06/19/2026
ታዋቂው የሙዚቃ ፕሮዲውሰር እና ማኔጀር አዲስ ገሠሠ አረፈ
* አስከሬን ወደ ሀገር ቤት ሊሸኝ ነው
| የጃኖ ባንድ መስራች እና የዳሎል ባንድ አባል የሆኑት የሙዚቀኛ ዘለቀ ገሠሠ ወንድም፣ እንዲሁም በዓለም አቀፍ ደረጃ ስማቸው የገነነ ታዋቂው የሙዚቃ ፕሮዲውሰር እና ማኔጀር አቶ አዲስ ገሠሠ ከዚህ ዓለም በሞት መለየታቸውን የቅርብ ወዳጆቻቸው በታላቅ ሀዘን አስታውቀዋል።
አቶ አዲስ ገሠሠ በአሜሪካ፣ ኒው ጀርሲ በሚገኘው መኖሪያ ቤታቸው ባደሩበት በድንገት ህይወታቸው ያለፈ ሲሆን፣ የሞታቸው ምክንያት እስካሁን በውል እንዳልታወቀ ተገልጿል።
በአሁኑ ወቅት አስከሬናቸው ወደ ውድ ሀገራቸው ኢትዮጵያ ለመሸኘት ዝግጅት እየተደረገ መሆኑን ከቅርብ መረጃዎች ለማወቅ ተችሏል።
በድንገተኛ ህልፈታቸው የሙዚቃው ዓለም፣ ቤተሰቦቻቸው፣ ወዳጆቻቸው፣ እንዲሁም አድናቂዎቻቸው በጥልቅ ሀዘን ላይ ይገኛሉ።
