08/06/2026
سگریٹ چوری کا الزام، بچے کو رسیوں سے باندھ کر تشدد
بچہ دو گھنٹے تک ہاتھ پاؤں بندھے بے بسی کی تصویر بنا چیختا اور مدد کی فریاد کرتا رہا۔
جہانیاں: انسانیت کو جھنجھوڑ دینے والا ایک افسوسناک واقعہ سامنے آیا ہے، جہاں محض سگریٹ چوری کے الزام پر ایک 10 سالہ معصوم بچے کو مبینہ طور پر رسیوں سے باندھ کر تشدد کا نشانہ بنایا گیا۔
اطلاعات کے مطابق اللہ داد بازار میں کمسن بچہ تقریباً دو گھنٹے تک ہاتھ پاؤں بندھے بے بسی کی تصویر بنا مدد کے لیے پکارتا رہا، مگر اردگرد موجود افراد میں سے کوئی اس کی مدد کے لیے آگے نہ بڑھا۔ آخرکار ایک راہگیر کی اطلاع پر پولیس موقع پر پہنچی اور بچے کو بازیاب کروایا۔
معصوم بچے کی بے بسی کی ویڈیو سوشل میڈیا پر وائرل ہونے کے بعد شہریوں میں شدید غم و غصہ پایا جا رہا ہے۔ پولیس نے کارروائی کرتے ہوئے دو ملزمان کو گرفتار کر لیا ہے۔
اگر واقعہ حقیقت پر مبنی ہے تو یہ صرف ایک بچے کے ساتھ ظلم نہیں بلکہ ہماری اجتماعی بے حسی پر بھی ایک بڑا سوالیہ نشان ہے۔
Voice Of Umer Kot
