05/04/2026
مفتی ابراہیم محمدی عوام کے نام پیغام
معروف عالم دین مفتی ابراہیم نے عوام کو خبردار کیا ہے کہ اگر کوئی شخص اُن کے نام پر مدرسے کے لیے چندہ اکٹھا کرے یا ہوٹل، ریسٹورنٹ، آئسکریم شاپ وغیرہ پر آرڈر دے تو فوری طور پر تصدیق کے بغیر ہرگز اعتماد نہ کیا جائے۔
مفتی ابراہیم کے مطابق گزشتہ روز ایک افسوسناک واقعہ پیش آیا، جس میں ایک آئسکریم دکاندار کو اُن کے نام پر جعلی آرڈر دے کر مالی نقصان پہنچایا گیا۔
انہوں نے عوام، تاجروں اور دکانداروں سے اپیل کی ہے کہ اس قسم کی کسی بھی سرگرمی کی صورت میں فوری طور پر اُن سے براہِ راست رابطہ کریں یا قریبی پولیس کو اطلاع دیں تاکہ جعلسازی میں ملوث عناصر کے خلاف کارروائی عمل میں لائی جا سکے۔
انہوں نے مزید کہا کہ ایسے عناصر نہ صرف لوگوں کو دھوکہ دے رہے ہیں بلکہ معاشرے میں بداعتمادی کو بھی فروغ دے رہے ہیں، جن کے خلاف مشترکہ اقدامات ناگزیر ہیں۔
مفتی صاحب نے اپنی طرف سے نقد پیسے بھی دیے ۔
