28/12/2025
ریسکیوکی گاڑی میں بچہ کی پیدائش
ریسکیو کمانڈ اینڈ کنٹرول روم میں گاؤں ننگل جمشید سے ایک ایمرجنسی ڈیلیوری کیس کی کال موصول ہوئی۔ کال موصول ہوتے ہی ریسکیو اسٹیشن نارووال سے ایمبولینس کو فوری طور پر موو کروا دیا گیا۔ ریسکیو عملے نے موقع پر پہنچ کر مریضہ کو رسیو کیا، وائٹل سائنز چیک کیے اور انہیں مزید علاج کے لیے ڈی ایچ کیو ہسپتال نارووال شفٹ کرنے کے لیے روانہ ہو گئے۔
راستے میں جب ایمبولینس گاؤں جاجن والا کے قریب پہنچی تو مریضہ کی حالت اچانک زیادہ خراب ہو گئی۔ اس نازک صورتحال میں ریسکیو 1122 کے ایمرجنسی میڈیکل ٹیکنیشن نے اپنی پیشہ ورانہ مہارت کا مظاہرہ کرتے ہوئے ایمبولینس کے اندر ہی کامیابی کے ساتھ نارمل ڈیلیوری کروا دی۔
ڈیلیوری کے بعد ماں اور نومولود بچے دونوں کی حالت تسلی بخش پائی گئی۔ ابتدائی طبی امداد فراہم کرنے کے بعد ماں اور بچے کو مزید چیک اپ اور طبی نگرانی کے لیے ڈی ایچ کیو ہسپتال نارووال منتقل کر دیا گیا۔اس موقع پر گھر والوں نے ریسکیو جوانوں کی کارکردگی کو بہت زیادہ سراہا اور ان کا شکریہ ادا کیا۔
مریضہ گلناز بی بی زوجہ محسن رضا عمر 27 سال کا تعلق گاؤں ننگل جمشید سے ہے۔
ڈسٹرکٹ ایمرجنسی آفیسر انجینیئر اورنگزیب نے کہا کہ ریسکیو 1122 کی بروقت کارروائی اور عملے کی پیشہ ورانہ صلاحیت کی بدولت ایک اور قیمتی جان کو محفوظ بنایا گیا۔کسی بھی ایمرجنسی کی صورت میں فورا 1122 ڈائل کریں تاکہ قریبی ریسکیو ٹیم آپ تک پہنچ سکے۔
حرمت علی میڈیا کوآرڈینیٹر ریسکیو نارون
