Paigham-e-Irshad

18/04/2026

خدا نے خود ہی مٹا دیئے ہیں
ہزاروں نقشے بنا بنا کر
Paigham-e-Irshad

13/04/2026

ان شاء اللہ
بہت جلد…

"سلطان محمود غزنویؒ کی حکمت بھری داستان"
آپ کے سامنے آ رہی ہے…

📌 مکمل بیان جلد اسی پیج پر
ہمارے پیج کو لازمی فالو کریں Paigham-e-Irshad
Irshad Ahmed Ashraf

12/04/2026

11/04/2026

اچھی نہیں اتنی محبت اس دنیا سے
کچھ سوچ لے اے انسان
Irshad Ahmed Ashraf

11/04/2026

سندہ کی نامور شخصیت،
مفتی اعظم حضرت مولانا مفتی
عبدالوہاب چاچڑ صاحب دامت برکاتہم العالیہ کا تعارف۔۔

Paigham-e-Irshad
Irshad Ahmed Ashraf

11/04/2026

بسم اللہ الرحمن الرحیم

آج ہم آپ کی خدمت میں ایک ایسی علمی و دینی شخصیت کا مختصر تعارف پیش کر رہے ہیں، جنہوں نے اپنی علمی بصیرت، تدریسی خدمات اور دینی جدوجہد کے ذریعے نہ صرف سندھ بلکہ پورے پاکستان میں اپنا ایک نمایاں مقام حاصل کیا ہے۔

یہ وہ ہستی ہیں جن کی زندگی علمِ دین کی خدمت اور اشاعت کے لیے وقف ہے، اور جن کے علمی اثرات آج بھی نمایاں طور پر محسوس کیے جا رہے ہیں۔

یہ تعارف ہے فقیہِ سندھ، مفتیِ اعظم حضرت مولانا
مفتی عبدالوھاب چاچڑ صاحب دامت برکاتہم العالیہ کا۔

حضرت مفتی عبدالوھاب صاحب کی ولادت
26 مارچ 1942ء کو ضلع گھوٹکی کے علاقے قادرپور کے ایک گاؤں، گوٹھ مولانا محمد یوسف چاچڑ میں ایک علمی خاندان میں ہوئی۔
آپ کا تعلق چاچڑ قبیلے کی راج ڈیھی شاخ سے ہے۔

آپ کا نسب اس طرح بیان کیا جاتا ہے:
مولانا مفتی عبدالوھاب بن مولانا عبدالقادر بن مولانا نور محمد کنڈوی بن ملا کرڑ بن محمد یوسف بن محمد یعقوب،
ذات چاچڑ۔

بچپن ہی میں، جب آپ کی عمر تقریباً پانچ سال تھی،
آپ کے والد محترم مولانا عبد القادر چاچڑ رحمہ اللہ کا انتقال ہو گیا۔ اس کے بعد آپ کی پرورش اور تربیت آپ کی والدہ ماجدہ نے نہایت محنت اور توجہ کے ساتھ کی۔

ابتدائی تعلیم آپ نے اپنے آبائی گاؤں میں حاصل کی، جہاں قرآنِ مجید اور سندھی زبان کی بنیادی تعلیم حاصل کی۔

آپ کے علمی سفر کا باقاعدہ آغاز مدرسہ قاسم العلوم گھوٹکی سے ہوا، جبکہ آپ نے اپنی دینی تعلیم کی تکمیل مدرسہ مدینۃ العلوم بنو عاقل، سندھ سے 1967ء میں کی۔ دورانِ تعلیم آپ کو وقت کے بزرگ اور صاحبِ حال شخصیت حضرت حماد اللہ ھالیجوی رحمہ اللہ سے ملاقات اور استفادہ کا موقع ملا، اور آپ نے ان کے ہاتھ پر بیعت بھی کی۔

فراغت کے بعد آپ نے تدریسی خدمات کا آغاز مدرسہ قاسم العلوم گھوٹکی سے کیا۔ اس کے بعد آپ مختلف مدارس میں درس و تدریس کا سلسلہ جاری رکھتے ہیں۔ 1981ء میں آپ روہڑی میں مدرسہ عربیہ دارالعلوم شرعیہ کی بنیاد رکھتے ہیں، جو آج ایک اہم علمی مرکز کی حیثیت رکھتا ہے۔

