Himalya Digital

01/06/2026

حکومت گلگت بلتستان
ازدفترمیڈیکل سپرنٹنڈنٹ،گلگت کارڈیک ہسپتال
گلگت بلتستان

پریس ریلیز
گلگت کارڈیک ہسپتال میں جدید ترین کیتھ لیب کا افتتاح، یکم جون 2026 سے انجیوگرافی سروسز کا باقاعدہ آغاز

گلگت، 31 مئی 2026: گلگت بلتستان میں امراضِ قلب کے علاج کے شعبے میں ایک تاریخی پیش رفت کے طور پر گلگت کارڈیک ہسپتال میں جدید ترین کیتھ لیب کا باقاعدہ افتتاح یکم جون 2026 سے کیا جا رہا ہے۔ حکومتِ پنجاب کی جانب سے فراہم کردہ اس جدید سہولت کے فعال ہونے سے گلگت بلتستان کے عوام کو پہلی مرتبہ اپنے علاقے میں انجیوگرافی جیسی اہم تشخیصی اور علاجی خدمات دستیاب ہوں گی، جس سے مریضوں کو علاج کے لیے ملک کے دیگر شہروں کا رخ کرنے کی ضرورت میں نمایاں کمی آئے گی۔
سیکرٹری صحت گلگت بلتستان آصف اللہ خان نے اس موقع پر کہا کہ کیتھ لیب کا قیام خطے میں امراضِ قلب کے علاج کے لیے خود انحصاری کی جانب ایک اہم سنگِ میل ہے۔ انہوں نے کہا کہ جدید ڈیجیٹل امیجنگ اور انٹروینشنل ٹیکنالوجی سے آراستہ یہ سہولت خطے کے عوام کو معیاری اور بروقت طبی خدمات کی فراہمی میں کلیدی کردار ادا کرے گی۔
واضح رہے کہ گلگت کارڈیک ہسپتال میں او پی ڈی اور تشخیصی خدمات کا آغاز 23 ستمبر 2023 کو کیا گیا تھا، جہاں سی ٹی انجیوگرافی، ریڈیو فلوروسکوپی، ای سی جی اور ایکو سمیت متعدد جدید تشخیصی سہولیات فراہم کی جا رہی ہیں۔ کے تحت کیتھ لیب کے فعال ہونے سے انجیوگرافی سمیت مختلف انٹروینشنل کارڈیالوجی خدمات چوبیس گھنٹے ایمرجنسی کوریج کے ساتھ منصوبے کے فیز-III میں، پلاننگ کمیشن اسلام آباد سے پی سی-I کی منظوری کے بعد کارڈیک سرجری کی خدمات کا بھی آغاز کیا جائے گا، جس سے امراضِ قلب کے مکمل علاج کی سہولیات ایک ہی چھت تلے فراہم کی جا سکیں گی۔
اس موقع پر میڈیکل سپرنٹنڈنٹ گلگت کارڈیک ہسپتال ڈاکٹر سید سرتاج حسین رضوی نے سیکریٹری صحت گلگت بلتستان جناب آصف اللہ خان کی خصوصی سرپرستی، رہنمائی اور مسلسل تعاون پر ان کا شکریہ ادا کیا۔ انہوں نے منصوبے کے پراجیکٹ ڈائریکٹر انجینئر کفایت کی انتھک محنت، پیشہ ورانہ صلاحیتوں اور بھرپور تعاون کو بھی خراجِ تحسین پیش کرتے ہوئے کہا کہ ان کی کاوشوں کے باعث منصوبہ کامیابی سے تکمیل کے مراحل طے کر سکا۔
ڈاکٹر سید سرتاج حسین رضوی نے اس عزم کا اظہار کیا کہ فیز-II کے فعال ہونے کے بعد گلگت کارڈیک ہسپتال گلگت بلتستان اور ملحقہ علاقوں کے عوام کے لیے امراضِ قلب کے علاج کا ایک مرکزی اور جدید طبی مرکز بن کر ابھرے گا، جس سے خطے میں صحت کی سہولیات کے معیار میں مزید بہتری آئے گی۔

