https://calendly.com/loueydebbich95/30min

Louey Debbich - L'expert Marketing, Nabeul (2026)

19/12/2025

فماااا سبونسورينج ؟؟؟؟؟
أكثر سؤال يعرضني في النهار برشا مرات و حبيت ليوم نشارك معاكم سؤال أحد الأصدقاء الي عمل سبونسورينج على باج متاعو لكن 0 نتيجة !! زعمة علاش ؟؟ 🤔🤔

عسلامة أصدقائي ، الأسباب تنجم تكون عديدة و مختلفة ، هاو باش نعطيو بعضها .
في بعض الحالات الإعلان مازال “En cours d’examen”
حتى لو ظاهر Active، ساعات النظام ماصرفش حتى يبدأ ينفّذ فعليًا. عادة تاخذ بين 30 دقيقة إلى ساعات.
او وسيلة الدفع فيها مشكل
كيف الكارت أو حساب الدفع مرفوض الفيسبوك يخلّيها Active لكن spending ما يبدأش.
لكن المشكلة الكبيرة كان تكون مشكلتك في الإستهداف وبن ماخدمتش على مايسمى بي STP ، الي يخلي AUDIENCE ضيقة برشا .. إذا اخترت استهداف صغير برشا أو مقيد ، الفيسبوك ما يلقى حتى شخص يعرضلو.
كذلك اذا Bidding أو Budget ضعيف مقارنة بالمناسبة الفيسبوك ينجم أصلا مايدخلكش في auction .
لهذا أول خطوة قبل مانخممو في الsponosoring
ضروري نخدمو على انشاء marketing strategy صحيحة وين نركزو على كامل عناصرها من STP للمحتوى لأهداف للميزانية و غيرو.
نصيحتي ليك :

شوف حالة الإشهار: Delivery أو Learning؟
تحقق من moyen de paiement
وسّع الاستهداف شوية
زيد bid أو budget نهار برك للتجربة
أعمل duplicate للحملة: ساعات النسخة الأولى تتعطّل
انشاء نكون فدتك و فدت اي واحد يقرى طو ☺️
Louey Debbich - L'expert Marketing
#

15/11/2025

Beaucoup de choses qui circulent sur le marché tunisien sont fausses.🤮
?? 🤔

En réalité, les campagnes publicitaires sponsorisées ne sont qu’un des moyens du marketing payant.
j’ai bien dit un des moyens du marketing payant,
c’est-à-dire qu’elles ne sont qu’une étape complémentaire à d’autres phases beaucoup plus importantes, qui déterminent réellement la réussite ou l’échec d’une campagne.
La stratégie marketing (Marketing Strategy) est un ensemble de dix étapes, dont l’une s’appelle le Marketing Mix, et dans cette étape on trouve l’élément de la promotion…
Donc, les campagnes publicitaires payantes représentent moins de 10 % des efforts nécessaires pour réussir le marketing.
Malheureusement, en Tunisie, on considère souvent les campagnes sponsorisées comme l’élément principal et le seul levier de réussite,
et parfois même on exige qu’une campagne soit performante sans prendre en compte tout le travail préalable.
En bref, les publicités payantes (Ads) ne réussissent que lorsqu’on travaille correctement sur plusieurs éléments :
le contenu, la stratégie, le ciblage (Segmentation / Targeting / Positioning),
la tarification, le produit, l’expérience client, et d’autres étapes essentielles.
Beaucoup de choses qui circulent sur le marché tunisien sont fausses.
l’espace de Post ne me permet pas d’expliquer davantage.
Personnellement, j’aime mon travail, et j’aime aussi que les gens comprennent et ne se fassent pas arnaquer.
Le marketing, la vente et la publicité payante sont trois disciplines différentes, mais complémentaires. 👀
🌟🌟

