دلل كرشك

دلل كرشك Management Smart Technical Services Company for Logistics service

تقييمكم ل مسمكة ابو جاسم من100٪من حيث الطعم والجودة والأ. سعار المحافظة -حلب
19/10/2025

تقييمكم ل مسمكة ابو جاسم من100٪من حيث الطعم والجودة والأ. سعار
المحافظة -حلب

مخلل الباذنجان بالخلطة السرية👌😍المكونات😍نصف كيلو باذنجان صغير ٦فصوص ثوم٦حبات فلفل حار او بارد حسب الرغبةوممكن خليط من ال...
06/09/2025

مخلل الباذنجان بالخلطة السرية👌😍

المكونات😍
نصف كيلو باذنجان صغير
٦فصوص ثوم
٦حبات فلفل حار او بارد حسب الرغبة
وممكن خليط من الاتنين
كزبرة مفرومة نصف كوب
ملح
فلفل اسود
كمون
ممكن نحط طماطم وجزر مكعبات اختيارى
معلقتان خل ابيض ربع كوب ليمون

الطريقة😍
يغسل الباذنجان ويشق من المنتصف
يمكن سلق الباذنجان او يمكن قليه في زيت غزير
يفضل السلق حتى يكون المخلل خفيف
بعد النضج يصفى في المصفى
بعد ان يبرد الباتنجان يحشى بخليط🥰
الثوم مضاف اليه الفلفل المقطع قطع صغيرة والكزبرة المفرومة والخل والليمون والملح والكمون والفلفل الاسود
يحشى الخليط بعد ان يبرد الباتنجان
يحفظ البتنجان في علبة في الثلاجة
وبالهنا والشفا

31/08/2025

واتقوا يوماً ترجعون فيه إلى الله

بما انه موسم مونة رح احكيلكم طرق الغش 😁
لتعرفوا ليش على طول مونة السوق ارخص بكتير من وقت تشتغلوها بالبيت 😉
1- كيلو دبس البندورة الصافي والخالي من اي اضافات يعني بندورة فقط بكلف 150 آلف وكلشي غير هيك مغشوش ومضاف له بطاطا مسلوقة وملونات صناعية .
لان كل 10 كيلو بندورة تعطي 1 كيلو دبس بندورة وبدك ملح وغاز وتنشيف .

2- قشرة البندورة الباقي من تصنيع الدبس تجفف وتضاف وتخلط للفليفلة الحمراء المجففة . وهون بصير عنا فليفلة حمراء مجففة مغشوشة بقشر البندورة 🥴 .

3-الفستق الحلبي المبشور يضاف له بازيلا خضراء وملونات صناعية .

4- البصل المجفف والتوم المجفف يضاف له رز مسلوق .كل 500غ توم مقشر بيعطي 150 غ مجفف

5- دبس الفليفلة : كل 7-8 كيلو فليفلة حمرا ليطلعو كيلو دبس صافي لانه نحنا منشيل العقر والبزر والمنزوعة ومنكبهم اما هم 👈🏻 بيطحنوه بكامل وسخه شي معفن شي معسئل شي مدود . مع العلم ان دودة الفليفلة تعيش بقلبها ويبلغ حجمها قد الاصبع 🤮

6- دبس الرمان : كل 10 كيلو رمان يعطي قنينة فقط . ولسه عندك فرط وغاز وغلي . اما الدبس المتوفر بالاسواق فهو ارخص وهو عبارة عن تمر مغلي ( يعني التمر يلي بيجي بالتنك ) ويضاف له ملح الليمون 😱.

7- المربايات بأنواعها بالاسواق ارخص من الصناعة المنزلية لانه نحنا منقي الحبة الحلوة ومنشيل المنزوعة ومنكب يلي فيها دودة 🐛🐛 ونحنا منحط سكر هنة بحطو قطر فرنجي وجلاتين ليمسك .
وهيك بس 😳
نسيت احكيلكم على المرتديلا يلي 80‎%‎ من مكوناتها فول الصويا وقصص وسوالف

نسخ الويندوز المعدلة... قسم بحبها والقسم الآخر لأ...يا ترى شو السبب وليش ؟خلوني قلكن باختصار... ويندوز 11 بأيامنا الحالي...
09/06/2025