میڈیکل سپرنٹنڈنٹ
گلگت کارڈیک ہسپتال، گلگت

31/05/2026

*الیکشن کمیشن گلگت بلتستان*
*پریس ریلیز بابت پریس کانفرنس*
*31 مئی 2026*

گلگت
چیف الیکشن کمشنر گلگت بلتستان راجہ شہباز خان نے پریس کانفرنس کرتے ہوئے کہا ہے کہ عام انتخابات کے انعقاد کے دوران انتخابی ضابطۂ اخلاق پر سختی سے عملدرآمد یقینی بنایا جا رہا ہے اور اس کی خلاف ورزی کسی صورت برداشت نہیں کی جائے گی۔اس موقع پر پرووینشل الیکشن کمشنر عابد رضا بھی ہمراہ تھے۔
چیف الیکشن کمشنر گلگت بلتستان راجہ شہباز خان نے کہا کہ انتخابی عمل کو سبوتاژ کرنے، امن و امان کی صورتحال خراب کرنے یا اشتعال انگیزی پھیلانے کی کسی بھی کوشش کے خلاف قانون کے مطابق بلاامتیاز کارروائی کی جائے گی۔گلگت میں میڈیا نمائندوں کو بریفنگ دیتے ہوئے چیف الیکشن کمشنر راجہ شہباز خان نے کہا کہ الیکشن کمیشن کا بنیادی مقصد صاف، شفاف، غیر جانبدار اور پرامن انتخابات کا انعقاد ہے تاکہ ووٹرز آزادانہ ماحول میں اپنا حقِ رائے دہی استعمال کر سکیں۔ اس مقصد کے حصول کے لیے موثر مانیٹرنگ نظام پہلے ہی نافذ کیا جا چکا ہے جبکہ مانیٹرنگ افسران کو مکمل اختیارات تفویض کیے گئے ہیں تاکہ وہ ضابطۂ اخلاق کی خلاف ورزیوں پر فوری کارروائی کر سکیں۔انہوں نے کہا کہ بعض عناصر کی جانب سے سوشل میڈیا اور دیگر ذرائع سے انتخابی ماحول کو متاثر کرنے اور انتشار پھیلانے کی کوششیں کی جا رہی ہیں، جو انتخابی ضابطۂ اخلاق اور تعزیرات پاکستان کی صریح خلاف ورزی ہیں۔ ایسے اقدامات میں ملوث افراد کے خلاف قانون کے مطابق کارروائی عمل میں لائی جائے گی۔
چیف الیکشن کمشنر نے مزید بتایا کہ حالیہ دنوں میں بعض سیاسی شخصیات اور وفاقی وزراء کو انتخابی ضابطہ اخلاق کی خلاف ورزیوں کے حوالے سے مانیٹرنگ افسران کی جانب سے نوٹسز جاری کیے گئے ہیں۔ انہوں نے واضح کیا کہ کسی بھی امیدوار یا سیاسی جماعت کے ساتھ امتیازی سلوک نہیں برتا جائے گا اور قانون کا اطلاق سب پر یکساں ہوگا۔
اایک سوال کے جواب میں راجہ شہباز خان نے کہا کہ وفاقی وزیر برائے امور کشمیر و گلگت بلتستان نے اپنے دورہ گلگت بلتستان کے لیے باقاعدہ این او سی حاصل کیا ہے اور ان کی تمام سرگرمیاں مروجہ قوانین اور قواعد و ضوابط کے مطابق انجام دی جا رہی ہیں۔ انہوں نے مزید کہا کہ وفاق یا دیگر صوبوں سے آنے والی ہر شخصیت کے لیے قانونی تقاضوں کی تکمیل اور پیشگی اجازت حاصل کرنا لازمی ہے۔
انہوں نے واضح کیا کہ انتخابی مہم کے دوران کسی امیدوار کو جلوس، ہنگامہ آرائی یا امن عامہ کو متاثر کرنے والی سرگرمیوں کی اجازت نہیں دی جائے گی۔ اگر کوئی امیدوار یا سیاسی کارکن ضابطۂ اخلاق کی خلاف ورزی کا مرتکب پایا گیا تو اس کے خلاف سخت قانونی کارروائی عمل میں لائی جائے گی، جس میں نااہلی سمیت دیگر قانونی اقدامات بھی شامل ہو سکتے ہیں۔
چیف الیکشن کمشنر نے مزید کہا کہ الیکشن کمیشن گلگت بلتستان انتخابات کے شفاف، منصفانہ اور پرامن انعقاد کے لیے تمام دستیاب وسائل بروئے کار لا رہا ہے اور انتخابی عمل کی ساکھ کو نقصان پہنچانے کی کسی بھی کوشش کو کامیاب نہیں ہونے دیا جائے گا۔

