ريڤيو كفرالشيخ_Kafr El Sheikh review

ريڤيو كفرالشيخ_Kafr El Sheikh review أول بيدج في كفرالشيخ خاصه بعمل الريڨيوهات والدعاية والإعلان لكل شئ في كفرالشيخ واي حد من خارج كفرالشيخ يشرفنا وجوده علي البيدج �

05/06/2026

طريقه ادارى بيها العار لما علامه التوثيق المجانية تختفى

05/03/2026

هو البيدج دا منشوره هيظهر لحد
وهو منزلش عليه منشورات من أكتر من سنه ؟؟؟؟

لقيت واحده باعته رساله بتقولي ممكن تعملوا ريفيو عن الأستاذ/ إسلام عيسي مدرس الفيزياءقولتلها أنا بصراحه معرفوشقالت هو مدر...
25/04/2025

لقيت واحده باعته رساله
بتقولي ممكن تعملوا ريفيو عن
الأستاذ/ إسلام عيسي مدرس الفيزياء
قولتلها أنا بصراحه معرفوش
قالت هو مدرسي في الثانويه وانا دلوقتي خلصت
كلية صيدله من 2019 .
كنت بروح عنده درس ولما عرف اني يتيمه مكانش
بياخد مني فلوس الدرس لمدة ثلاث سنوات

وقالت إنها مش ناسيه اللي عمله معاها هي وكتير زيها
لأنه مش بس كان مدرس فيزياء ومجرد درس بيروحوه وبينتهي .

قالت إنه كان بمثابة مربي وأب لهم
وله تأثير في إرساء القيم والأخلاق في نفوس كل طلابه
وأنها أصبحت دكتوره بفضل الله ثم بفضل دعمه لها
وأنها لن تنسي مافعله معها طوال عمرها
وتتمني أن ترد لها ولو جزء بسيط من أفضاله عليها.

وأنها واصحابها لحد دلوقتي بيشوفوا فيديوهات الشرح بتاعه حتي بعد ماخلصوا جامعه وبيستفيدوا منها
وإنها مش ناسيه إن في اليوم الدنيا كانت بتشتي جامد مرضاش يسيبهم إلا لما ركب كل حد فيهم واطمن إنه وصل بيته
------------***-----------
عجبني أوي كلامها عنه
فسألت عنه وعرفت إنه فعلا ابن أصول ومن بيت طيب ووالده كان موجه في الأزهر الشريف
وإنه من الناس المتميزة في مجاله وإنه صاحب علم
واخلاق وبيتعامل مع طلابه برحمه وإنسانية.

وإنه بيحدد مواعيد الدرس بعيد عن اوقات الصلاه
وإنه مخصص مكان في الدرس للصلاه .

ودايما حريص علي تحفيز طلابه إنهم يفرحوا اهاليهم
بنجاحهم وانهم لازم يحسسوا اهلهم إن تعبهم وجهدهم جاب نتيجه .

وإنه بيراعي الأهالي
وبيراعي فعلاً ظروفهم المادية ولو عنده ٢ اخوات بياخد شهريه واحد منهم بس علشان عنده احساس ومقدر ظروف الحياه ومعانات الناس.

إحنا محتاجين ناس كتير زي الراجل ده
يتعاملوا مع الطلاب بإنسانيه وأبوه ويكملوا دور الاسره في التربيه . وميعتبرش الطلاب مجرد ماكينة فلوس
وخلاص .

مستر اسلام عيسي
جزاك الله خير الجزاء وجعل الله علمك ودعاء طلابك في ميزان حسناتك.
وبإسم كل طالب اتعلم عندك وأثرت فيه بأخلاقك وعلمك بنوجه ليك الشكر والتحية
وجزاك الله خير الجزاء

أحلي دكتور كدا كدا ❤️💙❤️بالتوفيق يارب 🤲 تشهد محافظة كفرالشيخ بوجه عام وقرية مسير بشكل خاص بداية انطلاق جديده لأحد أبنائه...
29/01/2025

أحلي دكتور كدا كدا ❤️💙❤️
بالتوفيق يارب 🤲
تشهد محافظة كفرالشيخ بوجه عام وقرية مسير بشكل خاص
بداية انطلاق جديده لأحد أبنائها (الموهوبين في عالم الطب)

