03/08/2024
عشان تتعلم البرمجة مش بالضرورة ابدا تكون عبقري ولا ان سنك يكون صغير،
مش لازم خالص تكون أسطورة في الرياضيات أو تكون انطوائي قاعد في بيتكم ٢٤ ساعة،
و مش هتتعلمها في اسبوعين ولا شهر و مش اول ما تكتب كلمتين هتلاقي العملاء بتنقطك بفلوس و انت قاعد،
ده مجال كبير جدا و متشعب و كل تفريعة منه باتجاه و كل اتجاه فيه له طرق معينة لازم تمشيها و تفهمها و تحترفها،
أهم شئ البحث ثم البحث ثم البحث،
و تحديد شغفك هيبان لما تبدأ تشوف التفريعات الكتيرة اللي فيه،
الخرافات و الكلام اللي ملوش سند لازم نقضي عليهم خصوصا ان الناس دايما بتفتكر حاجه و بتلاقي غيرها،
لازم تعمل بحث بنفسك و تتأكد من المعلومات، احنا في ٢٠٢٤ بالتالي قدراتك علي الوصول للمعلومة بنفسك بقت أضعاف ما كانت عليه في السابق، المهم متكسلش.