23/08/2025

برشا رسائل تجيني على المحتوى التسويقي
"ياخي المحتوى عندو بنية خاصة "؟؟ 🤔
أكيد أصدقائي و أوّل خطوة في كتابة المحتوى هوما HOOK and LOOP 💁‍♂️👨‍💻
في كومنت تلقى البقية 👇👇

23/08/2025

قبل ماتخمم تبيع أي منتج إسأل روحك 🤔 "الإستهداف" P2 Podcast marketing with مربع التفكير 🧠

21/08/2025

انت بقرة 🐄 و زيد بنفسجية 💜 ؟؟
شنية لحكاية ؟؟ 🤔🤔

20/08/2025

تلقاو البقية عند مربع التفكير 💁‍♂️ شكرا daraji على الدعوة ❤️ انشاء الله نكون فدنا الناس لكل 🙏

19/08/2025

كل Small business يحتاج إلى مستوى معيّن من ال RISK
فالنمو الحقيقي يجي بعد تجارب عديدة ..
و الأداء الوحيدة الي تخلي التجارب و المخاطرة محسوبة و تحولها إلى فرصة هي التسويق 💁‍♂️

13/08/2025

4PS :
هوما العمود الفقري لكل استراتيجية تسويقية ناجحة ✋️💜💜
هوما الوسيلة لكي يعيش العميل كل تفصيلة من فكرتك ‼️🗣

12/08/2025

اعلان واحد مايبيعش ‼️
مالا كيفاش نبيع ؟؟؟ 🤔🤔

29/07/2025

تعرف علاش الكليون متاعك يناقش برشا على السوم ⁉️
موش على خاطر سعرك غالي 🚫
?🤔

👁️‍🗨️ في دراسة علم التسويق عنا عنصر مهم المسمّى ب "سلوك المستهلك " و فيه نحكيو على حاجة تدعى بي علم النفس السلوكي ..
فما ظاهرة اسمها "انحياز السيطرة – Control Bias"
وهي انحياز ذهني يخلي الشخص يرتاح أكثر وقت يحس اللي عندو سلطة على القرار، حتى وإنه في الحقيقة الاختيارات محدودة أو متشابهة.

🧠 مثال واقعي:

إنت كبائع، كي تجي تعرض خدمة بـ100 دينار، والعميل يقولك:
ما فماش تخفيض؟

مش شرط يكون مش قادر يدفع، ولا يشوف السعر غالي.
عميلك يحب يحس إنه هو اللي فاوض، هو اللي كسب المعركة، هو اللي عندو الكلمة الأخيرة.

لو تعطيه حسّ السيطرة (حتى لو بطريقة ذكية ومدروسة)، تضمن بيعة وأحيانًا حتى ولاء طويل المدى.

🧰 كيفاش تطبّق هذا في البيزنس متاعك؟

1. خيارات متعددة: بدل ما تعطيه عرض واحد، حضّر باقتين أو ثلاثة:

باقة أساسية

باقة متقدمة

باقة VIP

هو يختار، فيحس بالسيطرة، حتى لو كل الباقات مربحة ليك.

2. وقت محدود لكن مش ضغط:
بدل ما تقول: "لازم تشري توّة"، قول:

العرض متوفّر لـ48 ساعة، تنجم تاخذ وقتك تفكر

هنا تخلّيه يحس بالراحة، وفي نفس الوقت تعطيه سبب يتصرّف قبل ما يفوّت الفرصة.

3. تفاوض رمزي: إذا أصرّ على خصم، عطِيه:

شحن مجاني

هدية صغيرة

تخفيض رمزي 5–10%

موش الخفض هو المهم، المهم يحس إنه ربح ..
أصدقائي قرار الشراء عند العميل مربوط بالمشاعر أكثر من السعر ..

خليه يحس اللي هو اللي يختار، موش إنت اللي تفرض.

