MediaFokus

25/08/2026

“U infiltrua në SHIK dhe depërtoi në AKI”, Vehbi Kajtazi sjell historikun e errët të Fatmir Shehollit

Reagimi në koment:

25/08/2026

EDUKIMI MEDIATIK – NJË PËRGJEGJËSI E PËRBASHKËT PËR PRINDËRIT DHE MËSUESIT

Sabedin Sherifi

Një përvojë nga Hanau që vlen edhe për familjet dhe shkollat në Kosovë

Kohët e fundit pata mundësinë të marr pjesë, si prind, në një ligjëratë të organizuar në një gjimnaz në Hanau të Gjermanisë.

Ligjërata iu kushtua prindërve të nxënësve dhe trajtoi një temë jashtëzakonisht të rëndësishme për kohën në të cilën po jetojmë:

“Edukimi mediatik – një detyrë gjithëpërfshirëse!”

Ishte një kënaqësi dhe një përvojë shumë e vlefshme të isha pjesë e këtij takimi së bashku me shumë prindër të tjerë të shkollës.

Ligjërata na bëri të reflektojmë për një çështje që prek çdo familje: si t'i ndihmojmë fëmijët tanë të jetojnë, të mësojnë dhe të zhvillohen në mënyrë të shëndetshme në epokën digjitale.

Por, duke dëgjuar dhe reflektuar mbi këto këshilla, mendova se ky mesazh nuk duhet të mbetet vetëm në Hanau.

Ky mesazh është i rëndësishëm edhe për Kosovën

Sot pothuajse çdo fëmijë në Kosovë jeton pranë telefonit, internetit, YouTube-it, TikTok-ut, lojërave elektronike dhe rrjeteve sociale.

Prandaj, kjo temë duhet t'u dedikohet edhe prindërve, mësuesve dhe institucioneve arsimore në Kosovë.

Nuk është e mjaftueshme t'u themi fëmijëve:

“Mos e përdor telefonin!”

Duhet t'u mësojmë si ta përdorin telefonin dhe internetin në mënyrë të përgjegjshme.

Prindi dhe mësuesi duhet të jenë shembull

Një nga mesazhet më të rëndësishme të ligjëratës ishte se fëmijët mësojnë shumë më tepër nga shembulli sesa nga fjalët.

Nëse kërkojmë nga fëmijët të mos përdorin telefonin gjatë ushqimit, edhe ne duhet ta lëmë telefonin mënjanë.

Nëse kërkojmë prej tyre të lexojnë libra, të komunikojnë dhe të merren me aktivitete të tjera, duhet t'u tregojmë se edhe ne i vlerësojmë këto gjëra.

Fëmijët shikojnë çfarë bëjmë ne, jo vetëm çfarë u themi.

Kjo vlen njësoj për prindërit dhe për mësuesit.

Shkolla dhe familja duhet të bashkëpunojnë

Edukimi i fëmijës nuk mund të jetë vetëm përgjegjësi e shkollës dhe as vetëm e familjes.

Prindi dhe mësuesi duhet të jenë partnerë në edukimin e fëmijës.

Duhet të flasim së bashku për:

- kohën që fëmijët kalojnë para ekranit;
- përdorimin e telefonave në shkollë dhe në shtëpi;
- rrjetet sociale;
- sigurinë në internet;
- ndikimin e videove dhe përmbajtjeve të papërshtatshme;
- rëndësinë e leximit dhe komunikimit;
- aktivitetet sportive dhe kulturore;
- kohën e kaluar me familjen dhe shoqërinë.

Teknologjia nuk është armiku

Nuk duhet ta shohim teknologjinë si armik.

Interneti dhe pajisjet digjitale kanë shumë mundësi të mira për mësim, komunikim dhe zhvillim.

Problemi fillon kur teknologjia fillon ta kontrollojë jetën e fëmijës, në vend që fëmija ta kontrollojë përdorimin e teknologjisë.

Fëmijët kanë nevojë edhe për libra, sport, muzikë, art, natyrë, shoqëri dhe biseda me familjen.

