04/03/2023
ബെൽസ് പാൾസി
ഇപ്പൊ ബെൽസ് പാൾസി സോഷ്യൽ മീഡിയകളിൽ വൈറൽ ആയതുകൊണ്ടും വിവിധ തരത്തിലുള്ള സംശയങ്ങളും ,ആശങ്കകളും വാട്സ്ആപ് യൂണിവേഴ്സിറ്റി ചികിത്സാ രീതികളും വരുന്നത് കൊണ്ടും , ഇത്തരം രോഗികളെ ചികിൽസിച്ച അനുഭവം ഉള്ളതുകൊണ്ടും ഇതൊന്നു വിശദമാക്കാം എന്ന് കരുതി ...
പത്തൊൻപതാം നൂറ്റാണ്ടിൽ സ്കോട്ടിഷ് സർജൻ അയിരുന്ന സർ ചാൾസ് ബെൽ ആയിരുന്നു മുഖത്തെ മസിലുകളെ താത്കാലികമായി ബാധിക്കുന്ന ബലക്കുറവിനെ - ഈ രോഗാവസ്ഥയെ കൃത്യമായി നിർവചിച്ചത് , അതിനു ശേഷമാണു ബെൽസ് പാൾസി എന്ന പേരിൽ ഈ രോഗം അറിയപ്പെട്ടു തുടങ്ങിയത് .
മനുഷ്യ ശരീരത്തിലെ ഏല്ലാ മസിലുകളെയും നിയന്ത്രിക്കുന്നത് നെർവുകൾ (nerves) എന്ന നമ്മുടെ ശരീരത്തിലെ നെറ്റ് വർക്കിംഗ് സിസ്റ്റം ആണ് .തലച്ചോറിൽ നിന്നും ശരീരത്തിന്റെ വിവിധ ഭാഗങ്ങളിലേക്ക് സന്ദേശം കൊടുക്കലും വാങ്ങലുമൊക്കെയാണ് ഈ നെർവ് എന്ന ഫൈബേർസ്ന്റെ കൂട്ടം ചെയ്യുന്നത് .
ബെൽസ് പാൾസി യിലേക്ക് വരുമ്പോൾ മുഖത്തിലെ, ഓരോ ചലനങ്ങളും,-കണ്ണടക്കുക ,തുറക്കുക ,ചവക്കുക ,ചിരിക്കുക തുടങ്ങി നെറ്റി ചുളിക്കുക എന്നിങ്ങനെയുള്ള ഓരോ കാര്യങ്ങളും ഓരോ മസിലിന്റെ ജോലിയാണ് , എന്നാൽ മുഖത്തെ ഈ മസിലുകളെ നിയന്ത്രിക്കുന്നതു ബ്രയിനിലെ എഴാമത്തെ നെർവ് (7 th cranial nerve)ആയ ഫേഷ്യൽ നെർവ് ആണ് . ഈ നേർവിനുണ്ടാകുന്ന താത്കാലിക മായ ചില പ്രശ്നങ്ങളാണ് ബെൽസ് പാൾസിക്കുള്ള കാരണം .എന്തു കൊണ്ടാണ് ഇത് സംഭവിക്കുന്നത് എന്നതിനുള്ള ക്ര്യത്യമായ കാരണം ഇന്നും അവ്യക്തമാണ് എന്നാൽ നേർവിനുണ്ടാകുന്ന നീർക്കെട്ട് , ചെവിക്കുണ്ടാകുന്ന അണുബാധ , അമിതമായി ചെവിയിൽ തണുപ്പടിക്കുന്നത് , വൈറൽ ഇന്ഫെക്ഷനുശേഷം തുടങ്ങി പല കാരണങ്ങൾ കൊണ്ടും ഏല്ലാ പ്രായക്കാർക്കും ഏതുസമയത്തും സംഭവിക്കാവുന്ന ഒരു രോഗാവസ്ഥയാണ് ബെൽസ് പാൾസി .
ബെൽസ് പാൾസി യുടെ ലക്ഷണങ്ങൾ കണ്ടാൽ ഉടൻതന്നെ വൈദ്യസഹായം തേടി കൃത്യമായ രോഗ നിർണയം നടത്തണം .. സ്ട്രോക്ക് പോലെയുള്ള ഗുരുതര രോഗങ്ങളുടെ ഭാഗമായും മുഖം ഒരു വശത്തേക്ക് കോടിപ്പോകാം എന്നുള്ളതുകൊണ്ട് ഇതിനെ നിസാരവൽക്കരിക്കരുത് ..
മുഖത്തിന്റെ ഒരു വശത്തേക്കുള്ള കോടൽ ,ചെറിയ വേദന ,ചെറിയ പനി ,മസിലുകൾക്കുള്ള ബലക്കുറവ് ,കണ്ണടക്കാനോ തുറക്കാനോ ഉള്ള ബുദ്ധിമുട്ട് വായിൽ നിന്നും ഉമിനീർ ഒലിച്ചിറങ്ങുക ,ചവക്കാനുള്ള ബുദ്ധിമുട്ട് തുടങ്ങിയവയാണ് ബെൽസ് പാൽസിയുടെ സാധാരണ ലക്ഷണങ്ങൾ .
ബെൽസ് പാൾസി എന്നതു വളരെ നിസാരമായി ചികിൽസിച്ചു പൂർണമായി ഭേദമാക്കാവുന്ന ഒരസുഖമാണ് അതുകൊണ്ടുതന്നെ അശാസ്ത്രീയമായ പരീക്ഷണങ്ങൾക്കു നിൽ
ക്കാതെ ആധുനിക വൈദ്യ ശാസ്ത്രത്തിലെ ചികിത്സ തേടുക , മരുന്നുകളും ,ഫിസിയോ തെറാപ്പിയും കൃത്യമായി ചെയ്യുക ...ദിവസങ്ങളോ ആഴ്ചകളോ കൊണ്ട് 95% രോഗികൾക്കും പൂർവ സ്ഥിതിയിലേക്ക് തിരിച്ചെത്താം ...
Shefi Vaisyanadam
