Tareq Al Derawi

Tareq Al Derawi Contact information, map and directions, contact form, opening hours, services, ratings, photos, videos and announcements from Tareq Al Derawi, Advertising/Marketing, فلسطين, Gaza.

البوست السادس ..الأباوت الـ CTA هو اللي بيجيب عملاءنهاية الـ About — الـ CTA.هان كثير ناس بيتوقفوا وما يكملوا وهاد خط...
18/05/2026


البوست السادس ..
الأباوت الـ CTA هو اللي بيجيب عملاء

نهاية الـ About — الـ CTA.

هان كثير ناس بيتوقفوا وما يكملوا وهاد خطأ بيكلفهم عملاء!

في نهاية الأبوت لازم يكون في خطوة وحدة واضحة للعميل:

◀ ابعتلي رسالة مباشرة نحكي
◀ تواصل معي على الواتساب: [رقمك]
◀ بوكّيس كول مجاني من هون: [رابط]

خليها سهلة.
الزبون ما رح يدور عليك أنت اللي لازم توريه الطريق.


بوست السابع ..

الـ Featured — واجهة عرضك

الـ Featured Section — واجهة عرض مجانية.

هاد القسم بيظهر تحت الأبوت مباشرة — وكثير ناس ما يعرفوا قيمته.

شو تحط فيه؟
◀ بوست ناجح كتبته
◀ شهادة من عميل راضي
◀ مقال أو نتيجة شغلك
◀ رابط واتساب أو كالنديلي مباشر

هاد أول إشي الزبون بيضغط عليه.
لا تخليه فاضي أو فيه إشي قديم من 3 سنين.

وإذا حابب تعرف أكتر ابعتلي على الواتساب وببعتلك الدليل العملي
https://wa.me//+972567503390

ويلا سلامات، بس حبيت أحكيلكم أنه أنه بدون CTA واضح العميل بيمشي وما بيرجع و الـ Featured القوي بيحوّل الزوار لمتواصلين👋😉🌹

الأباوت الهيكل الصحبعد الهوك شو تكتب؟3 أجزاء بس:1️⃣ المشكلة — وين بيتألم جمهورك؟2️⃣ حلك — شو اللي بتقدمه بالضبط؟3️⃣ ...
14/05/2026



الأباوت الهيكل الصح

بعد الهوك شو تكتب؟

3 أجزاء بس:
1️⃣ المشكلة — وين بيتألم جمهورك؟
2️⃣ حلك — شو اللي بتقدمه بالضبط؟
3️⃣ الدليل — نتيجة وحدة حققتها مع عميل

مش لازم يكون طويل بكفي 4-6 أسطر وبتخلص.

الناس ما بتقرأ الكتب على اللينكدإن.
بتمسح بعيونها فاجعل كل كلمة تستاهل.

وإذا حابب تعرف أكتر ابعتلي على الواتساب وببعتلك الدليل العملي https://lnkd.in/dc_DbiNx

ويلا سلامات بس حبيت أحكيلكم أنه الأبوت المكتوب صح هو أقوى إعلان مجاني عندك👋😉🌹

الهيدلاين السطر اللي بيبيع90% من الناس بيكتبوا في هيدلاينهم:"مدير تسويق | خبير مبيعات | فريلانسر"وهاد غلط كلياً.الهيدلا...
12/05/2026



الهيدلاين السطر اللي بيبيع

90% من الناس بيكتبوا في هيدلاينهم:
"مدير تسويق | خبير مبيعات | فريلانسر"

وهاد غلط كلياً.

الهيدلاين مش عنوان وظيفتك
هو إجابة على سؤال الزبون: شو هاد الشخص رح يعمل إلي؟

الفرق:
❌ مصمم جرافيك
✅ بساعد الشركات الصغيرة تبدو احترافية بتصاميم تجيب عملاء

شايف الفرق؟

وإذا حابب تعرف أكتر ابعتلي على الواتساب وببعتلك الدليل العملي https://wa.me//+972567503390

ويلا سلامات، بس حبيت أحكيلكم أنه الهيدلاين الضعيف بيخليك تتلاشى وسط الألاف 👋😉🌹

الصورة الشخصية هي أول انطباعالصورة الشخصية أول إشي الزبون بيشوفه قبل ما يقرأ كلمة وحدة.مو لازم فوتوغرافر محترف بس في 3...
11/05/2026



الصورة الشخصية هي أول انطباع

الصورة الشخصية أول إشي الزبون بيشوفه قبل ما يقرأ كلمة وحدة.