Një pyetje për çdo prind

Në fund të ditës, ndoshta duhet t'ia bëjmë vetes një pyetje të thjeshtë:

“Çfarë ka bërë fëmija im sot, përveçse ka përdorur telefonin ose pajisjet digjitale?”

Dhe ndoshta duhet ta bëjmë këtë pyetje edhe për veten:

“Çfarë kam bërë unë sot përveç përdorimit të telefonit?”

Këto pyetje të thjeshta mund të na bëjnë të reflektojmë shumë.

Një mesazh për prindërit dhe mësuesit në Kosovë

Si prind, pas kësaj përvoje në Hanau, mendoj se do të ishte shumë e dobishme që edhe në shkollat e Kosovës të organizohen më shpesh ligjërata dhe takime të tilla me prindër dhe mësues.

Sepse bota digjitale nuk njeh kufij.

Ajo që ndodh në Hanau, Prishtinë, Prizren, Gjilan apo në një fshat të Kosovës, në shumë raste është e njëjtë: fëmijët tanë po rriten në një botë digjitale.

Prandaj, edhe përgjegjësia jonë është e përbashkët.

Të edukojmë fëmijë që dinë ta përdorin teknologjinë, por që nuk bëhen robër të saj.

Kjo është një detyrë e prindërve.

Kjo është një detyrë e mësuesve.

Kjo është një detyrë e shkollës.

Dhe mbi të gjitha, është një përgjegjësi e të gjithë shoqërisë.

25/08/2026

Dokumenti “Top Sekret” në telefonin e Shehollit: Me para të ambasadave islamike në Beograd të ndërtohen xhami nëpër Kosovë

Detajet shokuese në koment:

25/08/2026

Aktakuzë ndaj 21 serbëve për krimet në Reçak – Prokuroria pretendon se u vranë 42 civilë dhe u dëbuan rreth 20 mijë persona

Lajmi me detaje në koment:

25/08/2026

25/08/2026

Mbi 35 mijë persona humbën jetën nga i nxehti ekstrem në Evropë këtë verë

Lajmi në koment:

25/08/2026

Detaje tjera nga aktakuza ndaj Fatmir Shehollit, i dyshuar për spiunazh dhe shantazh

Lajmi në koment:

25/08/2026

Vendosen para KEK-ut fotografitë e punëtorëve të vdekur, kërkohen kushte të sigurta për punë

25/08/2026

Mesele: Agës as nuk p’i hungjet, as nuk p’i qohet.........
Sabit Rrustemi (Sipas kall’zimit të Sinan Sadikut)

Kanë thanë, borxhi nuk pritë ditë t’ mirë. Borxhlia, ta ze derën bash kur s’e prit, hiç.

K’shtu i bani vaki edhe ni Ahmetit t’Sfircës. Në pikë të dimnit.

Se, vadet k’tyneherit i lashin, a me Midis të Dimnit, a me Ditë t’ Shingjergjit… bile bile edhe me Midis të Verës e me Ditë të Shmitrit.

N’ katër shejat e motmotit, se k’to ma lehtë u majshin n’ men’.

Po, borxhlia i Ahmetit t’ Sfircës nuk thirrri në asnjanen pej k’tyne ditave. Vej kur ju perhi para dyrve. Thirri, edhe qysh mos me shti mrena?!

Ai e shtini, po vetë met si n’ therra. Xhepat tiritangall, pa asnji bankë…

Ku m’i gjetë se ? Do miq qi kish ymyt, bajagi si larg. Hajt, tha, të dal n’ kojshi, helbete mos po m’ bajnë çare.

Tokrru, tokrru e te shpijat e para. Kersiti n’ dyrë.

Dul nji grue edhe kur e pa, hiq s’i erdh mirë se, e mur me men qi burrat nuk tek janë n’ shpi.

– Hajde Ahmet aga, hajde…mirë se t’ ka pru zoti!

Ahmet agës, i keshi pak buza, po nuk foli, vej menoj vet me veti. “Qysh janë edhe k’to gratë, t’bajnë agë pa nji bankë n’ xhep”.

