Sri Lanka news

21/03/2026

අද (21) මධ්‍යම රාත්‍රියේ සිට ඉන්ධන මිල යළිත් ඉහළට -
92 Petrol 81 කින් 398
95 රු 90කින් 455 ⭕️

18/03/2026

G.C.E. උසස් පෙළ (උ/පෙළ) විභාග ප්‍රතිඵල එළැඹෙන සිංහල හා දෙමළ අලුත් අවුරුද්දට පෙර නිකුත් කරන බව විභාග කොමසාරිස් ජනරාල් ඉන්දිකා කුමාරි ලියනගේ මහත්මිය පවසයි.

ප්‍රතිඵල නිකුත් කිරීමට අවශ්‍ය කටයුතු මේ වන විට අවසන් වෙමින් පවතින බව ඇය සඳහන් කළාය. කොමසාරිස් ජනරාල්වරයා වැඩිදුරටත් සඳහන් කළේ අ.පො.ස. සම්බන්ධ ඇගයීම් කටයුතු. සාමාන්‍ය පෙළ (සා.පෙළ) විභාග ප්‍රශ්න පත්‍ර මේ වන විට ආරම්භ කර ඇත.

සාමාන්‍ය පෙළ විභාගයේ ප්‍රායෝගික පරීක්ෂණ අප්‍රේල් මස අග භාගයේදී පැවැත්වීමට නියමිත බවද ඇය පැවසුවාය.
ඒ අනුව ප්‍රායෝගික පරීක්ෂණ අවසන් වූ පසු සා/පෙළ ප්‍රතිඵල කඩිනමින් නිකුත් කිරීමට පියවර ගන්නා බවද ඇය පැවසුවාය.

16/03/2026

පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට එළැඹෙන බදාදා (17) සිට සෑම සතියකම බදාදා දිනවල නිවාඩු ලබාදීමට රජය තීරණය කර තිබෙනවා.

රජයේ ප්‍රවෘත්ති දෙපාර්තමේන්තුවේදී විශේෂ ප්‍රවෘත්ති සාකච්ඡාවක් පවත්වමින් අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා මේ බව ප්‍රකාශ කළේය.

12/03/2026

ශ්‍රී ලංකා පාසල් නෙට්බෝල් සංග­මයේ සභා­පති ලෙස මහ­නු­වර මහා­මායා බාලිකා විදු­හ­ල්ප­තිනි ශශි­කලා සේනා­ධීර මහ­ත්මිය නිත­ර­ග­යෙන් තේරී පත්වූ අතර, ලේකම් ධුර­යට සපු­ග­ස්කන්ද විශාඛා බාලිකා විදු­හලේ ශිරන්ති ප්‍රසා­දිකා රාජ­පක්ෂ මහ­ත්මිය තේරී පත් වූවාය.

ඉතා උණු­සුම් මුහු­ණු­ව­රක් ගත් පාසල් නෙට්බෝල් නිල­ව­ර­ණය ඊයේ කොළඹ අධ්‍යා­පන අමා­ත්‍යාංශ ශ්‍රව­ණා­ගා­රයේ පැවති අතර, සභා­පති, නියෝජ්‍ය සභා­පති, උප සභා­පති තන­තුරු හැරුණු කොට සියලු විධා­යක තන­තුරු සඳහා ඡන්ද විම­සීම් පැවැ­ත්විණි.

ශ්‍රී ලංකා පාසල් නෙට්බෝල් නව නිල­ධාරී මණ්ඩ­ලය මෙසේය.

සභා­පති – එස්. සේනා­ධීර (විදු­හ­ල්පති – මහා­මායා බාලිකා විදු­හල මහ­නු­වර), නියෝජ්‍ය සභා­පති – නෙරං­ජලා හේරත් (විදු­හ­ල්පති – ප්‍රේම­රත්න විදු­හල කුලු­ග­ම්මන), ලේකම් – ශිරන්ති ප්‍රසා­දිකා රාජ­පක්ෂ (විශාඛා බාලිකා විදු­හල සපු­ග­ස්කන්ද), උප සභා­ප­ති­වරු – එච්. සුජීවා ප්‍රියන්ති (විදු­හ­ල්ප­ති­නිය – සිරි පිය­ර­තන මධ්‍ය මහා විද්‍යා­ලය පාදුක්ක), ප්‍රියංකා හේම­මාලි (නියෝජ්‍ය විදු­හ­ල්පති, පන්නල ජාතික පාසල) එස්.කේ. මුතු­මාල මයා (විදු­හ­ල්පති මාර/කොකා­වල ම.ම. විදු­හල), උප ලේකම් – යසන්ති තුෂා­රිකා (තිස්ස මධ්‍ය මහා විදු­හල, කළු­තර), භාණ්ඩා­ගා­රික – තේජා භද්‍රනි (වයඹ රාජ­කීය විදු­හල, කුරු­ණෑ­ගල), තරග ලේකම් – කමල් ශ්‍රී කාංචන මයා (මලි­ය­දේව බාලිකා විදු­හල කුරූ­ණෑ­ගල), තාක්ෂ­ණික නිල­ධාරී – වීනු ගීත් රාධා (සුජාතා විදු­හල මාතර)