مو لازم فوتوغرافر محترف بس في 3 أشياء أساسية:

◀ وجهك واضح ومضاء كويس

◀ خلفية نظيفة أو بلون وحيد

◀ ابتسامة طبيعية — مو تصويرة جواز سفر

الصورة الاحترافية بترفع مشاهدات بروفايلك لـ 14 ضعف
هل هاد مش لحاله بكفي يخليك تغيرها هلئ؟

و الغلاف الإشي اللي معظم الناس بيتركوه فاضي.

هاد المساحة الإعلانية المجانية الأجمل على اللينكدإن وأنت ما عم تستخدمها

شو تحط فيها؟
◀ خدمتك الأساسية بجملة وحدة

◀ قيمتك اللي بتقدمها

◀ طريقة التواصل معك

الأدوات؟ كانفا — مجاني — 10 دقائق — وبتخلص.

ما في عذر تبقى بدون غلاف يشتغل إلك.

وإذا حابب تعرف أكتر ابعتلي على الواتساب وببعتلك الدليل العملي https://lnkd.in/dc_DbiNx

ويلا سلامات، بس حبيت أحكيلكم أنه الصورة الغلط والغلاف بسكروا أبواب قبل ما تفتحها👋🌹😉

في ناس بتضيع عليها فرص كل يوم، والسبب طبيعي جدا لأنه بروفايل ما حدا بحكيله وين الدنيا مخداك او بيوقف عندهمش لأنهم مش شاط...
09/05/2026

في ناس بتضيع عليها فرص كل يوم، والسبب طبيعي جدا
لأنه بروفايل ما حدا بحكيله وين الدنيا مخداك او بيوقف عنده

مش لأنهم مش شاطرين أو مش محترفين بس لأنه
بروفايلهم ما عم يعكس هاد الاحتراف أبدا

وهاد بالضبط اللي خلاني أقرر أطلق شهر كامل:
سلسلة (أبني حسابك على اللينكدأن بنفسك)

و كل يوم رح أنزل بوست واحد عملي، خفيف خطوة
بتقدروا تتطبقها بنفس اليوم على بروفايلك.

هنعمل مع بعض خطوة بخطوة على:

◀ الصورة والغلاف — أول انطباع بيبيع قبل ما تكتب أي كلمة.

◀ الهيدلاين — السطر اللي يا بيخلّي الناس توقف، يا بتمرّ عنه مرور الكرام.

◀ قسم الـ About — اللي بيحول الزائر لعميل أو فرصة حقيقية.

◀ المحتوى والبراند الشخصي.

◀ استراتيجية التواصل اللي بتفتحلك أبواب مسكرة.

وعشان تكتمل الصورة وما تنقصك أي معلومة، جهّزتلك دليل عملي شامل بتقدر تنزله مجاناً فقط أبعتلي على الواتسأب

https://lnkd.in/dc_DbiNx

ويلا سلامات بس حبيت أحكيلكم أنه فرصتك الجاية ممكن تكون واقفة على تعديل بسيط ببروفايلك👋🌹😉

عارف شو الرابط العجيب بين تغميسة القرشلة بالنسكافيهوبين بناء بروفايلك على لينكدإن؟​تغميسة القرشلة بدها "توقيت صح" لو است...
08/05/2026

عارف شو الرابط العجيب بين تغميسة القرشلة بالنسكافيه
وبين بناء بروفايلك على لينكدإن؟

​تغميسة القرشلة بدها "توقيت صح" لو استعجلت بتطلع قاسية، ولو طولت بتفرط بالكاسة وبتروح عليك!

​وبروفايلك على لينكدإن نفس الإشي بالزبط، عشان ينبنى صح:
1️⃣ بده استراتيجية
2️⃣ محتوى بروفايل صح (عنوان، نبذة، وخبرات)
3️⃣ تهيئة تجيبلك عملاء
4️⃣ ترتيب مدروس عشان حسابك يثبت
5️⃣ تمييز لبروفايلك بين آلاف الحسابات

​وحتى تكسبوا هدول الـ 5 عناصر لازم تكونوا جاهزين للتعب!
​وعشان أساعدكم تتعبوا (عن فهم 😉)، وأقدر أفيدكم بأكبر قدر ممكن وأعطي فرصة لكل حد حابب يبدأ على اللينكدإن بشكل صحيح..

​فقررت أشارككم هادا الدليل الكامل لبناء بروفايل احترافي على لينكدإن.