Hini mrena n’ shpi, qaty ku rrijshin ditën, truç, burra e gra e fmi…se, nuk ish jabanxhi. Edhe po sillet nëpër sobë, anej e k’nej.

Gratë p’e kshyrin. P’e shohin qi nji zavall e ka, ama po menojnë qi s’ po do m’u hungjë masi nuk p’i sheh burrat n’ shpi. Edhe per me shliru, p’e lusin:

– Ahmet aga, hungju pak, hungju.

Po Ahmeti mentë te borxhlia qi e kish kompir, midis shpie. Qysh me u hungjë.

Burrat nuk tek janë k’tu e gratë s’ mun i bajnë çare.

Njana pej tyne apet poj thotë;

– Ahmet aga hungju, mos rri n’ kamë se qe s’ vanohen burrat, vijnë….

Po, Ahmeti, tuj u sjell qashtu neper sobë, hiq pa menu se qysh po vret, se e kish kapë zavalli i pareve, jav kthen:

– Vallahi agës, as s’p’i hungjet, as p’i qohet.

Gratë u kshyren ner veti. Kthynë kryet me ni anë e t’ ja plasën gazit.

Ahmeti, mezi e gjet derën e dul jashtë.

Met pa ju kallzu edhe per shka kishte shku, se …

25/08/2026

Fahri Rashidi, mjeku dhe patrioti nga Gjilani që mori pjesë në tri qeveri shqiptare....

Mjeku dhe patrioti i shquar Fahri Rashidi (Gorani), është pak i njohur në Shqipëri, ku punoi e jetoi dhe aq më pak, ose fare hiq, në vendin e tij të origjinës, në Kosovë, shkruan Mediafokus.info

Sipas shënimeve të arkivave shqiptare, dr Fahri Rashidi, mjek kirurg në Shqipëri, ka lindur në Gjilan, në vitin 1881, në një familje me tradita të larta atdhedashurie.

Kjo ndjenjë, atij do t`i forcohet edhe më tepër nga shoqërimi me bashkatdhetarët e tij që jetonin dhe studionin në Stamboll, në krye me dr Rifat Frashërin dhe miqtë tjerë të shumtë.

Fahriu e kreu Fakultetin e Mjekësisë në Stamboll, më 1905. I ndihmuar prej patriotit shqiptar Hasan Prishtina, Fahriu shkon në Paris dhe specializohet në lëmin e kirurgjisë dhe ortopedisë, më 1907.

Gjashtë muaj punoi në Stamboll, e më pas shkoi në Prevezë, ku kishte vetëm shqiptarë dhe atje punoi si kirurg, vijon shkrimi i Mediafokus.info

Më vonë kthehet në Pejë e Prizren, ku punoi si kirurg. Më 1914, dr Fahriu ftohet nga doktorët Z. Starja, I. Temo, R. Pobrati dhe kthehet në Durrës, në shërbim të qeverisë së Princ Vidit, me qëllim të stabilizimit të gjendjes së shëndetësisë dhe organizimin e këtij sektori, ku qëndroi dy vjet.

Pas ikjes së qeverisë së Vidit, shkon në Shkodër. Me sugjerimet e dr Frashërit dhe dr Pobratit shkon të punojë në Korçë (1022-1924). Në qeverinë e Nolit ka punuar si ministër i Arsimit, ku hartoi një program strategjik për mënyrën e shkollimit të talenteve të rinj shqiptarë në shtetet e perëndimit.

Edhe në qeverinë e Zogut, dr Rashidi e vazhdoi veprimtarinë e vetë. Me kërkesën e Mbretit Zog shkon në Vlorë, ku emërohet drejtor i Spitalit të Kirurgjisë dhe Neuropsikiatrisë (1926-1932).

Vlora e njohu mirë mjekun kosovar gojëmbël, të qetë e shumë të edukuar. Në Vlorë, dr Fahriun e ndihmoi edhe mjeku popullor dr Xheladini, që gjithashtu ishte nga Kosova, por nuk dihet saktë se nga cili vend.

