26/05/2026
سنجاوی: صوبائی وزیر خوراک و چیئرمین فوڈ اتھارٹی حاجی نور محمد خان دمڑ کی جانب سے تحصیل شاہرگ، ضلع ہرنائی کے چونگی روڈ پر پیش آنے والے افسوسناک واقعے کی شدید الفاظ میں مذمت
انہوں نے کہا ہے کہ نامعلوم افراد کی فائرنگ کا یہ واقعہ انتہائی قابلِ افسوس، دردناک اور بزدلانہ عمل ہے، جس کی جتنی بھی مذمت کی جائے کم ہے۔ ایسے واقعات علاقے کے امن و امان کو خراب کرنے کی سازش ہیں جنہیں کسی صورت برداشت نہیں کیا جا سکتا۔
صوبائی وزیر نے شہداء کے درجات کی بلندی اور زخمیوں کی جلد صحتیابی کے لیے دعا کرتے ہوئے کہا کہ اللہ تعالیٰ متاثرہ خاندانوں کو صبر جمیل عطا فرمائے اور وہ اس مشکل گھڑی میں ان کے غم میں برابر کے شریک ہیں۔ انہوں نے کہا کہ حکومت متاثرہ خاندانوں کو تنہا نہیں چھوڑے گی۔
انہوں نے مزید کہا کہ سکیورٹی فورسز اور پولیس کو اس واقعے کی فوری، شفاف اور ہر پہلو سے تحقیقات کرنی چاہئیں اور ملوث عناصر کو جلد از جلد گرفتار کر کے قانون کے کٹہرے میں لایا جائے تاکہ انہیں قرار واقعی سزا دی جا سکے۔ انہوں نے واضح کیا کہ امن و امان کی صورتحال کو خراب کرنے والوں کے خلاف سخت کارروائی کی جائے گی اور کسی کو بھی علاقے کے امن سے کھیلنے کی اجازت نہیں دی جائے گی۔
صوبائی وزیر نے اس عزم کا اظہار کیا کہ صوبائی حکومت، سکیورٹی فورسز اور پولیس کے ساتھ مل کر علاقے میں پائیدار امن کے قیام کے لیے تمام ممکنہ اقدامات جاری رکھے گی۔
اللہ رب العزت ہم سب پر اپنا فضل و کرم فرمائے۔