​دليل مجاني، حطيت فيه خلاصة الشغل والتجارب، خطوات عملية، وأسرار بتخلي بروفايلك مغناطيس للفرص والعملاء.

​ويلا سلامات.. بس حبيت أحكيلكم اكتبوا "دليل" بالتعليقات، وببعتلك إياه فوراً على الخاص لتستغلوا الويكند ببداية صح.
​صباحكم ومسائكم رواق وإنجاز، وويكند فخم زيكم 👋🌹😉👇

06/05/2026

شبكتك هي ثروتك... ابنيها قبل ما تحتاجها

​كم مرة سمعنا هالجملة؟
بس بصراحة، كم واحد فينا عن جد بيطبقها بحياته المهنية؟

​خلينا نكون واقعيين، أغلبنا ما بيتذكر يبني علاقات مهنية
ويتواصل مع الناس إلا لما يوقع بموقف صعب

لما يكون عم يدور على شغل جديد، أو محتاج استشارة ضرورية لمشروعه، أو بدو مساعدة لتخليص معاملة معينة.

​وهون بتصير المشكلة! لما تتواصل مع حدا فجأة بس لأنك محتاج منه خدمة، رح يبين عليك، والطرف التاني رح يحس إنو الموضوع مصلحة وبس.

العلاقات المبنيه على "الطلب وقت الحاجة" غالباً بتكون هشة وما بتطول.

​العلاقات المهنية متل النبتة 🌱 بدها اسقاية، اهتمام، ووقت لتكبر وتثمر.

ما فيك تزرع البزرة اليوم وتتوقع تاكل منها بكرة! الثقة والمصداقية بين الناس بتنبنى بالمواقف الصغيرة والتواصل المستمر، مو بمسج واحد عالسريع لما نكون مزنوقين.

​طيب، كيف فينا نبني هالشبكة ونقويها من اليوم، وبدون ما نكون مصلحجيين؟ 👇

1️⃣​ بادر بالخير وبدون مقابل: ساعد غيرك بمعلومة بتعرفها، شارك خبرتك، دل حدا على فرصة شغل، أو حتى ببساطة اترك تعليق داعم وإيجابي لزميلك على بوست نشره. العطاء هو أقوى أساس لأي علاقة.

2️⃣​ ابني جسور : على لينكدأن وتختفي! ابعت رسالة صغيرة ولطيفة للتعارف، احكي فيها ليش حبيت تتواصل مع هالشخص وشو الشي اللي لفتك ببروفايله.

3️⃣​ استثمر وقتك بالناس الصح: خصص وقت كل فترة لـ "فنجان قهوة" (حتى لو كان على زووم) مع أشخاص بتلهمك طريقة تفكيرهم بمجالك. اسألهم عن تجاربهم، واسمع منهم أكتر ما تحكي.

4️⃣​ خليك حاضر وموجود: انشر أفكارك، إنجازاتك، وحتى التحديات اللي بتواجهك. خلي الناس تعرف إنت مين، بشو بتفكر، وشو القيمة اللي بتقدمها. الوجود الدائم بيخليك أول شخص بيخطر عالبال لما تتوفر فرصة بتناسبك.

5️⃣​ بارك وشارك باللحظات الحلوة: فلان أخد ترقية؟ فلانة بدأت شغل جديد؟ لا تتردد إنك تباركلهم من قلبك.

فالتفاصيل الصغيرة بتترك أثر كبير بالنفوس.
​
ويلا سلامات بس حبيت أحكيلكم أنه المعارف والعلاقات الطيبة بتفتح بواب، مرات أقوى السير الذاتية (CVs) ما بتقدر تفتحها.

وشبكتك هي الدرع اللي بيحميك وقت الأزمات، والرافعة اللي بتسرّع نجاحك وقت الفرص.

​استثمر بعلاقاتك اليوم، لتكون سندك بكرة. 👋🌹😉🤝

03/05/2026

عمره حد عمل content عن النسكافيه🤔😍❤️💯

29/04/2026

القصص بتبيع أكتر من أي عرض مباشر وهاد رأي ومش رأي

​تخيل حالك عم تقلب بلينكدإن كم بوست بتشوفه مكتوب فيه "أنا بقدم خدمات كذا.. تواصل معي للحصول على العرض"؟

كتير صح؟
وكم واحد منهم فعلاً خلاك توقف وتقرأ للآخر؟ غالباً ولا واحد.

