10/08/2026
सार्वजनिक सूचना | फोहोर व्यवस्थापन सम्बन्धी
भीमेश्वर नगरपालिकाको सहकार्यमा बजार क्षेत्र, बटुवा तथा पर्यटकको सुविधाका लागि कुहिने र नकुहिने फोहोर छुट्टाछुट्टै राख्ने डस्टबिनहरू राखिएका छन्।
तर, चरिकोट सातदोबाटो आसपासका केही घरबाट राति तथा बिहानै आफ्ना बालबालिकालाई पठाएर घरको फोहोर सार्वजनिक डस्टबिनमा फाल्ने गरेको हामीले पटक–पटक देख्दै आएका छौँ।
यस प्रकारको गतिविधि निगरानी गर्न CCTV को पहुँच हुने स्थानमा डस्टबिनहरू राखिएका छन्। सार्वजनिक स्थानमा राखिएका डस्टबिन व्यक्तिगत घरायसी फोहोर फाल्ने ठाउँ होइनन्।
भीमेश्वर नगरपालिकाले अहिले पनि क्षेत्रअनुसार कुहिने र नकुहिने फोहोर नियमित रूपमा संकलन गर्दै आएको छ। त्यसैले आफ्नो घरको फोहोर नगरपालिकाले तोकेको समयतालिका अनुसार नै फोहोर संकलनमा दिनुहुन अनुरोध गर्दछौँ।
आजदेखि कुनै पनि सार्वजनिक डस्टबिनमा घरायसी फोहोर फाल्ने कार्य भएको पाइएमा CCTV लगायतका माध्यमबाट निगरानी गरी प्रचलित नियम–कानुन बमोजिम आवश्यक कारबाही गरिने जानकारी गराउँदछौँ।
फोहोर व्यवस्थापन सबैको साझा जिम्मेवारी हो।
नियम–कानुनको पालना गरौँ, सार्वजनिक स्थान सफा राखौँ र सभ्य नागरिकको पहिचान दिऔँ।
🙏 यो सूचना तथा भिडियो Share गरेर सबैसम्म पुर्याउन सहयोग गरिदिनुहोला।
📹 GenzDolakha
