Daily Baidar

22/02/2026

22/02/2026

گانچھے فاریسٹ ڈویژن میں شجرکاری مہم کا آغاز، پودوں کی منتقلی اور زمین کی تیاری شروع

گانچھے (خصوصی رپورٹ) — گلگت بلتستان کے گانچھے فاریسٹ ڈویژن میں ماحولیاتی تحفظ اور جنگلات کی بحالی کے لیے ایک اہم قدم اٹھایا گیا ہے۔ بلگر فاریسٹ نرسری اور کھرکھو فاریسٹ میں پودوں کی منتقلی کا عمل باقاعدہ طور پر شروع کر دیا گیا ہے۔

فاریسٹ ڈیپارٹمنٹ کے ذرائع کے مطابق نئی شجرکاری کے مقامات (پلانٹیشن سائٹس) پر زمین ہموار کرنے کا کام بھی جاری ہے۔ میڈیا لینز ۔ اس سلسلے میں دانش اسکول گانچھے کی انتظامیہ نے تعاون کرتے ہوئے ایکسکیویٹر مشین مہیا کی ہے، جس سے آئندہ شجرکاری مہم کے لیے زمین کی تیاری میں نمایاں آسانی پیدا ہوئی ہے۔

یہ اشتراک گانچھے فاریسٹ ڈویژن اور دانش اسکول گانچھے کے درمیان کمیونٹی کی سطح پر ماحولیاتی تحفظ کے لیے ایک بہترین مثال کے طور پر سامنے آیا ہے۔ مقامی سطح پر اس طرح کی شراکت داری سے نہ صرف جنگلات کی حفاظت میں اضافہ ہوگا بلکہ علاقائی لوگوں میں ماحول دوست سرگرمیوں کے لیے شعور بھی بڑھے گا۔

علاوہ ازیں گانچھے ڈویژن کی مختلف فاریسٹ نرسریوں میں شجرکاری کے لیے پاپولر (Poplar)، رشین اولیو (Russian Olive) اور ولو (Willow) کی اقسام کی قلمیں بھی تیار کی جا رہی ہیں۔ یہ اقسام علاقائی آب و ہوا کے لیے موزوں ہیں اور جنگلات کی توسیع میں اہم کردار ادا کریں گی۔

یہ اقدامات گلگت بلتستان میں جاری وسیع پیمانے پر شجرکاری اور کلائمیٹ ایکشن کے ایجنڈے کا حصہ ہیں، جن کا مقصد ماحولیاتی توازن برقرار رکھنا اور مستقبل کی نسلوں کے لیے سبز پاکستان کی تعمیر ہے۔

