23/05/2026
🔴رخصة الدخان و ما أدراك ما الدخان🫁🚭
كما نعرفو الناس الكل و نسمعو يقولك الي عندو رخصة دخان خير و نعمة وخير حتى من موظف حكومي و هانا باش نفسروا علاش
🔥رخصة الدخان 🇹🇳تعملت لفئة معينة من الناس الي ما عندهمش دخل و يتمتعو بإعاقة ، الي صار عندو سنين تحولت الرخص هذه إلى مجموعة من التجار الي بدورهم يستغلو في الفئة هذه و يكريو الرخصة تحت حيط بمقابل مالي ضعيف...
اليوم اسعار الدخان لا تحترم لا من سماسرة الدخان و لا حتى الي يستغلو في الرخص متاعهم يعني هنا نحكيو على فساد إداري و مالي...
🔻كيف تمشي باش تاخو الحصة الشهرية متاعك و يعطيك الحاكم هامش الربح في كل نوعية ، فما الي يخرج من القباضة ويلقى السمسارة تستنى يبيع الي حاشتو بيه و يخلي الباقي باش يبيعو في ااحماص و الا الحانوت متاعو و بالطبيعة زايد في التسعيرة
و فما الي كما احكينا كاري رخصة و أكثر هذاك عاد ما غير ما نحكو عليه صاحب معمل الدخان هههههه
‼️سؤال هنا ويني الرقابة و ين السلط وقتلي فما مئات المطالب لعائلات مهيش لاقية تاكل و الجماعة طايحين يعبو من حلاله و حرامه
نطلب من كل السلط مراجعة الرخص و الحرص على تطبيق القانون 🇹🇳ومعاقبة الفاسدين
باش الناس تعرف رخصة الدخان تنجم دخلك اقل حاجة 3 ملاين في الشهر كان موش أكثر برشا
Présidence du Gouvernement Tunisien - رئاسة الحكومة التونسية
معتمديّة قلعة الأندلس
الصفحة الرسمية لولاية أريانة Gouvernorat Ariana
