27/05/2026
အလေးအနက် တောင်းဆိုပါတယ် 🙏🙏🙏
စစ်အုပ်စုရဲ့ မတရားဖမ်းဆီးခံထားရတဲ့ အမေ ဒေါ်အောင်ဆန်းစုကြည်အပါအဝင် ဖမ်းဆီးခံထားရသူများအားလုံး လွှတ်မြောက်ရေးအတွက် ဆက်လက်ပါဝင်ပေးဖို့ တောင်းဆိုပါတယ်။
နောက်လ ၁၉ ရက်နေ့ဟာ ကျွန်တော်တို့ ခေါင်းဆောင်ရဲ့ မွေးနေ့လည်း ဖြစ်ပါတယ်။ အဖွဲ့အစည်းအသီးသီးက ပြုလုပ်နေတဲ့ ကမ်ပိမ်းတွေမှာ ပါဝင်နိုင်သလို မိမိတို့ရဲ့ အကောင့်တွေကနေလည်း တင်နိုင်ပါတယ်။ RCS လုပ်ပြီးလည်း ပါဝင်နိုင်ကြပါတယ်။
အရေးကြီးတာကတော့ ဒီရှေ့တစ်လျှောက် ကမ္ဘာနဲ့ နိုင်ငံတကာအစည်းအဝေးတွေ ရှိနေပါတယ်။ လက်ရှိကြုံတွေ့နေရတဲ့ ဒုက္ခတွေကို ဖြေရှင်းနိုင်ဖို့ ဟာ ပြည်သူအများက ယုံကြည်လေးစားရတဲ့ အရည်အချင်းရှိတဲ့ ခေါင်းဆောင်ကသာ ဖြေရှင်းနိုင်မှာ ဖြစ်ပါတယ်။
အမေရိကန်၊ ဂျပန်၊ အိန္ဒိယ၊ ဩစတေးလျ (၄) နိုင်ပါတဲ့ Quad နိုင်ငံခြားရေးဝန်ကြီးများအစည်းအဝေးမှာ မတရားဖမ်းဆီးသူများ လွှတ်မြောက်ရေးကို ထည့်သွင်းတောင်းဆိုထားပါတယ်။ အဲဒီအစည်းအဝေးကို အခုလ ၂၆ ရက်နေ့က နယူးဒေလီမှာ ကျင်းပခဲ့တာ ဖြစ်ပါတယ်။ အဲဒီအထဲမှာ စစ်အုပ်စုနဲ့ ဆက်ဆံရေးကောင်းပါတယ်ဆိုတဲ့ အိန္ဒိယလည်း ပါဝင်ပါတယ်။ နှစ်နိုင်ငံအကြား ဆက်ဆံရေးတွေ ရှိပေမယ့် ကမ္ဘာအဖွဲ့အစည်းတွေမှာတော့ အိန္ဒိယဟာ အခြား မဟာမိတ်တွေနဲ့အတူ ရပ်တည်ရပါတယ်။
တောင်းဆိုနေရုံနဲ့ မလွှတ်ဘူးဆိုတာ မှန်ပါတယ်။ ဒါပေမယ့် လွှတ်တော်ကြီးခေါ်ပြီး အစိုးရဖွဲ့ပြထားရတဲ့ စစ်အုပ်စုအတွက် တရားဝင်မှုကို ရဖို့ သေလုနီးပါး လိုအပ်နေချိန်မှာ နိုင်ငံတကာက အပေးအယူသဘော သူတို့ရဲ့ ရပ်တည်ချက်ကို ပြောနေခြင်း ဖြစ်ပါတယ်။ အာဆီယံဘုံသဘောတူညီချက်နဲ့ ကုလသမဂ္ဂရဲ့ မြန်မာဆိုင်ရာ ဆုံးဖြတ်ချက်မှာ စစ်တပ်ရဲ့ အတုအယောင်အစိုးရကို အသိအမှတ်ပြုဖို့ လုံးဝ (လုံးဝ) မပါပါ။
ဒါကြောင့် ပိုပြီးတာဝန်ရှိတဲ့ ပြည်သူတွေအနေနဲ့ ကိုယ့်ခေါင်းဆောင် လွှတ်မြောက်ရေးကို ကျယ်ကျယ်လောင်လောင် အသံထုတ်ဖို့ လိုပါတယ်။ မြန်မာပြည်တွင်းရေး တည်ငြိမ်သယောင်၊ ပုံမှန်ဖြစ်သယောင် စစ်အုပ်စုက စနစ်တကျ လုပ်နေပါတယ်။
ဒါကြောင့် အခုကာလတွေမှာ အမေစုနဲ့ နိုင်ငံရေးအကျဉ်းသားများ လွှတ်မြောက်ရေးကို စနစ်တကျ ပြန်လည် ကြိုးစားကြဖို့ ထပ်ပြီး နှိုးဆော်ပါတယ်။ ဒီပို့အောက်မှာ အောက်ပါ # နဲ့ စာသားတွေ ကူးပြီး ပြန်မန့်ပေးကြပါနော်။
အမေစုနဲ့ မတရားဖမ်းဆီးခံထားရသူများ အမြန်ဆုံး လွှတ်မြောက်ပါစေ 🙏🙏🙏
