Global Quran kids Academy

09/05/2026

03/05/2026

03/05/2026

*✍️ ایک چور کی سچی توبہ....!*

( شیخ احمد نہروانی رحمۃ اللہ علیہ اور ایک چور)

ایک رات ایک چور شیخ احمد نہروانی رحمۃ اللہ علیہ کے گھر میں چوری کرنے کے لیے گیا۔ شیخ احمد کپڑے سینے کا کام کرتے تھے۔ چور ان کے پورے گھر میں گھوما پھر، لیکن اسے کوئی چیز نہ ملی۔ وہ واپس جانا چاہتا تھا۔ شیخ نے چور کے خالی ہاتھ لوٹنے کو خلافِ مروّت جانا، اسے آواز دی، اس کی پیٹھ پر شفقت کا ہاتھ پھیرا اور دل موہ لینے والے انداز میں اس سے فرمایا: بھائی! خالی ہاتھ نہ جائیے۔

اسی وقت شیخ احمد نے کپڑا بننے کی کھڑی میں ہاتھ ڈالا۔ اس میں سوت کی وہ تان تھی جس میں کپڑا بن رہا تھا۔ کوئی سات گز کپڑا بنا ہوا رکھا تھا۔ شیخ احمد نے وہ سات گز کپڑا سوت سے کاٹ کر چور کی طرف بڑھایا اور اسے کہا:

یہ لے جاؤ، اس وقت فقیر کے پاس کل دنیا یہی ہے۔ اگر مزید ہوتا تو دینے سے دریغ نہ کرتا۔ سرِ دست یہی حقیر نذرانہ میری طرف سے قبول کر لو۔

چور نے وہ کپڑا لیا اور بوجھل قدموں سے گھر کی طرف چل پڑا، مگر شیخ کے حسنِ اخلاق کی تلوار اپنا کام کر چکی تھی۔ وہ شیخ کے کریمانہ اخلاق کے مقابلے میں اپنے رویے اور غلط کردار پر انتہائی نادم تھا۔ اس کی آنکھوں سے آنسو موتی بن کر بہہ رہے تھے۔ اپنی ندامت کے آنسوؤں سے دل کی طہارت حاصل ہوا کرتی ہے۔

دوسرے روز چور، اس کی ماں اور اس کا باپ سب آئے۔ انہوں نے شیخ کے قدموں پر سر رکھے اور توبہ کی۔

کسی نے کیا خوب کہا ہے:

نشہ پلا کے گرانا تو سب کو آتا ہے
مزا تو جب ہے کہ گرتوں کو تھام لے ساقی

(فوائد الفوائد، ص ۳۷۲، سیر العارفین مترجم، ص ۲۱۵)

30/04/2026

maa Kay hukuk

30/04/2026

bhetreen

19/04/2026