09/03/2026

08/03/2026

බස්නාහිර, සබරගමුව සහ වයඹ පළාත් සහ වව්නියාව සහ සහ මන්නාරම දිස්ත්‍රික්ක සඳහා උණුසුම් කාලගුණ තත්ත්වයක් පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර තිබේ.
ඒ අනුව ඉහළ ප්‍රදේශවල ජීවත්වන ජනතාව විමසිලිමත් වන ලෙසත් මිනිස් සිරුරට දැනෙන උණුසුම අවධානය යොමු කළ යුතු මට්ටමක පැවතිය හැකි බවත් කාලගුණවිද්‍යා දෙපාර්තමේන්තුව නිවේදනය කරයි.
මෙනිසා වැඩි වෙලාවක් අව්වට නිරාවරණය වීම සහ ක්‍රියාකාරකම්වල නියුතු වීම තුළින් තෙහෙට්ටු තත්ත්වයක් ඇති විය හැකි බවත් තවදුරටත් ක්‍රියාකාරකම්වල නිරත වීම තුළින් විජලනය සහ ලවණ ඉවත් වීම නිසා මස්පිඩු පෙරළීම ඇති විය හැකි බවටත් අනතුරු ඇඟවීම් නිකුත් කර ඇත.
මෙනිසා ප්‍රමාණවත් ලෙස ජලය පානය කළ යුතු බවත්, සෙවණ ඇති ස්ථානවල හැකි පමණ විවේක ගත යුතු බවටත් කාලගුණවිද්‍යා දෙපාර්තමේන්තුව නිවේදනය කරයි.
එසේම නිවෙස් තුළ සිටින වැඩිහිටි සහ රෝගී පුද්ගලයින් පිළිබඳ වඩාත්ම සැලිකිලිමත් විය යුතු අතර, කුඩා ළමුන් වාහන තුළ තනියම රඳවා නොයන ලෙසට ද දැනුම්දී ඇත.
සුදු හෝ ලා පැහැති සැහැල්ලු ඇඳුම් භාවිත කරන ලෙසත් කාලගුණවිද්‍යා දෙපාර්තමේන්තුව ජනතාවට දැනුම් දෙයි

01/03/2026

විශේෂ දැනුම් දීමයි!

මැදපෙරදික කලාපය තුළ මේ වන විට ඇතිව තිබෙන හදිසි තත්ත්වය හමුවේ එක්සත් අරාබි එමීර් රාජ්‍යයේ වෙසෙන සියළුම ශ්‍රී ලාංකිකයන් හට අනවශ්‍ය ගමන් හෝ ඒකරාශීවීම් වලින් ඉවත්ව තම නිවාස හෝ සේවා ස්ථාන වල රැදී සිටින ලෙසත්, බලධාරීන් විසින් නිකුත් කරන ආරක්ෂක විදිවිධාන ඒ අයුරින් ම පිළිපදින ලෙසත්, නිරන්තර විමසිල්ලෙන් කටයුතු කරන ලෙසත් තානාපති කාර්‍යාලය කාරුණිකව ඉල්ලා සිටිමු.

තානාපති කාර්‍යාලය සාමන්‍ය පරිදි සේවාවන් ලබා දීමට විවෘතව පවතින අතර හදිසි තත්ත්ත්වය යටතේ එක්සත් අරාබි එමීර් රාජ්‍යයේ වෙසෙන සියළුම ශ්‍රී ලාංකිකයන් මුහුණපාන ඕනෑම ගැටලුවක් පහත විද්‍යුත් තැපෑල සහ Whatsapp දුරකථන අංකය ඔස්සේ තානාපති කාර්‍යාලයට දැනුම් දිය හැකිය.

Email: [email protected]
Whatsapp: +971509318538

28/02/2026

The following are the safe shelters designated by the Bahraini Authorities for the attention of Sri Lankans who are in need of temporary accommodation and assistance.