*جاری کردہ*
*شعبہ تعلقات عامہ*
*الیکشن کمیشن سیکریٹریٹ، گلگت بلتستان*

31/05/2026

گلگت: معیز کمال سوشل ورکر حلقہ نمبر 2 کے اپنے اسماعیلی کمیونٹی کو خصوصی ویڈیو پیغام

15/05/2026

Congratulations

13/05/2026

01/05/2026

*گلگت : نگران وزیر اعلیٰ گلگت بلتستان کی معرکہ حق آپریشن بنیان المرصوص میں شہید ہونے والے لانس نائیک وجاہت علی کے اہلخانہ سے ملاقات* نگران وزیر اعلیٰ گلگت بلتستان جسٹس (ر) یار محمد اور صوبائی وزراء بگروٹ بلچی میں شہید لانس نائیک وجاہت علی کے گھر گئے جہاں اہلِ خانہ سے ملاقات کر کے شہید کو خراجِ عقیدت پیش کیا۔ نگران وزیر اعلیٰ نے شہید کے بچوں سے خصوصی ملاقات کی اور خاندان کو ہر ممکن تعاون کی یقین دہانی کرواتے ہوئے شہادت کو قومی فخر قرار دیا۔ اس موقع پر نگران وزیر اعلیٰ نے کہا کہ اس ملک کے ہر گھر میں وجاہت جیسے بہادر سپوت موجود ہیں اور انہی کی بدولت پاکستان ہمیشہ قائم و دائم رہے گا جبکہ افواجِ پاکستان ہر محاذ پر ملک کا دفاع کر رہی ہیں۔ انہوں نے کہا کہ گلگت بلتستان شہداء کی سرزمین ہے اور معرکۂ حق کی کامیابی کو ہر سال منایا جائے گا جبکہ دشمن کو ہر محاذ پر شکست کا سامنا ہے۔ اس موقع پر شہید کے بھائی نے کہا کہ ہمیں اپنے بھائی کی شہادت پر فخر ہے اور ہم اس عظیم قربانی کو اعزاز سمجھتے ہیں جبکہ وطن کے دفاع کے لیے مزید قربانیوں کے لیے بھی ہر وقت تیار ہیں۔

01/05/2026

01/05/2026

گلگت۔ نگران وزیر اعلیٰ گلگت بلتستان جسٹس (ر) یار محمد اور نگران صوبائی وزراء بگروٹ بلچی میں معرکہ حق کے دوران شہید ہونے والے لانس نائیک وجاہت علی کے آبائی گھر گئے۔ جہاں پر شہید کے بچوں اور لواحقین سے ملاقات کی اور شہید کو شاندار الفاظ میں خراج عقیدت کیا۔ نگران وزیر اعلیٰ نے شہید وجات علی کے بچوں سے خصوصی ملاقات کی اور شہید کے خاندان کوہر قسم کے تعاون کایقین دلایا۔ شہید وجاہت علی کشمیر کے محاذ سے واپسی پر 25 مئی 2025ء کو شہادت کے عظیم رتبے پر فائز ہوئے تھے۔ نگران وزیر اعلیٰ نے اس موقع پر گفتگو کرتے ہوئے کہا کہ گلگت بلتستان شہداء کی سرزمین ہے۔ معرکہ حق کی شاندار کامیابی کو ہر سال بھرپور انداز میں منایا جائے گا۔ افواج پاکستان اور شہداء کی قربانیوں کی وجہ سے ہم اپنے گھروں میں سکون سے بیٹھے ہوئے ہیں۔ نگران وزیر اعلیٰ نے کہاکہ بھارت کو معرکہ حق کے دوران ہمارے بہادر افواج نے جس طرح شکست دی اس پر پوری قوم کو اپنے بہادر افواج پر فخر ہے۔ بھارت کو آج سفارتی محاذ سمیت تمام محاذوں پر ذلت کا سامنا کرنا پڑ رہا ہے۔ ہمیں اتحاد و اتفاق کو برقرار رکھتے ہوئے اپنے اداروں کی عزت کرنی چاہئے۔ ہمارے دشمن کی سازش ہے کہ عوام اور اداروں کے مابین فاصلے پیدا کرے جس میں وہ ہمیشہ سے ناکام رہا ہے۔ نگران وزیر اعلیٰ نے کہاکہ مئی 2025ء کے آغاز میں پیش آنے والے حالات و واقعات میں پاکستان نے اپنی خودمختاری، سالمیت اور قومی وقار کا بھرپور دفاع کیا۔ معرکہ حق میں پاک فوج نے دلیری اور پیشہ ورانہ مہارت کے ساتھ اذلی دشمن بھارت کے ناپاک عزائم خاک میں ملایا۔ اس معرکے میں کامیابی کے بعد پاکستان کا عالمی سطح پر وقار بلند ہوا، اور دنیا نے دیکھا کہ کس طرح ہماری فضائی، بری اور بحری افواج نے بہادری، مہارت اور جدید ٹیکنالوجی کو بروئے کار لاتے ہوئے اپنے سے بڑے دشمن کو موثر جواب دیا۔اس معرکے میں بنیان المرصوص ایک نمایاں سنگِ میل کے طور پر سامنے آیا، جس نے نہ صرف دشمن کو واضح پیغام دیا بلکہ پوری قوم کے حوصلے بھی بلند کیے۔ اس معرکے کی کامیابی قومی اتحاد اور افواجِ پاکستان کے ساتھ عوام کی بھرپور یکجہتی کا نتیجہ تھی۔ پاکستان کے عوام نے اس موقع پر جس اتحاد، اتفاق اور یکجہتی کا مظاہرہ کیا، وہ قابل ستائش ہے۔ہمیں اس بات پر فخر ہے کہ گلگت بلتستان کے محب وطن عوام نے ہمیشہ پاکستان کی سرحدوں کے تحفظ کے لیے اپنی جانوں کا نذرانہ پیش کیا ہے۔

