17/04/2026
မင်္ဂလာနှစ်သစ် ၁၃၈၈ ပါ။ ဘန်ကောက်ကို Ed Visa နဲ့ ထွက်လာခဲ့ပြီး ဗီဇာသက်တမ်း တစ်နှစ်အတွင်းမှာ ရေရှည်ရပ်တည်နိုင်အောင် ကြိုးစားခဲ့ရတာ၊ တကယ်တမ်းအလုပ်ရတော့ ပြီးသွားပြီးလားဆိုတော့လည်းမဟုတ်ပါဘူး လုပ်ငန်းခွင်အတွင်း အဆင်ပြေပြေလုပ်နိုင်ဖို့အတွက် ဆက်လျှောက်ရင်းနဲ့ လုံးလည်ချာလည်လိုက်နေတာပါပဲ။
ပုံမှန်လစာရတဲ့ အလုပ်လုပ်တာအပြင် ဝါသနာက ညွှန်းတာလို့ပြောရမလား ပိုပြီးတိတိကျကျဆိုရရင် ကောင်းတာလေးတွေ့ရင် ညွှန်းချင်တာမျိုးပေါ့ အစားအသောက်၊ လည်ပတ်စရာ၊ ဘဝရှေ့ရေးအတွက် အလုပ်အကိုင် ပညာရေး စတာတွေကို ကိုယ်တိုင်ကြုံခဲ့ လေ့လာခဲ့ ဖတ် မှတ်ခဲ့သမျှတွေကို ကိုယ့်အသိုင်းအဝိုင်းထဲက နီးစပ်တဲ့အပေါင်းအသင်း၊ သူငယ်ချင်းရဲ့သူငယ်ချင်း၊ ဆွေမျိုးတွေ စသဖြင့် လာမေးရင် ညွှန်းပေးလေ့ရှိတယ်။
ရန်ကုန်မှာတုန်းကလည်း လုပ်ငန်းခွင်ဝင်ရာကနေ ခုချိန်ထိ ကိုယ့်ကိုချစ်ခင်နေဆဲ လူရင်းတွေက တခုခုဆို သူ့ကိုမေးလိုက် သူညွှန်းရင် အဆင်ပြေတာပဲပေါ့။ အမြဲတော့လည်းမဟုတ်ပါဘူး လွဲတဲ့အခါတွေလည်းရှိမယ်။ ဘန်ကောက်ရောက်တော့လည်း ခုထိ ကိုယ့်စကားဟာ အရာဝင်နေဆဲ။
မနှစ်က full-time အလုပ်မရခင် professional career အတွက် အခြေခိုင်အောင် တက်ခဲ့တဲ့ Strategy First က ဘန်ကောက်မှာ language school လာဖွင့်တော့ ကိုယ်တိုင်လည်း သွားလေ့လာပြီး ညွှန်းပေးဖြစ်တာ ကျောင်းသား အယောက် ၅၀ကျော်ရှိခဲ့တယ်။ ဘန်ကောက်ကို Ed Visa နဲ့ လာနှင့်ပြီးနေပြီ Liberty ကိုသာ အရင်သိရင် အဲ့လိုပဲလာဖြစ်မှာသေချာတာ၊ Strategy First ရဲ့ ကျောင်းသားတွေကိုပေးတဲ့ ဝန်ဆောင်မှုကို ကိုယ်သိပ်သဘောကျခဲ့တာကိုး။
အဲ့လိုနဲ့ အလုပ်ရရချင်း ငလျင်နဲ့ကြုံရာကနေ ရပ်တည်ရေးအတွက် ရုန်းကန်ရင်း ကျောင်းကို မရောက်ဖြစ်ခဲ့တော့တာပါပဲ ရေစက်ရှိနေသေးတော့ ဒီလအစ seminar တခု သွားတက်ရင်း တစ်နှစ်အတွင်းမှာ ကျောင်းရဲ့ တိုးတက်သွားမှုက အချိန်တိုလေးအတွင်း အံ့မခန်း။
ကျောင်းအပ်ရင်တပါတည်းရတဲ့ ဗီဇာကိစ္စ စာရွက်စာတမ်းချောမွေ့မှု၊ အတန်းအသစ်တွေ၊ course အသစ်တွေအပြင်ကိုမှ ကျောင်းတက်ရတဲ့ တာဝါမှာ မုန့်ဆိုင်အသစ်တွေတောင် တိုးနေတော့ အတော်လေးသဘောခွေ့မိတယ်။ မရောက်တာကြာလည်း ကျောင်းကကိုယ့်ကို အရင်လိုနွေးထွေးနေဆဲ အတန်းသစ်တွေကို သိချင်ရင် သေချာရှင်းလင်းပြောပြပေးတဲ့ အခွင့်အရေးပေးနေဆဲ။
ကောင်းတာတခုက အရင်လိုပဲ ကိုယ့်ဆီကတဆင့် ကျောင်းသွားအပ်မယ့် မိတ်ဆွေတွေကို လျှော့စျေးပေးနိုင်တဲ့ လက်ဆောင်လည်း အခုချိန်ထိ ရှိနေဆဲဆိုတော့ ဘန်ကောက်မှာ ဘာသာစကားသင်ရင်း နေထိုင်ခွင့်အတွက် အချိန်ကာလတခုကြာ စိတ်အေးနိုင်မယ့် ကိစ္စကို ကုန်ကျစားရိတ်အသင့်တင့်နဲ့ ရယူချင်တယ်ဆိုရင် ပစ်တိုင်းထောင် ပေ့ချ်လေး ပုံမှန်လည်ပတ်နိုင်ပြီမလို့ သိချင်တာတွေရှိရင် လာမေးနိုင်ပါပြီ။