The Embassy of Sri Lanka in the Kingdom of Bahrain kindly informs the Sri Lankan community that these shelters are available for those who may require immediate support. They may proceed to the nearest designated shelter.

තාවකාලික නවාතැන් සහ ආධාර අවශ්‍ය ශ්‍රී ලාංකිකයන්ගේ අවධානය සඳහා බහරේන් බලධාරීන් විසින් නම් කරන ලද ආරක්ෂිත නවාතැන් පහත දැක්වේ.

බහරේන් රාජධානියේ ශ්‍රී ලංකා තානාපති කාර්යාලය ශ්‍රී ලාංකික ප්‍රජාවට කාරුණිකව දැනුම් දෙන්නේ මෙම නවාතැන් ක්ෂණික සහාය අවශ්‍ය විය හැකි අය සඳහා ලබා ගත හැකි බවයි.

28/02/2026

🔴 කටාර් රාජ්‍ය තුළ වෙසෙන ශ්‍රී ලාංකිකයින්ට දැනුම්දීමක්....................
මැදපෙරදිග කලාපය තුළ උද්ගතව ඇති උණුසුම් වාතාවරණය හේතුවෙන් කුවේට් රාජ්‍යයේ සිටින සියලුම ශ්‍රී ලාංකිකයින්
අනවශය ගමන් බිමන් අවම කරන ලෙසත් , තමන්ගේ ජංගම දුරකථන සැමවිටම ආරෝපිතව තබා ගන්නා ලෙසත් දැනුම් දී තිබෙනවා.

හදිසි අවස්ථාවක දී ,

කුවේට් ශ්‍රී ලංකා තානාපති කාර්යාලය දුරකථන අංක ;

+965 65845646
+965 66503544
+965 25354611
-------------
ශ්‍රී ලංකා විදේශ සේවා නියුක්ති කාර්යාංශය
+94 71 980 2822 හෝ 1989

28/02/2026

ලංකා සුදු ඩීසල්, සුපිරි ඩීසල් සහ පෙට්‍රල් මිල ඉහළට
February 28, 2026 09:13 pm

මාසිකව ක්‍රියාත්මක වන මිල සූත්‍රයට අනුව ඉන්ධන මිල ගණන් අද (28) මධ්‍යම රාත්‍රියේ සිට ක්‍රියාත්මක වන පරිදි සංශෝධනය කිරීමට ලංකා ඛනිජ තෙල් සංස්ථාව තීරණය කර තිබේ.

ඒ අනුව ලංකා සුදු ඩීසල් ලීටරයක මිල රුපියල් 04කින් ඉහළ දමා ඇති අතර එහි නව මිල රුපියල් 281කි.

රුපියල් 323ක්ව පැවැති සුපිරි ඩීසල් ලීටරයක මිල ඉහළ දමා ඇත්තේ, රුපියල් 06කින්ය.

ඒ අනුව එහි නව මිල රුපියල් 329ක් වනු ඇත.

ඔක්ටේන් 92 වර්ගයේ පෙට්‍රල් ලීටරයක් මිල රුපියලකින් ඉහළ දමා ඇති අතර එහි නව මිල රුපියල් 293ක් වේ.

ලංකා භූමිතෙල් සහ ඔක්ටේන් 95 වර්ගයේ පෙට්‍රල් මිල සංශෝධනය නොකළ බව ලංකා ඛනිජ තෙල් සංස්ථාව නිවේදනය කරයි.

ඒ අනුව භූමිතෙල් ලීටරයක මිල රුපියල් 182ක් වන අතර ඔක්ටේන් 92 වර්ගයේ පෙට්‍රල් ලීටරයක මිල රුපියල් 340ක් වේ.

26/02/2026

2025 වර්ෂයේ අධ්‍යයන පොදු සහතික පත්‍ර (උසස් පෙළ) විභාගයට අදාළ ප්‍රායෝගික පරීක්ෂණ පැවැත්වෙන දින ශ්‍රී ලංකා විභාග දෙපාර්තමේන්තුව විසින් ප්‍රකාශයට පත් කර තිබේ.

එම දෙපාර්තමේන්තුව සඳහන් කරන්නේ, ඉංජිනේරු තාක්ෂණවේදය විෂයයේ ලිඛිත විභාගයට පෙනී සිටි අයදුම්කරුවන් සඳහා ප්‍රායෝගික පරීක්ෂණ 2026 මාර්තු 06 දින සිට 2026 මාර්තු 15 දින දක්වා දිවයින පුරා පැවැත්වීමට කටයුතු සලසා ඇති බවයි.

