Kisipika Changu Tv

13/01/2026

SIFA NI ZAKO BWANA WA MABWANA

03/06/2025

02/06/2025

Breaking News: Kanisa la Ufufuo na Uzima la Askofu Gwajima limefungiwa kwa kosa la kutumika Kisiasa.

Barua kutoka Wizara ya Mambo ya Ndani, Ofisi ya Msajili wa Jumuiya inasomeka k**a ifuatavyo:-

KUFUNGWA KWA SHUGHULI ZA KANISA LA GLORY OF CHRIST CHURCH - KANISA LA UFUFUO NA UZIMA

Chini ya Kifungu cha 17(b) na kifungu cha 2 cha Sheria ya Jumuiya Sura ya 337 k**a kilivyorekebishwa na kifungu cha 39(b) cha Sheria ya Marekebisho Mbalimbali ya Sheria Namba. 3 ya Mwaka 2019

Tafadhali, rejea somo tajwa hapo juu.

2. Katika siku za hivi karibuni, kupitia vyombo vya habari na mitandao ya kijamii, umeonekana ukiwa katika mimbari ya Kanisa la Glory of Christ Church @ Kanisa la Ufufuo na Uzima, ukitoa mahubiri yenye mwelekeo wa kisiasa na nia ya kuichonganisha Serikali na wananchi. Vitendo hivi ni kinyume cha Sheria ya Jumuiya Sura ya 337na vinaweza kuhatarisha amani na utulivu nchini.

3. Kwa Mamlaka niliyopewa, Ofisi ya Msajili wa Jumuiya za Kiraia inafuta usajili wa Glory of Christ Church @ Kanisa la Ufufuo na Uzima, kuanzia leo tarehe 02 Juni 2025. Hivyo, unatakiwa kusitisha shughuli za Kanisa lako mara moja.

4. Chini ya kifungu cha 19(1) cha Sheria ya Jumuiya Sura ya 337, Kanisa lina haki ya kukata rufaa juu ya uamuzi huu kwa Waziri wa Mambo ya Ndani ya Nchi kupitia kwa Katibu Mkuu, ndani ya siku 21 kuanzia tarehe ya barua hii.

5. Kwa Amri ya Msajili wa Jumuiya za Kiraia.

01/06/2025

ASKOFU WA MAKANISA YA UFUFUO NA UZIMA ASIMAMIA MSIMAMO WAKE ULEULE KUWA YEYE HAOGOPI CHOCHOTE KATIKA IBADA YALE YA LEO AMEELEZA MSIMAMO WAKE JUU YA ALICHOKISEMA KATIKA PRESS YA WAANDISHI WA HABARI ILIOFANYIKA SIKU ZILIZOPITA

11/05/2025

TANZIA: Aliyekuwa Mkurugenzi wa Idara ya Mawasiliano Ikulu ya Zanzibar na Msemaji Mkuu wa Serikali ya Mapinduzi ya Zanzibar, Charles Hilary, amefariki dunia alfajiri ya leo Mei 11, 2025.

Charles pia aliwahi kuwa mtumishi mwandamizi wa Azam Media Limited kati ya mwaka 2015 na 2023.

Alihitimisha muda wake akiwa Mkuu wa Idara ya redio ya UFM, baada ya kuteuliwa kuwa Mkurugenzi wa Idara ya Mawasiliano Ikulu ya Zanzibar.

Kwa mujibu wa chanzo cha karibu, Hilary amefariki baada ya kuugua ghafla na mauti yamemkuta akiwa njiani kupelekwa hospitali ya Taifa ya Muhimbili tawi la Mloganzila.

Mtangazaji huyo wa zamani kinara wa Azam News na Mkuu wa UFM Redio ana historia ndefu katika utangazaji akiwa amevitumikia vituo mbalimbali vya habari ikiwemo Shirika la Utangazaji la Taifa (TBC) wakati huo ikiitwa Redio Tanzania na Shirika la Utangazaji wa Uingereza (BBC).

08/05/2025

Wabunge wa Ulaya wamejadili maazimio kuhusu Mwenyekiti wa Chama cha upinzani, Chadema Tanzania, Tundu Lissu na kulaani kitendo cha kuk**atwa kwake pamoja na tuhuma zinazomkabili ambazo ambazo wanasema zinaonekana kuwa za kisiasa na zinazobeba hatari ya kifo.

Hatua hiyo imefikiwa baada ya bunge hilo kufanya kikao cha dharura kujadili suala la Mwenyekiti wa Chadema, Tundu Lissu.

Maazimio yaliyojadiliwa ni yapi?

Wameitaka Serikali ya Tanzania kumwachilia mara moja Lissu na bila masharti yoyote, ili kuhakikisha usalama wake na haki yake ya kusikilizwa kwa haki na uwakilishi wa kisheria.

Wabunge hao wanazitaka mamlaka za Tanzania kukomesha ukandamizaji unaoendelea, uk**ataji hovyo, unyanyasaji, mashambulizi na unyanyasaji dhidi ya wanachama wa upinzani, watetezi wa haki za binadamu, watu wa kiasili, wanaharakati wa LGBTIQ+, waandishi wa habari na mashirika ya kiraia, na kuchunguza kwa uhuru dhuluma za polisi na kupotea kwa watu, kudumisha utawala, sheria, vyombo vya habari, uhuru wa kujieleza, uhuru wa vyombo vya habari na mahak**a.