نسخ الويندوز المعدلة... قسم بحبها والقسم الآخر لأ...
يا ترى شو السبب وليش ؟
خلوني قلكن باختصار...
ويندوز 11 بأيامنا الحالية يعتبر واحد من أثقل أنظمة التشغيل ويلي حرفياً بيحتاج المواصفات التالية:
1- معالج لا يقل عن i5 جيل ثامن
2- رامات 16 جيجا DDR4 و ( لا 8 جيجا مو كافي لانو ويندوز 11 لحالو بيصرف 4 جيجا ولسا انت مالك فاتح ولا شي ف ضيف عليهم كروم يلي هو حرفياً مفترس رامات هون بصير الجهاز بتلاقيه علق واختنق حرفياً )

وطبعاً سبب ثقل الويندوز 11 هو بسبب الواجهة الجميلة يلي فيه + كمية العمليات يلي بتصير بالخلفية بدون ما تدرى انت فيها ويلي هي حرفياً عبارة قصص بتخلي مايكروسوفت تتجسس على كل حركة بتعملا مشان تكسب من الدعايات يلي رح تعرضلك ياها + البرامج الزايدة والدعايات يلي بتجي مع ويندوز 11 يلي نحن منسميها ( بلوتوير ) وهي من شأنها تتقل الجهاز

بخلاف ويندوز 10 يلي يعتبر هو الاختيار الاول لكل حدا خبير، لانو ويندوز 10 قادر يشتغل حرفياً على حبة بطاطا
استهلاك الرام فيه جيجا ونص بدون ولا شي
وبينزل على احدث واقدم المعالجات والبوردات بدون مشاكل
الا طبعاً اللابتوبات التعيسة جداً من زمن العصر الحجري يلي يعتبر ويندوز 7 هو الحل الامثل الها... طيب كل ها الحكي فهمناه... شو فايدة النسخ المعدلة من ويندوز ؟؟

1- خفة استهلاك موارد الجهاز... النسخ المعدلة من ويندوز 10 او 11 بكون المطور تبع النسخة شايل منها كتييير قصص انت بذاتك ما رح تستخدمها كمستخدم عادي مثل متصفح ايدج وغيرو من خدمات مايكروسوفت يلي بتجيب المغص من كثرها وعدم فائدتها

2- ترجع الحياة لجهاز قديم كنت كاببو ومالك مستفيد منو شي... ويندوز 10 يعتبر ويندوز خفيف بالمجمل فما بالك لو نزلتو بنسخة معدلة على جهاز قديم ومواصفاته متواضعة ؟ حرفياً رح تكسب الجهاز وتريحو... وما بالك لو مواصفات جهازك خارقة وتنزلو ويندوز 10 معدل ؟؟ حرفياً رح تلاقي جهازك حط الجاكوزي وكاسة العصير حدو وقلك ( فروم لتشبع انا معك ) بتريح المعالج والرامات وهاد من شأنو يطول من عمر اللابتوب ويقلل من استهلاك الرام

3- عدم وجود Updates كل شوي تزعجك وبيئة مستقرررررة جداً لعملك... تخيل تفقد ملفاتك بس من ورا تحديثة ويندوز فاشلة او مثلاً تكون مستعجل وعندك شغل وفجأة وانت عم تشغل لابتوبك بقلك Windows update... حرفياً رح يكون وقتا الك خلق تمسك اللابتوب وتكبو من الشباك... ف وداعاً ل windows update
انت بقى كل سنة حمل النسخة الجديدة من الويندوز المعدل تبعك وفرمت برياحتك لتضلك داعم لكلشي جديد بالسوق

طب معقول ما فيه مساوئ هي النسخ ؟؟
امبلا اكيد... كلشي الو ايجابيات وسلبيات...
السلبيات هنن:
1- انت مستحيل تعرف اذا المطور عم يتجسس على ملفاتك او مثلاً لو في ثغرات امنية صارت بسبب ازالة ايدج مثلاً او بعض الادوات المدموجة بويندوز ويلي هي من شأنها توفر بيئة متكاملة للجهاز ف بالتالي بتكون عرضة للخطر اذا ما كنت شخص خبير باستخدام الانترنت والبرامج المكركة