آپ کے شاگردوں کی تعداد ہزاروں میں ہے، جو ملک کے مختلف حصوں میں دینی خدمات انجام دے رہے ہیں۔
آپ کے نمایاں تلامذہ میں مولانا عبدالغفور حیدری صاحب، مولانا نثار احمد پتافی صاحب، مولانا عبدالعزیز کورائی رحمہ اللہ، اور مولانا عبدالغنی گھوٹو صاحب، مولانا حافظ محمد بلال گھوٹو، مولانا عبد السمیع لکھن حال ساکن مکہ مکرمہ، مولانا عبدالعزیز بروھی، مولانا قمر الدین جسکانی، مولانا خدا بخش جکرانی، مولانا الہی بخش ٹانوری، مولانا مولا بخش پنہور حیدراباد، مولانا محمد اسماعیل بروہی میھڑ، مولانا عبدالباقی سومرو، مولانا علی محمد سنھدڑو، مولانا رب نواز، مولانا غلام حسین جتوئی، مولانا عبدالحکیم پٹھان، مولانا محمد اسماعیل پٹھان، مولانا عبدالقیوم پٹھان، مولانا عبداللطیف چاچڑ، مولانا علی شیر فاروقی، مولانا عبد السمیع جھلن، مولانا دوست محمد عباسی، مولانا سعید احمد عباسی، مولانا غلام رسول چاچڑ، مولانا عبداللطیف چاچڑ، مولانا دین محمد شیخ، مولانا احمد دین شیخ، مولانا محمد اسماعیل دھاریجو، مولانا فیض اللہ بلوچ کوئٹہ،

فرزندوں میں سے پروفیسر عبدالقادر عرف جمال ناصر،
مولانا عبدالحق چاچڑ صاحب
حضرت مولانا مفتی عبدالواحد چاچڑ(نائب مہتمم مدرسہ دارالعلوم شرعیہ روھڑی) شامل ہیں۔

تصنیف و تالیف کے میدان میں بھی آپ کی خدمات قابلِ ذکر ہیں۔ آپ تقریباً 30 کتابیں تصنیف فرماتے ہیں، جو عربی، فارسی، اردو اور سندھی زبانوں میں ہیں، اور مختلف دینی و علمی موضوعات کا احاطہ کرتی ہیں۔

روحانی اعتبار سے بھی آپ کو ممتاز مقام حاصل ہے۔
آپ کو حضرت مولانا پیر ذوالفقار احمد نقشبندی رحمہ اللہ سے اجازتِ خلافت حاصل ہے۔ آپ کی شخصیت میں علم، عمل، زہد اور تقویٰ کا حسین امتزاج پایا جاتا ہے۔

حضرت مفتی صاحب کی شخصیت ایسی ہے کہ جتنا بھی ان پر لکھا جائے، کم محسوس ہوتا ہے۔ آپ اپنے وقت کے ایک باعمل عالم، صاحبِ زہد و تقویٰ اور سادگی کا عملی نمونہ ہیں۔ آپ کی زندگی میں اخلاص، عاجزی اور دین کے لیے خلوصِ نیت نمایاں ہے۔

الحمدللہ، ہمیں بھی یہ سعادت حاصل ہے کہ ہم نے حضرت کی زندگی میں ان کی سادگی، نیکی اور تقویٰ کو قریب سے دیکھا ہے۔ ہم تقریباً دو سال تک حضرت کی خدمت میں وقت گزارا ہے،
جس سے ہمیں ان کے اخلاق، معمولات اور دینی طرزِ زندگی کو سمجھنے کا موقع ملا۔

اللہ تعالیٰ سے دعا ہے کہ حضرت کا سایہ تادیر سلامت رکھے، انہیں صحت و عافیت والی لمبی زندگی عطا فرمائے، اور ان کی دینی و علمی خدمات کو مزید نفع بخش بنائے۔

✍️ پیش خدمت،
مولانا ارشاد احمد اشرف
فاضل جامعہ اشرفیہ لاہور
03003111646

Irshad Ahmed Ashraf
Paigham-e-Irshad

10/04/2026

ان شاء اللہ جلد پیش خدمت ہوگا۔۔
فقیہِ سندھ، مفتیِ اعظم حضرت
مولانا مفتی عبدالوھاب چاچڑ صاحب دامت برکاتہم العالیہ کی شخصیت اور علمی خدمات پر ایک خصوصی تعارفی کالم۔

دعا فرمائیں کہ اللہ تعالیٰ اس کام کو قبول فرمائے
اور مزید بہتری عطا فرمائے۔

پیش خدمت: مولانا ارشاد احمد اشرف ✍️
Paigham-e-Irshad
Irshad Ahmed Ashraf

06/04/2026

🌙 سونے سے پہلے آیت الکرسی پڑھنے کی فضیلت
اس کے پڑھنے سے اللہ کی جانب سے رات بھر ایک محافظ (فرشتہ) اس پر مقرر رہے گا، اور کوئی شیطان اس کے پاس نہ آئے گا۔

لہذا اس کو ضرور پڑھیں🤍
Irshad Ahmed Ashraf

06/04/2026

دنیا کی نعمت اگر تکلیف کے بغیر ہوتی تو یہ دنیا جنت ہوتی
لیکن حقیقت یہ ہے کہ ہر نعمت کے ساتھ ایک امتحان بھی ہے

خوشیاں اور راحتیں ہمیشہ ہمارے صبر اور شکر سے جڑی ہوتی ہیں

جو شخص صبر کرے اور شکر ادا کرے،
وہی حقیقی سکون پاتا ہے

زندگی کے اتار چڑھاؤ ہی ہمیں مضبوط اور سنجیدہ بناتے ہیں

لہٰذا ہر نعمت کی قدر کریں،
ہر تکلیف میں صبر کریں،
اور ہر حال میں شکر کریں