ کرکے جاری ترقیاتی منصوبوں کا جائزہ لیا اور پودا لگا کر شجرکاری مہم کا آغاز کردیا۔
علاؤہ ازیں دورہ پسنی کے موقع پر ماہی گیروں کے ایک وفد نے حق دو تحریک کے مرکزی رہنما اور ایم پی اے گوادر مولانا ہدایت الرحمن کے کوآرڈینیٹر براہ پسنی ، اورماڑہ عزیز اسماعیل کی قیادت میں ڈائریکٹر جنرل فشریز بلوچستان سے فشریز آفس پسنی میں ملاقات کیا اور مقامی ماہی گیروں کے مسائل سے ڈائریکٹر جنرل کو آگاہ کیا گیا۔
اس موقع پر ماہی گیروں سے گفتگو کرتے ہوئے ڈائریکٹر جنرل فشریز بلوچستان ممتاز کیتھران نے کہا کہ میرے پسنی آنے کا مقصد مقامی ماہی گیروں کے ساتھ مل کر انکے مسائل سے آگاہی حاصل کرنا تھا۔ انہوں نے کہا کہ مقامی ماہی گیروں کے بچوں کی تعلیم اور صحت کے حوالے سے محمکہ فشریز خصوصی توجہ دے گا۔ ماہی گیر کالونی کے لئے بہت جلد مقامی ماہی گیروں اور دیگر اسٹیک ہولڈرز کے ساتھ مل کر کام شروع کریں گے۔ انہوں نے کہا کہ ماہی گیروں کے بچوں کو اعلیٰ تعلیم کے لئے اسکالرشپ فراہم کرنے کے لئے اقدامات کئے جارہے ہیں اور اس حوالے سے کام جاری ہے۔ انہوں نے کہا کہ ماہی گیروں کے فلاح و بہبود کے لئے ہر ممکن کوشش کروں گا اور ماہی گیروں کے ساتھ رابطے میں رہ کر انکی تجاویز پر عملدرآمد کروں گا۔

13/03/2025

13/03/2025

Today, on 12th March, 2025, Government High boys School Babbarshoor Pasni organized an Admission Awareness Walk. The walk was attended by Head Incharge Basheer Ahmed Nazeer Ahmed, other teachers from the school, respected local figures, PTSMS Chairman Saleem Sajidi, local councilor Muhammad Jadgal, and specially DDEO Male Pasni Mr Elahi Bakhsh Baloch as well.
On the occasion Mr Basheer Ahmed Nazeer Ahmed the head of school addressed the gathering, emphasizing the importance of enrolling children in school as soon as possible to secure their bright future. And Mr Saleem Sajidi urged parents to prioritize their children's education for a better tomorrow.
Government Boys High School Babbarshoor Pasni

13/03/2025

پسنی پولیس جرائم پیشہ افراد کے خلاف کمربستہ ہے،لو گ پولیس پر بھروسہ کریں۔۔ایس ڈی پی او /ڈی ایس پی،زاہد حسین
( رپورٹ /نمائندہ انتخاب )