​السبب بسيط: الناس بتشتري من ناس بترتاح لمحتواهم وتتواصل معهم ذهنياً، مش من بياعين عم يرموا عروضهم بوجههم.

​وهان بيجي السحر: السرد القصصي
​لما تحكي قصة تحدي مريت فيه، أو كيف ساعدت عميل يطلع من مشكلة معقدة، أو حتى قصة فشل علمتك درس قاسي بمجالك.

أنت هون عم تعمل شغلتين من أهم استراتيجيات النمو:

​1️⃣ كسر النمط : عين القارئ متعودة على شكل الإعلانات والبوستات الجامدة، القصة بتكسر هاد الروتين المعتاد وبتجبره يوقف ويقرأ.

2️⃣ أنسنة علامتك الشخصية: بتبين للمتابع إنك إنسان حقيقي، عندك تجارب، وهاد اللي بيبني "الثقة" اللي هي أساس وعصب أي عملية بيع.

ويلا سلامات بس حبيت أحكيلكم أنه ​الخدمة اللي بتقدمها ممكن تتشابه مع ألف شخص غيرك بالسوق، بس قصتك، طريقتك، وتجربتك.. مستحيل حدا يقدر ينسخها.

ولا تبيع الخدمة؛ بيع القصة والتجربة اللي ورا الخدمة👋🌹😉

28/04/2026

قسم "نبذة عني" (About): مش متحف لطموحاتك، هاد مساحتك لتخلق تواصل حقيقي

بتفوت على بروفايل حدا، وأول جملة بتقرأها بالنبذة: "يتميز بخبرة تمتد لأكثر من ١٠ سنوات في مجالات متعددة وساهم في تحقيق نجاحات باهرة...

" لحظة شوي.. شو هاد؟ ويكيبيديا؟

بتحس إنك عم تقرأ عن شخصية تاريخية أو كأنك ماسك تقرير حكومي، مش بني آدم بدك تحكي معاه وتشتغل معاه!

فأول إحساس بيجيك كقارئ هو الجفاء.
هاد الشخص ما بيعرفني، ومبين إنه ما بهمه يعرفني.. هو بس همه يحكي عن حاله.

هان القصة كلها: النبذة اللي بتنكتب بصيغة الغائب بتخلق مسافة بينك وبين العميل المحتمل.

فالأغلبية بيفكروا إنو قسم الـ About هو المكان اللي بتعلق فيه شهاداتك وتنفخ فيه بحالك وتصف إنجازاتك أوتحقيق لأحلامه.

بس الحقيقة؟ العميل اللي فايت على بروفايلك ما بهمه إنت شو أكلت وشو شربت ووين درست بالبداية..
بهمه يعرف شغلة وحدة بس: "هاد الشخص كيف بيقدر يحللي مشكلتي؟"

لما تكتب "عمل، سوى، يتميز"، وكأنك عم تحكي عن حدا تاني، إنت عم تقتل أي فرصة لتبني ثقة.

فالعميل بيدور على حدا فاهم وجعه، حدا بيحكي لغته وقادر يكسر النمط الممل التقليدي.

و بدال ما ترص إنجازاتك وكأنك بتقدم لجهة رسمية، احكيله عن مشكلته هو.

✅ ليش إنت فاهم هاي المشكلة؟
✅ شو الوجع اللي هو عم بيمر فيه بشغله؟
✅ وكيف إنت، كمتخصص، رح تمسك إيده وتساعده يطلع منها؟
✅ ابدأ نبذتك بوجع العميل، مش بسيرتك.

فخليها بالأسلوب اللي إنت بتحكي فيه عنجد أسلوب عفوي، حقيقي، وقريب للقلب.
اكتب كأنك قاعد مع عميلك على نفس الطاولة وعم تشربوا قهوة وتتناقشوا بالبزنس، مش كأنك بتلقي عليه خطبة.

النبذة اللي بتربطك بعميلك المحتمل وتخليه يبعتلك رسالة، مش النبذة اللي بتعدد بطولاتك وأمجادك هي النبذة اللي بس يقرأها بيحكي بينه وبين حاله: "هاد الشخص بيقرأ أفكاري وفاهم وضعي بالضبط"

ويلا سلامات، بس حبيت أحكيلكم إياها عالماشي لأنو التواصل الإنساني هو اللي بيجيب الشغل، مش الحكي الروبوتي. 👋 😉 🌹

Address

فلسطين
Gaza

Website

Alerts

Be the first to know and let us send you an email when Tareq Al Derawi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category