01/05/2026

گلگت (پریس ریلیز) – گلگت بلتستان نیوز پیپرز سوسائٹی کے سالانہ انتخابات میں پروگریسو پینل بلا مقابلہ کامیاب قرار پایا، جبکہ مد مقابل ڈیموکریٹک پینل انتخابی دوڑ سے باہر ہو گیا۔ یوں صحافتی برادری کے اس اہم پلیٹ فارم پر پروگریسو پینل کو بھرپور اعتماد کے ساتھ قیادت سونپ دی گئی۔
انتخابات کے نتیجے میں طارق حسین شاہ صدر، امتیاز گلاب بگورو جنرل سیکریٹری، منظور حسین شاہ نائب صدر، ثاقب عمر سیکریٹری اطلاعات، جبکہ محمد جمیل فنانس سیکریٹری منتخب ہوئے۔ چیف الیکشن کمشنر احمد ندیم خان نے باضابطہ طور پر نو منتخب عہدیداران کا نوٹیفکیشن جاری کر دیا، جس کے بعد ان کی کامیابی کا باقاعدہ اعلان کر دیا گیا۔
اس موقع پر شہر کے ایک نجی ہوٹل میں پروقار تقریب کا انعقاد کیا گیا، جس میں صحافتی برادری کے اراکین، سینئر صحافیوں اور مختلف شعبہ ہائے زندگی سے تعلق رکھنے والے افراد نے شرکت کی۔ تقریب کے دوران نو منتخب عہدیداران کو پھولوں کے ہار پہنائے گئے اور ان کے لیے نیک تمناؤں کا اظہار کیا گیا۔
تقریب سے خطاب کرتے ہوئے نو منتخب عہدیداران نے عزم کیا کہ وہ صحافیوں کے حقوق کے تحفظ، پیشہ ورانہ معیار کی بہتری اور آزادی صحافت کے فروغ کے لیے بھرپور کردار ادا کریں گے۔ ان کا کہنا تھا کہ سوسائٹی کو ایک مضبوط اور فعال ادارہ بنانے کے لیے تمام اراکین کو ساتھ لے کر چلیں گے تاکہ صحافتی برادری کے مسائل مؤثر انداز میں حل کیے جا سکیں۔
نو منتخب صدر طارق حسین شاہ نے اپنے خطاب میں کہا کہ اداروں کو مضبوط بنانے کے لیے باہمی اختلافات کا خاتمہ ناگزیر ہے۔ انہوں نے زور دیا کہ افہام و تفہیم کے ساتھ مل کر کام کرنے کی ضرورت ہے تاکہ نہ صرف صحافیوں بلکہ گلگت بلتستان کے میڈیا ہاؤسز کو درپیش مسائل بھی حل کیے جا سکیں۔ ان کے مطابق صحافیوں کی فلاح و بہبود ان کی اولین ترجیح ہوگی اور پوری کابینہ مل کر پریس کلب گلگت، یونین آف جرنلسٹس اور گلگت بلتستان یونین آف جرنلسٹس سمیت تمام متعلقہ اداروں کے ساتھ تعاون کو فروغ دے گی تاکہ ادارے مضبوط ہوں اور ان سے وابستہ صحافی برادری کے مسائل مؤثر انداز میں حل کیے جا سکیں۔
اس موقع پر طارق حسین شاہ نے کہا"ملک پاکستان کی نظریاتی سرحدوں کی حفاظت اور فیفتھ جنریشن وار فئر (فرنٹ لائن وارفیئر) کے لیے ہمارے اخبارات میں بھرپور کوریج دی جائے گی۔ ہم سرحدوں کی حفاظت کے لیے پاک فوج کے شانہ بشانہ کھڑے ہیں۔ جہاں فوجی بارڈروں پر تعینات ہیں، وہاں ہم نظریاتی سرحدوں کی حفاظت کے لیے تمام میڈیا کے پلیٹ فارمز پرنٹ میڈیا ڈیجیٹل میڈیا اور الیکٹرونک میڈیا سمیت قلم کا ہر قطرہ، اور ہر صحافی کا ہر خیال ایک سپاہی کی حیثیت رکھتا ہے جو دشمن کی ذہنی جارحیت کو ناکام بناتا ہے۔ ہمارے ادارے ہی ہماری طاقت ہیں، اور ملک پاکستان کی ترقی اور خوشحالی کے لیے سب کو مل کر کام کرنا ہے۔"
جاری کردہ:
سیکریٹری اطلاعات
ثاقب عمر