22/02/2026

قائد ملت پبلک سکول امیرآباد کا روشن کارنامہ۔

تحریر : غلام محمد فتح

پسماندہ علاقے سے عالمی کامیابی یقیناً قائد ملت پبلک سکول امیرآباد چھوربٹ کا ایک روشن کارنامہ یے۔
یہ لمحہ بے حد فخر ، خوشی اور شکر کا ہے کہ قائد ملت پبلک سکول امیرآباد کی ہونہار طالبات نے AMO جیسےعالمی مقابلے میں حصہ لےکر ایک گولڈ میڈل اور ایک سلور میڈل حاصل کر کے تاریخ رقم کر دی۔
انتہائی پسماندہ علاقے سے تعلق رکھنے والی ان بچیوں کی یہ کامیابی اس بات کا زندہ ثبوت ہے کہ وسائل کی کمی کبھی بھی صلاحیت، محنت اور عزم کا راستہ نہیں روک سکتی۔
ہم دل کی گہرائیوں سے
کامیاب طالبات کو سکول کے محترم پرنسپل صاحب کو محنتی اساتذہ و اسٹاف کواور باہمت والدین کو پرخلوص مبارکباد پیش کرتے ہیں
جن کی دعاؤں، رہنمائی اور حوصلہ افزائی سے یہ عظیم کامیابی ممکن ہوئی ہے۔
اللہ تعالیٰ ان بچیوں کو علم، فہم اور کردار میں مذید بلندی عطا فرمائے اور یہ ادارہ آئندہ بھی عالمی سطح پر قوم کا نام روشن کرتا رہے۔ آمین
قائد ملت پبلک سکول امیرآباد کی طالبات نے گولڈ اور سلور میڈل جیت کر دنیا میں پاکستان کا نام روشن کر دیا ہے۔بین الاقوامی میتھ مقابلے میں طالبات کی شاندار کامیابی
علم، محنت اور عزم کی روشن مثال ہے۔ تعلیم کسی بھی قوم کی ترقی کی بنیاد ہوتی ہے، اور جب یہی تعلیم محنت، لگن اور درست رہنمائی کے ساتھ جڑ جائے تو کامیابی کے دروازے خود بخود کھلنے لگتے ہیں۔
قائد ملت پبلک سکول کی ہونہار طالبات نے بین الاقوامی سطح پر منعقدہ میتھ مقابلے جیت کر نہ صرف اپنے سکول بلکہ اپنے والدین، علاقے اور پورے ملک کا نام روشن کیا ہے۔ یہ کامیابی بلاشبہ ایک تاریخی اور قابلِ فخر لمحہ ہے۔
یہ شاندار کارنامہ اس بات کا واضح ثبوت ہے کہ ہماری بچیاں کسی بھی میدان میں صلاحیتوں کی کمی نہیں رکھتیں۔ اگر انہیں اعتماد، رہنمائی اور مواقع فراہم کیے جائیں تو وہ عالمی سطح پر بھی اپنی قابلیت کا لوہا منوا سکتی ہیں۔
میتھ جیسے مشکل اور فکری مضمون میں عالمی مقابلہ جیتنا معمولی بات نہیں، بلکہ یہ انتھک محنت، مستقل مزاجی اور مضبوط تعلیمی نظام کا ثمر ہے۔
اس عظیم کامیابی پر ہم سکول کے محترم پرنسپل کو دل کی گہرائیوں سے مبارک باد پیش کرتے ہیں جن کی بصیرت افروز قیادت اور تعلیمی وژن نے اس ادارے کو اس مقام تک پہنچایا۔
اسی طرح محنتی اساتذہ و اسٹاف خراجِ تحسین کے مستحق ہیں جنہوں نے طالبات کی صلاحیتوں کو نکھارنے میں شب و روز محنت کی اور انہیں اعتماد کے ساتھ عالمی مقابلے کے لیے تیار کیا۔
خصوصی مبارک باد ان عظیم والدین کے لیے بھی ہے جنہوں نے اپنی بچیوں کی تعلیم پر بھرپور توجہ دی،
ان کی حوصلہ افزائی کی اور ہر مرحلے پر ان کا ساتھ دیا۔
والدین کا تعاون ہی وہ مضبوط ستون ہے جس پر کامیابی کی عمارت کھڑی ہوتی ہے۔
آخر میں ہم ان قابل اور باہمت طالبات کو سلام پیش کرتے ہیں جنہوں نے ثابت کر دیا کہ علم، عزم اور اعتماد کے ساتھ کوئی بھی منزل دور نہیں۔ ان کی یہ کامیابی آنے والی نسلوں کے لیے مشعلِ راہ ہے۔
دعا ہے کہ اللہ تعالیٰ انہیں علم میں مزید ترقی عطا فرمائے، اور یہ ادارہ آئندہ بھی اسی طرح کامیابیوں کے جھنڈے گاڑتا رہے۔
آمین ثم آمین
غلام محمد فتح خطیب و نائب امام جامع مسجد امیرآباد چھوربٹ

22/02/2026

محکمہ تعلیم سکولز ایجوکیشن ڈیپارٹمنٹ گلگت بلتستان اورگلگت بلتستان رورل سپورٹ پروگرام میں انٹرن شپ پروگرام کا اعلان
گلگت بلتستان رورل سپورٹ پروگرام (GBRSP) نے محکمہ اسکول ایجوکیشن، حکومتِ گلگت بلتستان (SED) کے اشتراک سے “اسٹوڈنٹ انٹرن شپ پروگرام فار فریش گریجویٹس آف جی بی” کے تحت انٹرن شپ مواقع کا اعلان کر دیا ہے۔
اس پروگرام کے تحت سائنس کے شعبے سے تعلق رکھنے والے 127 تازہ فارغ التحصیل نوجوانوں کو گلگت بلتستان کے تمام دس (10) اضلاع کے سرکاری اسکولوں میں تعینات کیا جائے گا۔ امیدواروں کا انتخاب ضلع وار کوٹہ اور سرکاری تعلیمی اداروں کی ضروریات کے مطابق کیا جائے گا۔
انتخاب کے لیے تفصیلی شرائط و ضوابط (TORs)، اہلیت کا معیار اور درخواست فارم اشتہار کے ساتھ فراہم کیے گئے ہیں۔ دلچسپی رکھنے والے امیدوار اشتہار اور درخواست فارم درج ذیل لنکس سے ڈاؤن لوڈ کر سکتے ہیں۔
یہ پروگرام نوجوان گریجویٹس کو عملی تدریسی تجربہ فراہم کرنے کے ساتھ ساتھ صوبے کے سرکاری تعلیمی اداروں میں سائنسی تعلیم کے فروغ میں اہم کردار ادا کرے گا۔ متعلقہ امیدواروں کو ہدایت کی جاتی ہے کہ وہ مقررہ معیار کے مطابق اپنی درخواست بروقت جمع کرائیں۔