انشاء الله نكون فدت الجميع 🧠
شارك المحتوى مع أصدقائك 💁‍♂️
Louey Debbich - L'expert Marketing

28/07/2025

أحسن ماتعلّمت من هذا الكتاب !🤗
عسلامة أصدقائي 💁‍♂️ .. كان عندك بيزنس او وظيفتك في بوسط في علاقة بالتسويق و المبيعات او حتى عندك مهارة و تحب تبيعها .. لكلام هذا ليك انت ‼️🗣
علم التسويق من أكثر العلوم إثارة و تشويق موش على خاطرو أكثر المجالات طلبا عند الشركات فقط !! .. أما لأنو المتعة في هذا المجال في وصولك إلى مرحلة تخليك تتنبأ و تتحكم بمسار قرارات المستهلك العام و عميلك الخاص ..
و صدقوني قد ماتقرى في المجال هذا قد ماتحس روحك ماتعرف شيء و انك في صراع سرعة مع قرارات عميلك المفاجأة..
نعرف الي برشا يقراو طوى و أكيد باش تكون عندهم علاقة بمجال التسويق أما في وظيفتهم او امتلاكهم لبيزنيس خاص ..
لكن برشا زادة ماعندهمش غرام بأنو يقرى كتاب و الا يتبّع تجارب سابقة تنجم تفيدو .. على. هذاكا بديت في فقرة 🧠
الي باش نحاول ننقل فاها ليكم أحسن الأفكار و التجارب السابقة في علم التسويق و المبيعات .
كتابنا ليوم أكثر من مجرد معلومات و أوراق و غلاف لأني شخصيا شخت برشا على تصوير الكاتب 12.5 مبدأ في فهم دوافع الشراء ..
علاش عميلك يشري من عندك ؟؟ 😳
هذا سؤال ضروري تسألو لنفسك كل يوم .. و تحاول تلقى إجابة مختلفة كل يوم ..
و هذه أهم مبادئ صوّرها الكاتب لتحقيق النجاح في المبيعات 💁‍♂️
🔸 آمن بروحك وبالمنتج متاعك:
كان إنت ماكش مقتنع بالحاجة اللي تبيع فيها، كيفاش تحب الحريف يقتنع؟ الحماس مهمّ !

🔸 حضّر روحك قبل ما تمشي للحريف:
اعرف عليه، على شركتو، على مشكلتو. كل ما تكون محضّر، كل ما تربح ثقة.

🔸 اسأل قبل ما تحكي:
خلي الحريف هو اللي يحكي ويكتشف اللي منتجك هو الحل.

🔸 احكي على القيمة، موش على السعر:
الفلوس موش كل شي. اللي يحس بالفائدة، يدفع أكثر وهو فرحان.

🔸 كون شريك، موش بائع:
عاون الحريف ينجح، مش كان تبيع وتروح.

🔸 كبر علاقاتك:
الناس اللي تعرفهم تنجم تجيبلك فرص ما كنتش تتوقعها.

🔸 ميّز روحك:
خلي فيك حاجة تفرّقك عن باقي البياعة. الأسلوب، الخدمة، الطاقة...

🔸 خلي الحريف يرجعلك:
بعد ما تبيع، تابع معاه. خليه يحس بالاهتمام، باش يرجع ويجيب معاه غيره.

🔸 طوّر روحك ديما:
اقرا، تعلّم، جرّب، اغلّط وتعلم. البيع عالم متحرّك.