01/05/2026

گلگت: فوڈ ایکٹ 2022 کے تحت محکمہ خوراک کی کارروائی؛ جرمانے اور رجسٹریشن کا عمل تیز
گلگت (نمائندہ خصوصی): سیکرٹری فوڈ گلگت بلتستان، جناب محمد اعظم کی خصوصی ہدایات کی روشنی میں ڈسٹرکٹ فوڈ کنٹرولر (DFC) تسنم کوثر کی سربراہی میں محکمہ خوراک کی ٹیم نے ضلع بھر میں فوڈ ایکٹ 2022 کے نفاذ کے لیے بھرپور مہم کا آغاز کر دیا ہے۔ اس سلسلے میں فوڈ انسپکٹرز تنویر حسین، ملک رازق حسین، کاظم میر، قمر عباس، عدنان احمد اور راجہ امجد پر مشتمل ٹیم نے گلگت شہر، سب ڈویژن دنیور اور جگلوٹ کے مختلف علاقوں میں قائم بیکرز، فیکٹریوں اور ہوٹلوں کا تفصیلی معائنہ کیا۔
دورانِ معائنہ حفظانِ صحت کے اصولوں کی خلاف ورزی اور ایس او پیز (SOPs) پر عملدرآمد نہ کرنے والی ایک بیکری کے خلاف فوری قانونی کارروائی کرتے ہوئے اسے 20 ہزار روپے جرمانہ عائد کیا گیا۔ حکام نے واضح کیا کہ معیار پر کسی قسم کا سمجھوتہ نہیں کیا جائے گا اور خلاف ورزی کرنے والوں کے خلاف سخت ایکشن لیا جائے گا۔
اسی مہم کے تسلسل میں فوڈ ایکٹ 2022 کے تحت تمام چھوٹے بڑے کاروباری مراکز کو قانونی دائرہ کار میں لانے کے لیے رجسٹریشن کا عمل بھی تیزی سے جاری ہے۔ آج کی کارروائی کے دوران دنیور، جگلوٹ اور گلگت میں مختلف نئے کاروباروں کی رجسٹریشن کی گئی تاکہ اشیاء خوردونوش کی تیاری سے فروخت تک کے تمام مراحل کی موثر مانیٹرنگ کی جا سکے۔ ڈی ایف سی تسنم کوثر کا کہنا تھا کہ اس مہم کا مقصد عوام کو صاف ستھری اور معیاری خوراک کی فراہمی یقینی بنانا ہے