11/12/2022
5 مراحل مهمة يلزمك تعرفهم قبل ما تعمل تسويق بالمحتوى أو حتى بالفلوس :
في واحد من القروبات الأجنبية متع التسويق ، سألو سؤال حبو يعرفو هل أنو المسوقين يصرفو على الإعلانات المدفوعة كيف :
Publicité Facebook ، AdWords و غيرو.
حسب رايكم قداش المسوقين يصرفو في الإعلانات؟
الإجابة هي أنو أغلبيتهم ما يصرفو في حتى شيئ، يعني 00000 و لا مليم لمدة شهور!!!
كيفاش تتم لحكاية مالا علاش نهار لكل يحكو يلزمك تعمل إعلانات و تصرف على التسويق ؟؟ هل أنهم يحبو يغلطو الناس و ما يحبوش يعطو لحقيقة؟؟
لحكاية لكل هي قبل ما نجاوبو على السؤال هاذا يلزم نفهمو كيفاش يخدم السيستام :
ثما نوعين من الترافيك Traffic، معناها الناس تنجم تكتشف منتوجاتك عن طريق الزيارات المجانية كيف أنك تكتب مقال يوصل لصفحة البيع و المقال هاذا يظهر للزوار في الشبكات الإجتماعية أو في المدونة متعك.
الزيارات المدفوعة تتم عن طريق الإعلانات و إلي تخلي الناس توصل لمقالاتك و إلا لفيديوهاتك عن طريق إعلانات في الشبكات الإجتماعية، المواقع، التطبيقات و الا في نتائج البحث.
و كان تتذكرو مليح، حكينا قبل إلي ثما 5 مراحل مهمة تخلي أي زائر يتحول لحريف و يدفعلك فلوس و إلي هي :
1- مرحلة جلب المهتمين بموضوع معين : يعني يلزمك توفر محتوى تعليمي، نصائح، تفسير لمنتجات.. مرحلة جلب المهتمين تتم ديما (و نأكد) بالترافيك المدفوع باش تنجم تربح وقت و تكثر في عدد الزيارات و عدد ال Fans و ال Followers ، و Subscribers. ..
معناها في المرحلة هاذي يلزمك تخدم على توفير القيمة المضافة قبل ما تحكي على البيوع.
2- مرحلة التحويل conversion : معناها تخلي جزء من المهتمين يعطوك بياناتهم مقابل الحصول على أكثر معلومات أو خدمة مجانية، و المرحلة هاذي كانك بادي جديد و ما عندكش communauté مهتمة بإلي تقدم فيه راك باش تصرف في الإعلانات.
3- مرحلة ال Relance و ال nurturing : و هاذي زادا تخليك تقوي العلاقة مع المهتمين بالعرض المجاني و هاذا يتم بعدة طرق مجانية و مدفوعة.
4- مرحلة البيع : و هاذي المرحلة إلي تخلي لكليون يوثق فيك و يتعامل معاك ماديا.
5- مرحلة ال Recommandation : المنتج الباهي يخلي نسبة من كليوناتك تجيبلك كليونات جدد و المرحلة هاذي تتم بال parrainage و ال Affiliation و في عوض تصرف إعلانات تستهدف بيها Prospects froids ، تولي تربح الوقت و تخدم ب les avis des clients.
خلاصة هاذي لكل؟؟ :
ما تعملش بنسبة 100℅ على المحتوى و ال recommendations ، هاذي تجي في مرحلة و بنسب متفاوتة حسب المنتج و حسب السوق.
ما يجيش منو تبدا brand جديدة و الا relance و الا lancement d'un nouveau produit من غير إعلانات.
يلزمك تصرف و تعمل testing..
من الأول يلزمك تصرف على الإعلانات و ال branding و المحتوى de qualité و من بعد بعد ما تعمل إسم ما عادش تولي ملزم أنك تصرف على الإعلانات و البهرح الزايد !
