02/21/2024
#प्रेरणादायी # youtube.com/channel/UCBl3y-IJgb18s-w5X_9qjoA
हाम्रो सफलताको बाधक हाम्रो शारीरिक असक्षमता होइन । झमक घिमिरेका दुवै हात चल्दैनन् । उनले जन्मदा नै यी तमाम् शारीरिक असक्षमता लिएर यो धर्तीमा आएकी थिइन् । उनको परिवारले उनलाई त्याग्न चाहन्थे, तर घिमिरेले आफ्ना खुट्टाले माटोमा अक्षर कोरेर लेख्न र पढ्न सिकिन् । आज उनको पुस्तकले मदन पुरस्कार जितेको छ ।
हरि बुढा मगरका दुवै खुट्टा घुडामाथीबाट काटिएका छन् । तर, उनले २०१७ मा सगरमाथा मात्र चढेनन, double above-knee amputee व्यक्तिले प्रथम पटक संसारको अग्लो चुचुरो चढेर विश्व रेकर्ड पनि बनाए ।
मेनुका पौडेल जन्मजात रुपमै आँखा देख्न सक्दिनन् । दृष्टि छैन, तर आवाज त छ नि । हो, यसै क्षमतालाई अघि बढाएर आज दक्षिण एसियामै प्रख्यात बन्न सफल भएकी छिन । र, झन्डै डेढ अर्व भएको भारतमा आयोजित इन्डियन आइडलमा टप-टेन हुन् सफल रहिन् ।
पारिजातलाई नसुन्ने र नपढ्ने कमै होलान । तर, उनि २६ वर्षको युवा उमेरमै पक्षघातको शिकार भएकी थिइन् । उनीलाई हिडडुल गर्न पनि कठिन थियो, आफ्नो बहिनिको स्याहारसुसारमा बाकि जीवन बाचेको पारिजातले 'शिषिरको फूल' जस्तो कालजयी कृति लेख्न सफल रहिन ।
यसर्थ, तिम्रो सफलताको बाधक तिम्रो शारीरिक कमजोरी होइन, तिम्रो बाधक त तिमी स्वयं हौ जसले अघि बढ्नुमा संघर्ष गर्नुमा बाहाना देखाउदछ । तिम्रो असफलताको बाधक त तिम्रो क्षिण सोचाइ हो, कायरता हो, अल्छी प्रवृत्ती हो, आत्मविश्वास नहुनु हो, सुरक्षा खोज्नु हो....। तिमी सिवाय यो ब्रह्माण्डमा तिम्रो सपनालाई कुल्चाउन सक्ने कुनै दोश्रो ताकत छैन ।
Good morning ❤️