22/02/2026

22/02/2026

امیدوار پاکستان پیپلزپارٹی جی بی ایل الے 10 سکردو 04 روندو جمشید علی طیفور نے سابق وزیر اعلیٰ گلگت بلتستان حفیظ الرحمن کے بیان پر شدید ردعمل دیتے ہوئے کہا کہ گلگت بلتستان کے تمام اضلاع گلگت، ہنزہ، نگر، سکردو، دیامر، غذر، گانچھے اور استور کے عوام محبِ وطن پاکستانی ہیں اور ان کی وفاداری پر انگلی اٹھانا انتہائی افسوسناک اور غیر ذمہ دارانہ عمل ہے۔
گلگت بلتستان کے عوام کی حب الوطنی پر شک کرنا کسی صورت قابلِ قبول نہیں۔

یہ وہ خطہ ہے جس نے قیامِ پاکستان کے بعد اپنی مدد آپ کے تحت آزادی حاصل کر کے پاکستان کے ساتھ الحاق کیا۔ یہاں کے جوانوں نے سرحدوں کی حفاظت میں اپنی جانوں کا نذرانہ پیش کیا، اور ہر مشکل وقت میں پاکستان کے شانہ بشانہ کھڑے رہے۔
جمشید علی طیفور نے مطالبہ کیا کہ اس بیان کی فوری وضاحت کی جائے اور گلگت بلتستان کے غیور عوام سے معذرت کی جائے۔ انہوں نے واضح کیا کہ یہاں کے عوام نے ہمیشہ پاکستان کی سالمیت، استحکام اور ترقی کے لیے قربانیاں دی ہیں اور آئندہ بھی دیتے رہیں گے۔

22/02/2026

محکمہ برقیات گلگت بلتستان میں اہم تبادلے و تقرریاں

22/02/2026

گلگت بلتستان کی عوام کو اینٹی اسٹیٹ کہنے والا اور عوام کے ساتھ بدتمیزی کرنے والا سیاسی مفاد پرست عوام کا نمائندہ نہیں بلکہ عوامی وقار کا دشمن ہے!

گلگت سے حالیہ دنوں کی خبریں کئی سیاسی چہروں کو بے نقاب کر رہی ہیں۔ ایک خود ساختہ “عوامی لیڈر” نے گلگت بلتستان کی باوقار عوام کو اینٹی اسٹیٹ قرار دے کر یہ ثابت کیا کہ وہ عوام کا نمائندہ نہیں بلکہ سیاسی مفاد کا اسیر ہے۔ دوسری جانب، ایک ایسا رہنما جو کل تک حقِ حاکمیت کی باتیں کرتا رہا، آج سرعام عوام سے بدتمیزی کرتا ویڈیوز میں نظر آیا۔ عوام کو دھمکیاں دینا اور تضحیک کرنا کسی بھی قیادت کو زیب نہیں دیتا۔ گلگت بلتستان کے باشعور عوام اپنی عزت، حقِ نمائندگی اور وقار پر کبھی سمجھوتہ نہیں کریں گے۔
وزیر ذوالقرنین حسن ترجمان پاکستان تحریک انصاف بلتستان ڈویژن