Sheria za uhalifu wa mtandaoni na vyombo vya habari za Tanzania kwa zizingatie sheria za kimataifa za haki za binadamu, kuheshimu haki za vyama vya siasa na kuhakikisha uchaguzi huru na wa haki.

Wito kwa mamlaka za Tanzania kurejesha ushiriki kamili wa Chadema katika uchaguzi wa Oktoba 2025 na kushirikiana na vyama vyote vya siasa katika mazungumzo ya uwazi na jumuishi kuhusu mageuzi ya uchaguzi, kwa kushauriana na mashirika ya kiraia na wadau wengine.

Wito kwa EU na nchi wanachama wake kuwasiliana kwa kina na mamlaka za Tanzania kuhusu kesi ya Lissu na kufuatilia kwa karibu kesi; inawataka kuzingatia hatua zinazofaa ikiwa hali ya haki za binadamu itaendelea kuzorota.

Wanaitaka Tanzania kufuta hukumu ya kifo na kubadilisha hukumu zote za kifo.

Wanasisitiza haja ya EU kuhakikisha kwamba ushirikiano wake wa kimaendeleo na Tanzania, ikiwa ni pamoja na mpango wa Global Gateway, unaendana na uendelezaji wa haki za binadamu, uhuru wa kujieleza na viwango vya kesi vyenye haki.

Wabunge hao wanamuagiza Rais wake kupeleka azimio hilo kwa Serikali na Bunge la Tanzania pamoja na Umoja wa Afrika.

24/04/2025

Mwenyikiti wa Chama cha Demokrasia na Maendeleo (Chadema), Tundu Lissu amegomea kesi yake ya kuchapisha taarifa za uongo kwa njia ya mtandao wa Youtube kusikilizwa kwa njia ya video na badala yake anataka kesi hiyo isikilizwe kwa njia ya wazi.

Taarifa hiyo imetolewa leo Alhamisi, Aprili 24, 2025 na askari magereza mwenye nyota tatu, wakati kesi hiyo ilipoitwa kwa mara ya pili kusikilizwa kwa njia ya mtandao.

Askari huyo wa Magereza ambaye hakujitambulisha jina lake, ametoa taarifa hiyo kwa njia ya video akiwa mahabusu.

24/04/2025

Waendesha mashtaka wa Korea Kusini wamemshtaki Rais wa zamani Moon Jae-in kwa rushwa siku ya Alhamisi, wanadai kuwa shirika moja la ndege lilimpa mkwe wake kazi wakati wa muhula wa Moon madarakani.

Mashtaka ya Moon yanamuongeza kwenye orodha ndefu ya viongozi wa Korea Kusini ambao wamekabiliwa na kesi au kashfa mwishoni mwa muda wao au baada ya kuondoka madarakani.

Moon, ambaye aliiongoza Korea Kusini kutoka 2017 hadi 2022 chini ya chama cha mrengo wa kushoto cha Democratic, anadaiwa kumteua mbunge wa zamani katika shirika la hisani linalofadhiliwa na serikali ili na yeye amuajiri mkwewe katika shirika la ndege la Thailand, Ofisi ya Mwendesha Mashtaka wa Wilaya ya Jeonju ilisema katika taarifa Alhamisi.

Waendesha mashtaka wanadai Moon alimteua Lee Sang-jik kuongoza SMEs na Shirika la Startups kwa malipo ya mkwe wake wa zamani, anayeitwa Seo, kuteuliwa kuwa mkurugenzi mtendaji wa kampuni ya Thai Eastar Jet, ambayo ilikuwa ikiendeshwa na Lee wakati huo.

Wanadai kuwa takriban dola za kimarekani 151,959 katika mshahara na marupurupu mengine yaliyotolewa kwa Seo yanahesabiwa kuwa ni rushwa kwa Moon.

"Kwa hiyo mshahara aliolipwa kwa mkwe wake ulikuwa ni rushwa kwa rais? Hili linaingia akilini kweli?” amehoji msemaji chama cha Moon, Park Kyung-mee.

Vyombo vya habari vya Korea Kusini viliripoti kwamba bintiye Moon na mumewe walitalikiana mwaka 2021.

Ofisi ya Mwendesha Mashtaka wa Wilaya ya Jeonju imesema katika taarifa Lee pia amefunguliwa mashtaka ya kutoa rushwa kwa Moon na uvunjaji wa uaminifu.

Ofisi ya waendesha mashtaka inasema mkwe wa zamani wa Moon aliajiriwa k**a mkurugenzi katika kampuni ya Lee nchini Thailand ingawa hakuwa na uzoefu wa kazi katika sekta ya ndege.

Ofisi hiyo inasema alitumia muda mfupi tu katika ofisi ya kampuni hiyo nchini Thailand na kufanya kazi kidogo tu huku akidai kuwa anafanya akiwa Korea Kusini.

Mashtaka ya Moon yanakuja kabla ya Korea Kusini kumchagua rais mpya Juni 3 kuchukua nafasi ya Rais wa mhafidhina Yoon Suk Yeol, ambaye aliondolewa madarakani kwa sababu ya kutangaza hali ya hatari.

23/04/2025

IDF na ISA walishambulia karibu magari 40 ya uhandisi ya Hamas yaliyotumika katika shambulio la Oktoba 7 na shughuli za kigaidi zinazoendelea. Magari haya yalihusika katika kuvunja mpaka wa Israeli, kutega vilipuzi, na kuficha silaha. Mgomo huo ulilenga kusambaratisha sehemu muhimu ya uwezo wa uendeshaji wa Hamas huko Gaza.