Më vonë dr Rashidi u caktua drejtor i Kryqit të Kuq Shqiptar, ku qëndroi deri më 1934, kur u tërhoq, meqë edhe Zogu nuk e shihte më me sy të mirë për shkak të lidhjeve të tij me Hasan Prishtinën.

Derisa ishte në krye të kësaj organizate humanitare, vuri lidhje dhe bashkëpunim me organizatat perëndimore.

Vitet e fundit të jetës, punoi këshilltar në klinikën obstetrike-gjinekologjike, të ngritur nga J. Bashko dhe O. Jonuzi.

Kontribuoi për ngritjen e shërbimit tërësor kirurgjikal. Bashkëpunoi me atdhetarë dhe përfaqësues të forcave demokratike, si I. Boletini, B. Curri, F. Noli dhe të tjerë.

Në Shqipëri radhitet ndër figurat e shquara të mjekësisë shqiptare të asaj kohe, vijon tutje Mediafokus.

Mjeku dhe patrioti shqiptar me origjinë nga Kosova, përmendet edhe në një shkrim të ish-kryeministrit Pandeli Majko, të vitit 2012, ku ai flet për Dom Nikoll Kaçorrin, si njeri të lënë në harresë.

Në një pasues të vështrimit të tij, Majko thotë: “Pas dështimit të qeverisë së Ismail Qemalit, imzot Nikoll Kaçorri, së bashku me Luigj Gurakuqin, Fahri Gjilanin (Rashidin-v.j), Themistokli Germenjnin dhe Mustafa Krujën themeloi lidhjen “Për atdhe e për Thronin” për shpëtimin e atdheut nga trazirat e ndryshme antikombëtare.

Këtu Majko vë në dukje kontributin dhe atdhedashurinë e mjekut nga Gjilani i Kosovës.

Sa di vendlindja për të?

Mr Sc Isa Shefkiu është njëri nga familjarët e tij më të afërt në Gjilan. Ai hedh më shumë dritë mbi këtë figurë të shquar kombëtare.

Thotë se kjo familje është thirrur Gorani dhe vjen nga Livoçi i Poshtëm, që në Kosovë njihet si galeri e doktorëve.

Asnjë lokalitet tjetër në Kosovë nuk ka dhënë më shumë mjekë se ky fshat. Te rasti i dr Fahriut, që është mjeku i parë nga Kosova, mbiemri i tij Rashidi, siç e gjejmë në arkivat e Shqipërisë, është në të vërtetë emri i babait të tij.

Nga ish-familjarë të tij më të vjetër, Isa ka dëgjuar që mjeku Fahri të ketë qenë në Gjilan gjatë kohës së Luftës së Dytë Botërore, por nuk di më shumë për fatin e tij dhe të familjes.

“As ne nuk dimë më shumë për familjen e tij dhe nëse ka lënë pasardhës ose jo, por jemi në kërkim të fakteve tjera për të”, thotë Isa Shefkiu, ish-kryetar i Komunës së Gjilanit, para vitit 1990 dhe ish-deputet i Kuvendit të Kosovës, që shpalli Deklaratën e 2 Korrikut si dhe Kushtetutën e Kaçanikut.

Por, një gjë, sipas tij, është e sigurt sa i përket Fahriut. Ai është nga Gjilani, saktësisht nga fshati Livoç i Poshtëm.

Rashidi, babai i Fahriut dhe Salihu, stërgjyshi i Isës, kanë qenë kushëri të parë. Njerëzit më të afërm të tij në Gjilan, tani janë familja Shefkiu dhe Salihu.

Flitet se varri i dr Fahri Rashidit (Gorani) gjendet në Prizren, por kjo duhet të konfirmohet.

Në shkrimet e pakta që hasim për të, nuk përmendet askund nëse ai ishte i martuar dhe kishte pasardhës.

Jeta dhe veprimtaria e mjekut të parë kosovar dhe patriotit të madh të çështjes kombëtare, meriton të ndriçohet më shumë, sepse Kosova di fare pak për dr Fahri Rashidin.

Një personalitet i këtij formati nuk meriton të mbetet anonim në vendlindjen e tij./Mediafokus.info