තවද, විෂය අංක 52 – නර්තනය (දේශීය), විෂය අංක 53 – නර්තනය (භාරත), විෂය අංක 54 – සංගීතය (පෙරදිග) සහ විෂය අංක 55 – සංගීතය (කර්ණාටක) යන විෂයයන් සඳහා ප්‍රායෝගික පරීක්ෂණ 2026 මාර්තු 09 දින සිට 2026 මාර්තු 16 දින දක්වා පැවැත්වීමට නියමිතය.

මීට අමතරව, විෂය අංක 56 – සංගීතය (බටහිර), විෂය අංක 57 – නාට්‍ය හා රංග කලාව (සිංහල), විෂය අංක 58 – නාට්‍ය හා රංග කලාව (දෙමළ) සහ විෂය අංක 59 – නාට්‍ය හා රංග කලාව (ඉංග්‍රීසි) යන විෂයයන් සඳහාද ප්‍රායෝගික පරීක්ෂණ 2026 මාර්තු 09 දින සිට 2026 මාර්තු 16 දින දක්වා පැවැත්වෙන බව සඳහන් වේ.

පාසල් අයදුම්කරුවන්ගේ ප්‍රවේශපත්‍ර අදාළ පාසල්වල විදුහල්පතිවරුන් වෙත යොමු කර ඇති අතර, පෞද්ගලික අයදුම්කරුවන්ගේ ප්‍රවේශපත්‍ර අයදුම්පතෙහි සඳහන් ලිපිනයට තැපැල් මඟින් යැවීමට කටයුතු කරනු ඇත.

එසේම, ප්‍රායෝගික පරීක්ෂණ ආරම්භ වීමට දින 07කට පෙර සිට දෙපාර්තමේන්තුවේ නිල වෙබ් අඩවිය වන https://onlineexams.gov.lk/onlineapps මඟින්ද ප්‍රවේශපත්‍ර බාගත කර ගැනීමට පහසුකම් සලසා ඇති බව විභාග දෙපාර්තමේන්තුව වැඩිදුරටත් පවසයි.

25/02/2026

හෙට (26) දින ලංකා විදුලිබල මණ්ඩලයේ වෘත්තීය සමිති සංකේත වැඩ වර්ජනයක් දියත් කිරීමට නියමිතව ඇත.

ඒ අනුව එම වෘත්තීය සමිති පවසන්නේ හෙට දහවල් 12:00 සිට පස්වරු 6:00 දක්වා පැය 6 ක සංකේත වැඩ වර්ජනයක් දියත් කරන බවයි.

සියලුම සේවකයන්ගේ සේවක අයිතිවාසිකම් ආරක්ෂා කර ගැනීම යනුවෙන් සඳහන් කර ලංවිම වෘත්තීය සමිති 21ක් විසින් විදුලිබල හා බලශක්ති අමාත්‍යවරයා වෙත අද (25) ලිපියක් යොමුකරමින් මේ බව දැනුම්දී ඇත.සිය ඉල්ලීම් 8කට කිසිදු සාධනීය ප්‍රතිචාරයක් මේ දක්වාම ලැබී නොමැති බව එම ලිපිය මගින් වෘත්තීය සමිති දැනුම්දී තිබේ. එබැවින් අදාළ ඉල්ලීම් දිනාගැනීම සඳහා වෘත්තීය ක්‍රියාමාර්ග ගැනීම හැර වෙනත් කිසිඳු විකල්පයක් සේවකයන්ට සහ එම සේවකයන් නියෝජනය කරන වෘත්තීය සමිති වෙත ඉතිරිව නොමැති බව ඔවුන් පවසයි.

ඒ අනුව ඉතා සාධාරණ සහ යුක්ති සහගත එම ඉල්ලීම් ඉටුකිරීම පසෙක ලා දිගින් දිගටම කල්මැරීම මෙම පැය 6ක සංකේත වැඩ වර්ජනය දියත් කිරීමට හේතු වූ බව එහි දැක්වේ.

මෙම වැඩ වර්ජනය නිසා ඇතිවන සියලුම ආකාරයේ අහිතකර ප්‍රතිඵල සඳහා ලංකා විදුලිබල මණ්ඩලයේ සේවකයින් හෝ එම සේවකයන් නියෝජනය කරන වෘත්තීය සමිති වග නොකියන බවත්, එහි සම්පූර්ණ වගකීම විෂය භාර අමාත්‍යවරයා සහ වත්මන් ආණ්ඩුව භාර ගත යුතුය බව අදාළ වෘත්තීය සමිති එම ලිපියෙන් දැනුම්දී සිටී.