22/02/2026

برگے نالہ واٹر سپلائی لائن کی مرمت مکمل، پانی کی فراہمی بحال
مورخہ 20 فروری کو برگے نالہ واٹر سپلائی کی 8 انچ پائپ لائن میں لیکیج کی شکایت موصول ہونے کے بعد محکمہ کے فیلڈ اسٹاف نے فوری طور پر عارضی مرمت کر کے پانی کی فراہمی بحال رکھی تھی۔
بعد ازاں آج فیلڈ اسٹاف نے عمائدینِ علاقہ کے تعاون سے جنریٹر نالے تک پہنچا کر پائپ لائن کی باقاعدہ ویلڈنگ کی، جس کے بعد لائن کو مکمل طور پر درست کر دیا گیا اور پانی کی ترسیل بحال ہو گئی۔

موقع پر موجود اہلِ علاقہ نے بروقت کارروائی اور کام کی تکمیل پر اشرف حسین، ایگزیکٹو انجینئر پی ایچ ای اینڈ بلڈنگ ڈویژن سکردو (قائم مقام ایگزیکٹو انجینئر بی اینڈ آر) کا شکریہ ادا کیا۔

ترجمان، پی ایچ ای اینڈ بلڈنگ ڈویژن سکردو کے مطابق عوام کو پانی کی بلا تعطل فراہمی یقینی بنانے کے لیے محکمہ ہمہ وقت متحرک

22/02/2026

نگر کالونی کے عوام کے مسائل پر مولانا محمد آصف عثمانی کا دوٹوک مؤقف

گلگت بلتستان (حلقہ ون) — مولانا محمد آصف عثمانی نے اپنے جاری بیان میں کہا ہے کہ نگر کالونی کے عوام شدید واٹر سپلائی بحران، بجلی کے درہم برہم نظام اور دیگر بنیادی مسائل کے باعث طویل عرصے سے مشکلات کا شکار ہیں۔ عوام کا سڑکوں پر آنا اس بات کی نشاندہی کرتا ہے کہ مسائل حد سے تجاوز کر چکے ہیں۔

انہوں نے کہا کہ گلگت بلتستان کی روایات میں یہ شامل نہیں کہ ہماری مائیں، بہنیں اور بیٹیاں سڑکوں پر نکلیں، لیکن جب وہ احتجاج پر مجبور ہوں تو یہ متعلقہ اداروں اور حکومت کے لیے سنجیدہ سوالیہ نشان ہے۔ واٹر سپلائی، واٹر اینڈ پاور کے نظام اور دیگر بنیادی سہولیات کی فوری بحالی ناگزیر ہے۔

مولانا محمد آصف عثمانی نے کہا کہ نگر کالونی کے عوام خود کو تنہا محسوس نہ کریں۔ھماری مائیں بہنیں فکر نہ کریں ھم انکی آواز بنینگے
آج پیش آنے والا واقعہ افسوسناک ھے عوامی نمائندہ عوام کو جوابدہ ھوتا ھے عوام کے ووٹ سے منتخب ھونے والا ھر بندہ عوام کے مسائل کے حل کیلئے کوششیں کریں

عوام بھی صبروتحمل کا مظاہرہ کریں انشاء اللؔہ مسائل کا حل کے بغیر ممکن نہیں کہ عوام مطمئن ھو

ان شاء اللہ العزیز ہم ان کے ساتھ شانہ بشانہ کھڑے ہیں اور ان کے مسائل کو ہر فورم پر اٹھائیں گے۔ انہوں نے واضح کیا ھمارا ون ہوائنٹ ایجنڈا ھیکہ حلقہ ون کی عوام بلاتفریق رنگ و نسل سب ہمارے اپنے ہیں اور ان کے جائز حقوق کے لیے بھرپور آواز بلند کی جائے گی۔

انہوں نے کہا کہ اقتدار کوئی اعزاز نہیں بلکہ عوام کی امانت ہے، اور جو عوام کے ووٹ سے منتخب ہو کر ایوان میں پہنچتا ہے وہ ہر لمحہ عوام کو جوابدہ ہوتا ہے۔ مسائل حل کرنا حکومت اور متعلقہ اداروں کی اولین ذمہ داری ہے، تاخیر مزید بے چینی کو جنم دے سکتی ہے۔

