01/09/2025
🟢لازم وضروري جدًا مريض حمى الضنك يبعد من (البروفين) والمسكنات المشابهة🚫
ليه🤔
في حالات حمى الضنك حرارة الجسم بترتفع لدرجات عالية، وممكن يكون في ألم شديد في المفاصل والعظام والعضلات وخلف العيون.
لكن الدواء المسموح والآمن لتخفيف كل الآلام دي، هو:
👈(البندول ) فقط.
🚫وممنوع منع بات المريض ياخد مسكن غير إسيرويدي، زي:
• أسبرين
• بروفين (إيبوبروفين)
• ڤوتريكس (ديكلوفيناك)
• مفناك (مفناميك أسيد).الخ.
والسبب لأنو واحدة من أعراض حمى الضنك إنها ممكن تسبب نقص في الصفائح الدموية (Platelets)، وهي خلايا صغيرة مسؤولة عن تجلط الدم وإيقاف النزيف.
وبالتالي لما تنقص في الجسم، الدم بكون معرض للنزيف.
المسكنات غير الاستيرويدية NSAIDs زي الأسبرين والبروفين والڤوتريكس والكلوفاست بتأثر كمان على الصفائح الدموية وممكن تمنعها من وظيفتها وبالتالي تمنع التجلط.
كده نحن حيكون عندنا سببين لمنع تجلط الدم وزيادة خطر النزيف،
👈النتيجة = ارتفاع خطر النزيف الداخلي (في المعدة أو الأمعاء أو الدماغ) والخارجي (نزيف اللثة أو الأنف أو ظهور كدمات على الجلد).
✅عشان كدا التوصيات الطبية من منظمة الصحة العالمية (WHO) ومراكز السيطرة على الأمراض (CDC) وغيرها بتأكد على أن الباراسيتامول (البندول) هو المسكن الوحيد المسموح بيهو في حمى الضنك.
🔸معلومات إضافية:
✓ما تتجاوز الجرعة الموصى بيها من البندول.
✓استخدم شكل واحد فقط في الجرعة الواحدة (شراب أو أقراص أو درب أو تحاميل) وما تخلط بينهم عشان ما يحصل تسمم كبدي بسبب زيادة الجرعة فوق المسموح بيها.
✓لازم الفاصل الزمني بين الجرعات يكون على الأقل 4 ساعات.
✓ما تستخدم أكثر من دواء يحتوي على نفس المادة (Paracetamol).
🔸اجراءات إضافية مساندة:
✓عمل كمادات باردة.
✓الراحة في مكان مهوي.
✓شرب موية وسوائل كتيرة.
✓متابعة الحرارة بشكل منتظم.
🚨متين لازم نمشي المستشفى فورًا؟
⛔ظهور علامات نزيف (رعاف، نزيف لثة، كدمات في الجسم).
⛔استمرار السخانة رغم استخدام البندول.
⛔أو وجود دوخة قوية/ آلام بطن شديدة/ استفراغ مستمر.
✍️الصيدلانية: Hoyam Abdalla
📚مصادر علمية:
-CDC.
-WHO.
-VINMEC.
#صيدلة