2- بعض البرامج او الالعاب يمكن ما تشتغل معك... اي لا تستغرب لانو منرجع لنقطة احتمال المطور يكون شايل كتير من النسخة بس كرمال يكون الجهاز مناسب للعمل المكتبي مو للامور الضخمة وهاد الشي انت يلي بتحددو

ف شو الحل ؟؟
معقول ولا نسخة معدلة بتفش الخلق ؟؟
اكيد في !
افضل نسخة معدلة والناس كلا بتحكي فيها هي نسخة ال Ghost spectre... وقت الثبيت بيسألك اذا بدك نسخة ال Compact او نسخة ال Super lite، طبعا الكومباكت بتختارها للاجهزة القوية وال superlite للاجهزة الضعيفة يلي وظيفتها التصفح والاستخدام العادي وكم لعبة خفيفة
وبس... دمتم بخير ☕️

سيريتل تطلق esim الشريحة الالكترونية.. متاحة للطلب من مراكزها منذ اليوم.تأكد من دعمك هاتفك لها من الاعدادات أو بالضغط عل...
19/05/2025

سيريتل تطلق esim الشريحة الالكترونية.. متاحة للطلب من مراكزها منذ اليوم.
تأكد من دعمك هاتفك لها من الاعدادات أو بالضغط على نجمة مربع صفر ستة مربع

لو ظهر لك بين الأكواد خيار EID يعني انه يدعمها

19/05/2025

كيف بدنا نرجّع الدولار لـ 50 ليرة
حملة 2019

أهم مافي الموضوع إنك تروح ع البنك وتستبدل (1000) ليرة ب ليرات معدنية
اول شي واهم شي انت مو لازم يكون معك ليرة...انت المفروض تروح ع البنك تصرف ٥٠٠ او١٠٠٠ لليرات
ليش بدك تسوي هيك؟
واصلاً البنك فيه ليرات ؟؟
وهون الفكرة كلها
الناس وقت تروح ع البنك السوري تقول بدنا نحول لليرات البنك مشان يلبي الطلب على الليرة رح ينجبر يبعت طلب رسمي لجنيف ((باصدار المزيد من فئة الليرة السورية المعدنية)) ورح يدفع حقا من ميزانيةالدولة( الذهب)
اي وشو رح يصير بعدين!!!
البنك المركزي الدولي مارح توفي معو
معقول مقابل غرام دهب واحد يصنع (950,000)ليرة مثلا!
تصنيع هالكمية كلها من الليرات المعدنية بيكلف اكتر من غرام واحد دهب بكتير
ف هون البنك الدولي رح يرفع قيمة الليرة السورية ويزيد حقها دهب منشان ما يخسر بتصنيعها
وبالتالي
(( ارتفعت الليرة _ هبط الدولار _ هبطت أسعار المعادن _ الذهب _ الفضه _ البضائع _ المستوردة ))
يعني انت كل يلي عليك تاخد هل ١٠٠٠ل.س وتروح ع البنك وتصرفها لليرات وبتكون ساهمت بجزء صغير بحل الازمة يلي نحنا فيها
ومنشان ما تروح الليرات عالفاضي اشتري من أصحاب المحلات يلي كتر خيرهم عملوا عروض الليرة..حتى لو كان دعاية لمحلاتهم
البوست للمشاركة لكي يصل لأكبر عدد ممكن من الناس ولندعك محاربة الغلاء واحتكار تجار الأزمة ولدعم ليرتنا السورية لأنها ( عزتنا)...

شاب سوري يبلغ من العمر 19 عامًا يتزوج من صديقته الالمانية المليارديرة البالغة من العمر 76 عامًا حيث يقول إنه كان حبًا من...
22/10/2024

شاب سوري يبلغ من العمر 19 عامًا يتزوج من صديقته الالمانية المليارديرة البالغة من العمر 76 عامًا حيث يقول إنه كان حبًا من أول نظرة. "🤍 ولكن صدم صدمة العمرة عندما عرف بالشرط الذي وضعته السيدة الألمانية بعقد الزواج الذي لم يكتشفه إلا بعد زواجه التفاصيل بأول تعليق ⬇️

Address

Aleppo

Website

Alerts

Be the first to know and let us send you an email when دلل كرشك posts news and promotions. Your email address will not be used for any other purpose, and you can unsubscribe at any time.

Shortcuts

Share

Category