مولانا عثمانی نے مزید کہا کہ اگر بنیادی سہولیات کی فراہمی میں غفلت برتی گئی تو عوامی نمائندے خاموش نہیں رہیں گے اور عوام کے حق کے لیے ہر آئینی و جمہوری راستہ اختیار کیا جائے گا۔ نگر کالونی کے عوام کی آواز کو دبایا نہیں جا سکتا، بلکہ اسے سن کر عملی اقدامات کرنا وقت کی ضرورت ہے انشاء اللؔہ حلقہ بھر میں کہیں بھی میری عوام کیساتھ زیادتی ھوگی ھم برداشت نہیں کرینگے۔

22/02/2026

اسلام آباد
(پریس ریلیز )
صوبائی ترجمان پاکستان مسلم لیگ ن گلگت بلتستان و سابق چیئرمین قائمہ کمیٹی گلگت بلتستان کونسل محمد اشرف صدا نے کہا ہے کہ حکومت اور حساس قومی اداروں کے پاس ہر شخص کا مکمل زائچہ موجود ہے۔ اینٹی سٹیٹ کون ہے پرو سٹیٹ کون ہے واقفان حال کو بخوبی علم ہے ۔حالیہ دنوں میں سابق وزیر اعلیٰ اور صوبائی صدر پاکستان مسلم لیگ ن گلگت بلتستان حافظ حفیظ الرحمان کی ایک جامع گفتگو کو سیاق و سباق سے ہٹا کر سوشل میڈیا پر چائے کی پیالی میں طوفان برپا کیا جا رہا ہے جو کہ غیر ضروری ابہام پیدا کرنے کی ناکام کوشش ہے۔ انہوں نے واضح کیا کہ اس گفتگو کا مقصد ہرگز غذر، نگر یا ہنزہ کے غیور ومحب وطن عوام پر کوئی الزام عائد کرنا نہیں تھا بلکہ چند محدود نظریاتی رجحانات کی نشاندہی کرنا تھا جن میں کمی لانے کے لیے بہتر حکمرانی ، ترقیاتی عمل میں تیزی، اور مثبت پالیسی نہایت ضروری ہے ۔انہوں نے اپنی گفتگو میں ان اضلاع میں مختلف عوامی فلاح کے کئی اہم منصوبوں کی بھرپوروکالت کی اور فوری آغازمطالبہ بھی کیا ۔
محمد اشرف صدا نے کہا کہ گلگت بلتستان کی سو فیصد آبادی محب وطن اور ریاست پاکستان کے ساتھ غیر متزلزل وابستگی رکھتی ہے۔ اس خطے کے عوام نے ہر دور میں قومی مفاد کو مقدم رکھا ہے اور قومی دفاع، ترقی اور یکجہتی کے ہر مرحلے پر تاریخ ساز اوربھرپور کردار ادا کیا ہے۔ غذر، نگر،ہنزہ، گلگت، اسکردو، دیامر اور دیگر اضلاع کے عوام مملکت خداداد پاکستان کے قومی دھارے کا اٹل اورمضبوط حصہ ہیں اور ان کی حب الوطنی کسی وضاحت کی محتاج نہیں۔
انہوں نے کہا کہ حافظ حفیظ الرحمان کی گفتگو سے نہ کوئی محب وطن بن سکتا ہے اور نہ ہی کوئی غدار۔ گلگت بلتستان میں ہر شخص کی وفاداری اور نظریاتی رجحان حکومت اوراہم قومی اداروں کے علم میں ہیں۔ جو لوگ محب وطن ہیں ان کی وابستگی سب کے سامنے ہے اور جو محدود و قلیل طبقہ ملک کے خلاف سوچ رکھتے ہیں ان کے عزائم اور مستقبل کے ارادوں سے حکومت اور قومی ادارے بخوبی آگاہ ہیں۔
انہوں نے کہا کہ سوشل میڈیا پر بعض حلقوں کی جانب سے گفتگو کے ایک حصے کو ایڈٹ کر کے بڑھا چڑھا کر پیش کرنا سیاسی پوائنٹ اسکورنگ اور چور کی داڑھی میں تنکا کے مترادف ہے۔ سنجیدہ سیاسی روایت کا تقاضا ہے کہ بات کوحقیقی اور مکمل تناظر میں سنا اور سمجھا جائے۔ حافظ حفیظ الرحمان نے ہمیشہ ریاست کی مظبوطی ،وفاق اور گلگت بلتستان کے درمیان ہم آہنگی، ترقیاتی منصوبوں کے فروغ اور نوجوانوں کو مثبت مواقع فراہم کرنے کی نہ صرف بات کی ہے بلکہ تاریخی عملی اقدامات بھی کیے ہیں ۔ان کی سیاسی جدوجہد قومی وحدت اور استحکام اور گلگت بلتستان روشن مستقبل کے اصولوں پر مبنی رہی ہے۔گلگت بلتستان کی تعمیر وترقی کے لیے انکی کاوشیں کسی بھی نام نہاد و خود ساختہ قوم پرست سے ہزار گنا زیادہ ہے۔
اشرف صدا نے کہا کہ اگر کسی علاقے میں چند محدود آوازیں مختلف نظریات پیش کرتی ہیں تو اس کا حل عوامی مسائل کے خاتمے ، شفاف طرز حکمرانی اور مؤثر پالیسی سازی میں ہے۔ اوراسی پہلو پر حفیظ الرحمان گفتگو کر رہے تھے ۔گلگت بلتستان کے باشعور عوام منفی بیانیے کو مسترد کرتے ہیں۔ گلگت بلتستان کے روشن مسقبل اور ریاست پاکستان پر مکمل اعتماد پہ یقین رکھتے ہیں۔
اشرف صدا نے کہا کہ پاکستان مسلم لیگ ن گلگت بلتستان قومی سلامتی، ریاستی استحکام ، گلگت بلتستان کی تعمیر و ترقی اور عوامی خدمت کے عزم کے ساتھ میدان عمل میں ہے۔ ہم تمام سیاسی ،مزہبی, قومی ، صحافتی اور سوشل قوتوں سے توقع رکھتے ہیں کہ وہ ذاتی پسند و ناپسند اور مخصوص سوچ و فکر کے تحت کسی بھی سیاسی شخصیت کو متنازعہ بنانے سے گریز کریں ۔فروعی و نظریاتی اختلافات سے بالاتر ہو کر خطے کے اتحاد، وقار اور ترقی کو مقدم رکھیں کیونکہ گلگت بلتستان کی پہچان حب الوطنی، امن ، ترقی اور قومی یکجہتی ہے۔