دكتور / مصطفي عبدالفضيل اليماني
المدرس المساعد بكلية الطب جامعة الأزهر

دكتور مصطفي من الشباب المجتهده خفيفة الظل
وله طله تسعد القلب وتريح النظر

وان شاءالله هتكون بدايه موفقه لطبيب إنسان في مجال من المجالات النادره في عالم الطب 👇👇
(جراحة المخ والأعصاب والعمود الفقري )

وحط تحت كلمة إنسان دي ١٠٠ خط يادكتور
عاوزين طبيب الناس تتحاكي عن انسانيته ومعاملته الطيبه
مع كل الناس
طبيب يبقي سيرته تشرف زي دكتور / وائل عرفه (رحمه الله)
وزي دكتور / محمود حجازي
عاوزين طبيب نفتخر بيه ونقول دا أبن كفرالشيخ
عاوزين طبيب لما حد يسأل عنه نلاقي كل الناس بترشحه وبتتحاكي بإنسانيته وشطارته

ربنا يوفقك يارب 🤲

تم افتتاح العياده الخاصه بي في مدينه مسير -كفر الشيخ
العنوان : الموقف -برج الصعيدي ـ الدور الثالث
المواعيد : الخميس والجمعه أسبوعيا من الساعه 4 عصرا إلي الساعه 8 مساءاً
للاستعلام : ‏‪010-993-59624‬‏

26/01/2025

بالله عليكم فرحوه في قبره وخلوا الحسنات تملا صحيفته
فيديو ل(محمد نمر ) الذى توفاه الله
اسفل عجلات القطار بمزلقان السلخانه بكفرالشيخ
وهو يقراء القرأن بصوته فى جامعة كفرالشيخ
ربنا يجعله ف ميزان حسناته 😢

01/01/2025

الدعم ياجماعه
ممكن رجاء ننفع الناس الي زي دي
الراجل دا قاعد علي سور مدرسة الزهراء
عنده بلاستيك وحاجات حلوة
يا ريت بدل ما بنروح نشتري من اماكن كبيرة
ننفع الناس دي
هتفرق معاهم قبلنا بجد
أنا صورته وبعتذر اني صورته
بس قولت اقولكم
شير بقي علشان الكل يعرفه
منقول

وانا في السوق النهارده روحت لبتاع الفراخ اجيب طلبات الاسبوع عشان مبنزلش غير مره واحده المهم لقيت ست جميله علي اد حالها ج...
30/12/2024

وانا في السوق النهارده روحت لبتاع الفراخ اجيب طلبات الاسبوع عشان مبنزلش غير مره واحده المهم لقيت ست جميله علي اد حالها جت قالتله جهزتلي الحاجه قالها حاجه اي الست كانت محر،جه جدا قالوله الحاجه اللي قولتلك عليها الصبح قالها اها قصدك الرجول فيه هنا ٤ كيلو اهم هتاخديهم كلهم ولا اي
قبل ما الست ترد لقيت واحده مشاء الله ربنا يزيدها باين عليها انها مش محتاجه قالتله لو حلوه هاتلي اتنين كيلو
فالست الجميله قالتلها دي طعمها جميل والله قامت التانيه ردت عليها قالتلها لا يا حبيبتي مش هاكلها انا اكيد دي للكىلاب اللي عندي
الست نفسها انك،سرت والراجل بصراحه قالها يا ابله انا صاحب المحل كله اهو ولازم كل ما مراتي تعمل فراخ اخليها تسويلي كيلو من الرجول دي وعمتا انا مببعش فراخ يلا اتكلي علي الله
كل ده وانا متابعه الموقف وبصراحه عجبني رد صاحب المحل وعشان ارفع الحر،ج عن الست الجميله دي قولتلها استأذنك بس هاخد نص كيلو عشان أنا بحبها اووي برضو
قالتلي نص كيلو بس لا خدي انتي اتنين وانا اتنين
انا مش باكلها بس مردتش ازعلها وروحت نضفتها وتبلتها بالطريقه اللي هي قالت عليها وصدقوني دي اطعم فراخ دوقتها في حياتي
♥️

🤌 كلام مهم جدا 👌👌👌١ - الفترة الجاية ملهاش كتالوج و أي توقعات متعتمدش عليها .. الخلاصة كل واحد أدرى بظروفه٢ - إشتري على ق...
09/11/2024

🤌 كلام مهم جدا 👌👌👌
١ - الفترة الجاية ملهاش كتالوج
و أي توقعات متعتمدش عليها .. الخلاصة كل واحد أدرى بظروفه

٢ - إشتري على قد إحتياجاتك
والضروريات بس .

٣ - بلاش فشخرة نهائي بلااااش

٤ - الحاجة الضرورية اللي محتاج تشتريها إنهاردة متأجلهاش لبكرة

٥ - أتعب نفسك شوية و لف و إسمع الاسعار وقارن قبل ما تشتري .

٦ - اللي عنده أي حاجة قديمة لسة شغالة ميفرطش فيها

٧ - اللي عنده حاجة بايظة و ينفع تتصلح إوعي ترميها

٨ - إتعلم تقول لعيالك لأ ..
دي غالية مش حنقدر نجيبها

٩ - إتعلم عالكاشير ترجع الحاجة الغالية بالنسبالك متتكسفش

١٠ - إحنا في فترة البدايل دور علي البجائل الارخص اللي تقضي الغرض.

١١ - مدخراتك ده لو معاك إشتري أي حاجة مبتبوظش لأنها كده كده حتغلى

١٢ - قسم دخلك من أول الشهر و سدد إلتزاماتك الإجبارية ( قروض ، أقساط ، إيجار ، دروس ... إلخ ) و عيش بالباقي بس المهم متستلفش ( ده لو لقيت حد يسلفك يعني )

١٣ - متستعملش الكريديت كارد و عيش على قدك .. سامعني

١٤ - القسط دلوقتي أحسن من الكاش كمان ست شهور

١٥ - حافظ علي عربيتك عشان مش حتعرف تصلحها

١٦ - اليومين دوول مش بتوع براندات و فشخرة .. حتتهان

١٧ - العيال كلها مبتحضرش في المدارس .. التجريبي ميختلفش عن الخاص

١٨ - فنجان القهوة في كوستا زي اللي عند أي بتاع بن ، و الولية اللي مرسومة عالكوباية دي ذات نفسها حتبقى من الغارمات على رمضان الجاي و إنت حتكون محبوس في الزنزانة اللي جنبها ..

١٩ - إلغي أي حاجة بفاتورة مفتوحة و عيش على قد باقتك

اذا أتممت القراءه لاتنسى ذكر الله تعالى والصلاه على النبي صلي الله عليه وسلم ❤️

مين فينا مش بيتحط في حيره لما يكون عنده حد مريض ويحصل ظرف طارئيحتاج لتركيب قسطره او محلول او تركيب كانيولا او تغيير علي ...
14/06/2024

مين فينا مش بيتحط في حيره
لما يكون عنده حد مريض ويحصل ظرف طارئ
يحتاج لتركيب قسطره او محلول او تركيب كانيولا
او تغيير علي جرح عمليه
في اللحظه دي بتحس ان مخك وقف عن التفكير والدنيا
قفلت كل أبوابها في وشك
وخصوصا لو في وقت متأخر من الليل
او وانت في شغلك والحاله المريضه محدش يقدر يتحرك
بيها من البيت غيرك
وعلشان اللحظات المؤلمه دي اللي ربنا مايكتبها علي حد
وربنا يشفي كل مريض
مس (داليا ) فكرت بره الصندوق
وقررت انها تعمل مركز متنقل لخدمات التمريض المنزليه
داخل كفرالشيخ
ميس داليا مسؤلة فريق تمريض داخل احدي المستشفيات الحكومية الكبري في كفرالشيخ
بتقدم كل الخدمات اللي بيحتاجها المريض
من قياس ضغط- سكر- أكسجين- تركيب كانيولا- تركيب محاليل - تركيب قسطره- تغيير علي جروح العمليات …الخ
بالإضافة الي المتابعه مع الطبيب المعالج للحاله
وتنفيذ كل تعليماته باحترافيه .

مس داليا حد مجتهد وشاطر وبتحب شغلها جدااا
كل الدعم 🙏🙏
ارقام التواصل
01021126646
01032339902

اللي عملته دا مش هيعدي بالساهل 🥹ولازم كل الناس تعرفه 🙃🙃اولا محدش هيفهم كلامي ولا هيقدر اللي الراجل دا عمله غير اللي عرف ...
02/05/2024

اللي عملته دا مش هيعدي بالساهل 🥹
ولازم كل الناس تعرفه 🙃🙃
اولا محدش هيفهم كلامي ولا هيقدر اللي الراجل دا عمله
غير اللي عرف يعني ايه وجع حصوه لاول مره
ونزلت في الحالب🥲🥲🥲
ربنا يعافينا ويعافيكم جميعًا يارب 🤲🤲
في لحظه لقيت وجع في جنبي ولأول مره يجيلي 😒
وحرفيا كنت بعيط وبخبط راسي في الجدار من شدة الوجع
اخدت حقنتين مسكن مفيش فايده والوجع بيزيد 😟
روحت المستشفى اول ماشافوني ادوني (مورفين)
وللأسف المورفين مضيعش الوجع
وهنا كانت الصدمه ليا 🤷‍♂️🤷‍♂️
لما المورفين مايضيعش الوجع ايه اللي هيضيعه😡
الوجع هدي شويه لحد ماعملوا تحاليل واشعه
والاشعه طلعت ان فيه حصاوي ع الكله وواحده منهم اتحركت ونزلت الحالب ودي اللي عامله كده 😭😭
ساعتين ولقيتهم بيخرجوني قولت للدكتوره
الوجع موجود لسه😣😣
هخرج ازاي قالت هديك بروفين ٤٠٠ مسكن ☹️
قولتلها يعني المورفين مضيعوش البروفين هيضيعه قالت مقدرش اعملك اكتر من كده !!!!😡
بقيت شايل الهم لما مفعول المورفين يروح هعمل ايه 🥲

وعدي ١٢ ساعه علي معاد مااخدت المورفين
والوجع بدا يرجع وانا بقول لنفسي
هو انا هقدر اتحمل الوجع. بتاع امبارح دا تاني ازاي 😩😩

طيب احجز وانزل مصر ( لأني مسافر ) بره مصر
وفي لحظه كده ربنا الهمني اكلم دكتور /احمد 😇

كان رقمه معايا من وقت ماكنت في مصر
كنت كشفت علي اختي عنده ومفيش بينا معرفه شخصيه

اتصلت عليه قولتله الحقني انا بمووووت
قال فيه ايه حكتله الحاله واللي حصل في ي الاشعه والتحاليل
في اقل من ٥ دقايق كان كاتب ✍️ روشته
وجبت العلاج واول جرعة علاج خدتها في خلال ساعه بدات
احس ان رجعت للحياه 🙏🙏
١٤ ساعه من العذاب وكانوا هيزيدوا لولا الهام ربنا ليا اني اكلمه
في وسط الوجع دا وانا مش داري ولا فاكر حاجه في الدنيا…

عارفين يعني ايه 👇👇
من غير مايشوف الحاله وبمجرد وصف وفي اقل من ساعه
تكون الامور بدأت تمشي في الاتجاه الصحيح
دا معناه انه دكتور متمكن وشاطر اووووي في مجاله ❤️

مفيش شكر يوفيك حقك ولا اللي عملته معايا
ربنا يباركلك في علمك وعملك
ويارب دايما تكون سبب في علاج اوجاع الناس🙏🙏

انا اول مره ابقي بكتب ريفيو لحد وانا مش عارف اقول ايه
في حق اللي بكتبله مش عارف اوصفك بإيه ولا اقول ايه

بس انت تستاهل كل حاجه حلوه في الدنيا
شكرا 🙏 🙏🙏🙏
د/ احمد راضي هاشم

Address

كفرالشيخ
كفرالشيخ

Telephone

+201022909133

Website

Alerts

Be the first to know and let us send you an email when ريڤيو كفرالشيخ_Kafr El Sheikh review posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ريڤيو كفرالشيخ_Kafr El Sheikh review:

Shortcuts

Share