🔸 خليك ديما إيجابي:
حتى وقت الصعوبات، الإيجابية تعطيك طاقة وتخلي الحريف يرتاحلك.
في نهاية أصدقائي نحب نقلكم انو كل حاجة تقراها و الا تتعلمها جديدة في علاقة بمجالك ضروري تخرج منها بحاجة .. نصيحة اليوم و ركّز فاها مليح :
في أي شركة عنا ثلاث أنواع من المسوّقين و البائعين الناجحين :
1_ البائع الجيّد :
و هو الي يبيع خصائص المنتج مع رغبات و احتياج العميل
2_ البائع الذكي :
و هو الي يبيع و يثوّر نتائج استعمال المنتج متاعو
3_ و البائع العبقري :
و هو الي يبيع مشاعر.. مشاااعر .. مشاااعر .
انشاء الله نكون فدتكم حتى شوية أصدقائي ❤️
حاول تفيد حتى انت أصحابك و انشر المحتوى 💁‍♂️
Louey Debbich - L'expert Marketing

23/07/2025

شنوة معناها استراتيجية تسويقية ‼️
سؤال هذا ديما يوصلني و الغلطة الي ديما تتعاود كيف نحب نبيع منتج شنوة نعمل أول حاجة ؟ يكفي نعمل سبونيورينج؟؟؟ 🤔

أول خطوة تنجم تخليك توجّه البيزنيس متاعك للثنية الصحيحة هي تتعلّم كيفاش تسوّق للبيزنيس في حد ذاتو و تحوّلو من مجرد صفحة تبيع إلى شكل براند ينجم ياخو جزء من المرشي متاعك ..
كي نقول تتعلم تسوّق مانيش نحكي على السبونسورينغ الي للأسف في تونس نعرفو التسويق بالسبونسورينج ..
خليني نقلك انو الحملات الإعلانية المدفوعة( sponsored ) هي أحد وسائل التسويق المدفوع.. و ماهي الا أداة تعاونك في الترويج لفكرة ماا ..
و اذا ماعندكش فكرة كيفاش باش تروجلها ؟
و كان عندك فكرة و ماتعرفش تصوّرها للجمهور و تخرج منها محتوى جيد، كيفاش باش تروجلها ؟
و اذا عندك فكرة و نجحت في انشاء محتوى لكن ماتعرفش شكون تستهدف من جمهور، كيفاش باش تروجلها ؟
نوصل معاك لبعيد .. كان عملت هاااذم لكل صحااح و غيرهم من خطوات التسويق الصحيحة لكن عندك خطأ بسيط في حطّان السعر المناسب للمنتج متاعك .. كيفاش باش تروّج و تبيع ؟؟؟
نحكي في هذا لكل باش نحاول نفيدك و نفيد اي انسان يقرى طو ..
التسويق أصدقائي هو عملية متكاملة ممزوجة بين جهد مبذول و علم التسويق المدروس و فنّ البيع اللا مباشر ..
أول نتعلموها في التسويق شنوة معناها استراتيجية تسويقية ؟
شنوة الفايدة منها ؟ يكفي اني نهبط تصاور و فيدوات على تيكتوك و إنستغرام و نبيع ؟
و الا فما عناصر ندرسوهم من الإستهداف الصحيح و القنوات المناسبة و الكتابة المحتوى و دراسة سلوك المستهلك و المزيج التسويقي و غيرو..
علاش نعمل هكا ؟
باش نلقى بلاصة و نتحول إلى أكثر من احتياج عند عميلي بل نصبح براند نبيع نتائج و مشاعر ..
النجاح في تطوير البيزنيس متاعي يبدأ و قت نفهم انو هدفي هو بناء قاعدة جماهيرية قبل مانبيع .. نحتاج جمهور يفهمني فاش نحكي و ينجم يشري من عندي غدوة بل يبيعلي هو كيف يحكي عليااا ..
قد ماتتعلم شنوة تستحق في التسويق قد ما نسبة نجاحك تكون أكثر..😊
مرحبا بأسئلة الجميع أصدقائي 🔄
Louey Debbich - L'expert Marketing

Louey Debbich - L'expert Marketing

19/12/2025

15/11/2025

23/08/2025

23/08/2025

21/08/2025

20/08/2025

19/08/2025

13/08/2025

12/08/2025

29/07/2025

28/07/2025

23/07/2025

Address

Telephone

Website

Alerts

Contact The Business

Shortcuts

Share

Category