24/10/2022
چارسدہ : انسداد پولیو مہم کے پرامن انعقاد کیلئے 2130 پولیس اہلکار سیکیورٹی ڈیوٹی پر تعینات، انسداد پولیو مہم کے دوران ضلع بھر میں ناکہ بندیوں کو مزید فعال کرنے کیساتھ مشکوک افراد پر کڑی نظر، سرکل ایس ڈی پی اوز اور ایس ایچ اوز کے اپنے اپنے علاقوں میں پولیو ٹیم کی سیکیورٹی یقینی بنانے کے لئے مختلف بی ایچ اوز کے دورے۔ڈیوٹی پر مامور پولیس اہلکاروں کو ہدایات جاری
تفصیلات کے مطابق ضلع چارسدہ میں 5 روزہ پولیو مہم کا آغاز کردیا گیا ہے۔ اس حوالے سے ڈی پی او چارسدہ سہیل خالد کی زیرنگرانی ضلع بھر میں سیکیورٹی کے فل پروف انتظامات کر دیئے گئے ہیں۔ ضلع بھر میں 2130 پولیس اہلکاروں کو پولیو ٹیم کے ساتھ تعینات کر دیا گیا ہے۔ سیکیورٹی انتظامات کی مانیٹرنگ کے لئے ڈی ایس پی سٹی احسان شاہ خان، ڈی ایس پی سرڈھیری صنوبر خان، ڈی ایس پی تنگی تاج محمد خان، ڈی ایس پی شبقدر قاضی عصمت اللہ خان، ڈی ایس پی ہیڈکوارٹرز نصراللہ خان اور ڈی ایس پی سیکیورٹی شہنشاہ گوہر خان نے اپنے اپنے علاقہ میں مختلف بی ایچ اوز کے دورے کئے۔ دورے کے موقع پر ٹیم کے ساتھ تعینات پولیس اہلکاروں کو سیکیورٹی کے حوالے سے بریفنگ دیتے ہوئے آگاہ کیا گیا کہ انسدادی پولیو مہم کے دوران مشکوک افراد پر کڑی نظر رکھی جائے، کوئی بھی اہلکارڈیوٹی کے دوران موبائل فون کا استعمال ہرگز نہ کریں۔ پولیو ٹیم کے حفاظت کے ساتھ ساتھ پولیس اہلکاربھی اپنی حفاظت کے لئے بلٹ پروف جیکٹ اور ہیلمٹ کا استعمال یقینی بنائیں۔
افسران نے مختلف بی ایچ اوز میں 5سال سے کم بچوں کو پولیو کے قطرے بھی پلائے اور والدین سے بھی اپیل کی جاتی ہے کہ انسداد پولیو ٹیموں کے ساتھ تعاون کریں اور اپنے 05 سال تک کے بچوں کو پولیو کے قطرے پلائیں۔
