https://www.facebook.com/101187122771599/

Aragti Media

Home
Somalia
Borama
Aragti Media

Warar, aragtiyo iyo codka bulshada — xaqiiqo, hufnaan iyo horumar.

08/10/2026

Waxaan walaac weyn ka qabaa warka sheegaya in Prof. Maxamuud Warsame Ruush laga joojiyey shaqadii Jaamacadda Camuud sababo la xidhiidha aragtiyihiisa iyo ka hadalka tabashooyinka bulshada. Haddii arrintaasi xaqiiqo tahay, waxaan si adag u cambaaraynayaa tallaabadaas.

Aqoonyahanka laguma ciqaabi karo inuu dareenka dadkiisa cabbiro ama uu dhaliilo wax uu u arko khalad. Shaqada macallinka oo lagu xidho aamusnaantiisu waxay dhaawacaysaa karaamada aqoonta, madaxbannaanida jaamacadda iyo kalsoonida bulshada.

Camuud waxay bulshada ugu fadhidaa qiime ka weyn maamul iyo dano siyaasadeed oo isbeddela. Sumcaddeeda waa in lagu ilaaliyaa caddaalad, dood furan iyo ixtiraamka aragtiyaha kala duwan. Jaamacaddu sidee ayay u kobcin kartaa fikirka ardayga haddii macallinku ka baqayo inuu fikirkiisa cabbiro?

Waxaan maamulka Jaamacadda Camuud ka dalbanayaa inuu si cad uga jawaabo warkan, bulshada u sharraxo sababta go’aanka la sheegay, Prof. Ruushna la siiyo fursad caddaalad ah oo uu ku difaaco mowqifkiisa. Haddii shaqada looga joojiyey aragtidiisa oo keliya, waa in go’aankaas laga noqdaa.

Camuud sharafteedu waxay ku jirtaa inay aqoonta iyo xorriyadda fikirka difaacdo. Aamusnaan lagu khasbo aqoonyahanku sharaf uma kordhiso!

07/10/2026

Marka ummad hoggaankeeda u dhiibato siyaasi aan garanayn qiimaha dadka uu matalayo, isla markaana baahidiisa gaarka ahi ka horrayso danta guud, natiijadu waxay noqotaa hadallo dhaawacaya sharafta bulshada. In ummad dhan lagu tilmaamo minority ma aha hadal fudud; waa gef siyaasadeed oo muujinaya hoggaan aan garanayn cidda uu metelo iyo masuuliyadda saaran.

Qofka hoggaanka haya waxaa laga rabaa inuu dadkiisa u doodo, xuquuqdooda ilaaliyo, magacoodana kor u qaado—ee ma aha inuu ku hadlo erayo hoos u dhigaya. Hoggaamiye aan ummaddiisa qiimeyn karin, kalsoonideedana ma mudna.

06/10/2026

Xiisadda Geeska Afrika oo sii xoogaysanaysa

Dagaal cusub ayaa ka soo cusboonaaday gobolka Tigray ee Itoobiya, iyadoo warbixin ay Reuters ka heshay ilo gargaar sheegtay in duqeymo iyo madaafiic ay sababeen dhimasho. Tirada khasaaraha si madax-bannaan looma xaqiijin.

Dhanka kale, Ra’iisul Wasaare Abiy Ahmed ayaa ku celiyey baahida Itoobiya u qabto marin ay ku gaadho Badda Cas. Hadalkan ayaa imanaya xilli Masar, Soomaaliya, Eritrea iyo Suudaan ay shir ku yeesheen Masar, kana hadleen xaaladda gobolka iyo mas’uuliyadda dalalka xeebaha leh ee Badda Cas.

21/09/2026

Waxaa isa soo taraya tabashooyinka bulshada reer Awdal, kuwaas oo muddo dheer dareemayay in Somaliland ay iska dhega-marisay cabashooyinkooda siyaasadeed, dhaqaale iyo saamiga ay ku leeyihiin talada dalka.

Shirar iyo wada-tashiyo gudaha iyo dibaddaba uga socda waxgaradka, siyaasiyiinta iyo qurba-joogta reer Awdal ayaa la sheegay inay horseedi karaan go’aanno culus oo saamayn weyn ku yeesha mustaqbalka Somaliland.

01/09/2026

Boorama

31/08/2026

Beesha Bahahar muuse ayaa siidaysay maxaabiis beesha Ciisa ah oo lagu qabtay dagalaadii xeebaha galbeed ee Somaliland .

23/08/2026

WAR DEGDEG AH | DAGAAL KA SOCDA DEEGAANKA OSOLI

Wararka naga soo gaadhaya deegaanka Osoli ee galbeedka Somaliland, gobolka Awdal, ayaa sheegaya in halkaasi uu ka socdo dagaal culus.

Xaaladda deegaanka ayaa weli kacsan, waxaana soo baxaya warar kala duwan oo ku saabsan dhinacyada dagaallamaya iyo khasaaraha ka dhashay. Ilaa hadda ma jiraan xog rasmi ah oo dhammaystiran oo xaqiijinaysa tirada dhimashada iyo dhaawaca.

Aragti Media waxay si dhow ula socotaa xaaladda, waxaana idiin soo gudbin doonaa wixii warar cusub iyo xog la xaqiijiyey ah ee kasoo kordha.

Ilaahay nabad ha ku soo dabaalo shacabka iyo guud ahaan deegaannada galbeedka Somaliland.

Aragti Media

22/08/2026

WAR DEGDEG AH | XIISAD CULUS OO KA TAAGAN GALBEEDKA SOMALILAND

Wararka naga soo gaadhaya galbeedka Somaliland, gaar ahaan qaybo ka mid ah gobollada Awdal iyo Salal, ayaa sheegaya xaalad amni oo aad u kacsan iyo dagaallo ka socda deegaanno ka tirsan xuduudaha galbeedka.

Masuuliyiin ka tirsan Somaliland ayaa xaaladda ku tilmaamay duullaan iyo faragelin dibadeed oo lagu soo qaaday Somaliland, iyagoo sheegay in bartilmaameedku yahay amniga iyo xasilloonida gobollada galbeedka dalka.

Wixii warar cusub iyo xog la xaqiijiyey ah, Aragti Media way idinla wadaagi doontaa.

Aragti Media — Xaqiiqo • Hufnaan • Horumar

24/07/2026

Boqor Buurmadow: “Haddii Hargeysa caasimadda Soomaaliya laga dhigo, beesha Isaaq waxay diyaar u tahay midnimo Soomaaliyeed.”

Boqor Cismaan Aw Maxamuud Buurmadow ayaa sheegay in beesha Isaaq ay diyaar u noqon karto inay dib uga mid noqoto Soomaaliya, haddii caasimadda dalka laga soo raro Muqdisho oo laga dhigo magaalada Hargeysa.

Boqor Buurmadow ayaa hadalkan ku xidhay in beesha Isaaq ay hesho hoggaanka iyo maqaamka caasimadda Soomaaliya, isaga oo tilmaamay in arrintaasi abuuri karto waddo cusub oo dib loogu wada hadlo midnimada Soomaalida.

22/06/2026

Madaxweyne h**e Daahir Rayaale Kaahin iyo haddalo dhaxal gal ah .

Address

New Hargeysa
Borama
24351

Website

facebook.com

Alerts

Be the first to know and let us send you an email when Aragti Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aragti Media: