14/06/2026
🌹 ساڈا فخر، ساڈی شان — ڈاکٹر شہباز احمد 🌹
ہر شہر دی قسمت وچ ایہہ گل نئیں ہوندی جو اوہدے آنگن توں کوئی نوجوان محنت، لگن تے ہمت نال ڈاکٹر بن کے واپس اپنے لوکاں دی خدمت کرے۔ اللہ دا کرم اے جو نور پور منجھو والا دے سپوت ڈاکٹر شہباز احمد نے ایم بی بی ایس مکمل کر کے اپنے شہر تے علاقے دا ناں روشن کیتا۔
ایہہ صرف اک ڈگری نئیں، بلکہ برسوں دی محنت، قربانی، صبر تے جدوجہد دا نتیجہ اے۔ جتھاں اکثر نوجوان خواب پورے کرن توں پہلے ہمت ہار ویندے نیں، اوتھاں ڈاکٹر شہباز احمد نے ثابت کیتا جو محنت کرن آلا بندہ منزل ضرور حاصل کریندا اے۔
اَڄ ساڈے شہر دے لوک فخر نال آکھدے نیں جو نور پور منجھو والا دا ایہہ ہونہار پُتر بیماراں دی خدمت کر رہیا اے، دکھی انسانیت لئی آسانی پیدا کر رہیا اے تے اپنے علاقے دے ناں نوں عزت بخشدے پیا اے۔
ڈاکٹر صاحب! تُساں صرف اپنے خاندان دا نئیں بلکہ پورے نور پور منجھو والا دی شان او۔ تُہاڈی کامیابی ساڈے نوجواناں لئی امید، حوصلے تے کامیابی دا پیغام اے۔
اللہ پاک تُہانوں صحت، عزت، کامیابی تے خدمتِ خلق دی مزید توفیق عطا فرمائے، تے تُہاڈے وسیلے نال ہزاراں لوکاں نوں شفا نصیب ہووے۔ آمین۔ 🤲❤️
نور پور منجھو والا تُہاڈے تے فخر کریندا اے!