22/02/2026

ماہِ مقدس رمضان میں جہاں پوری اُمت عبادات اور روحانی سکون میں مصروف ہے، وہیں واپڈا اور برقیات کی نااہلی نے عوام کا جینا دوبھر کر دیا ہے۔ ضلع سکردو کے حلقہ ون کے متعدد وارڈز اور حلقہ دو کے مختلف علاقوں میں افطاری اور سحری جیسے اہم اوقات میں بجلی کی طویل اور بدترین لوڈشیڈنگ جاری ہے، جس پر شہری شدید غم و غصے کا اظہار کر رہے ہیں۔

عوامی حلقوں کا کہنا ہے کہ افطاری اور سحری کے اوقات میں بجلی کی بندش ناقابلِ برداشت ہے۔ کئی علاقوں میں کم وولٹیج کا مسئلہ بھی شدت اختیار کر چکا ہے، جس کے باعث گھریلو برقی آلات ناکارہ ہو رہے ہیں۔ شہریوں کے مطابق ڈیم سے اضافی پانی چھوڑے جانے کے باوجود بجلی کی فراہمی میں بہتری نہ آنا متعلقہ اداروں کی کارکردگی پر بڑا سوالیہ نشان ہے۔

مقامی افراد کا الزام ہے کہ رمضان کا خصوصی شیڈول صرف وی آئی پیز تک محدود ہے، جبکہ عام شہریوں کو اذیت ناک لوڈشیڈنگ کا سامنا کرنا پڑ رہا ہے۔ ان کا کہنا ہے کہ بجلی کا رخ بااثر افراد کے گھروں کی طرف اور لوڈشیڈنگ و کم وولٹیج کا بوجھ عام عوام پر ڈال دیا گیا ہے۔

شہریوں نے مطالبہ کیا ہے کہ فوری طور پر پرانے شیڈول کے مطابق منصفانہ بنیادوں پر بجلی کی فراہمی یقینی بنائی جائے اور افطاری و سحری کے اوقات میں بلا تعطل بجلی فراہم کی جائے، بصورت دیگر سخت عوامی ردعمل سامنے آ سکتا ہے
خواجہ مدثر سابق کوآرڈینٹر تحریک انصاف بلتستان